ຜູ້ມີສິດເລືອກຕັ້ງຢູ່ ເມືອງກະລຶມ ແຂວງເຊກອງ ຈຳນວນ 8,913 ຄົນ,ຍິງ 4,327 ຄົນ ໄດ້ໃຊ້ສິດປະຊາທິປະໄຕຂອງຕົນຢ່າງເຕັມປ່ຽມດໍາເນີນການປ່ອນບັດເລືອກເອົາ ສະມາຊິກສະພາແຫ່ງຊາດຊຸດທີ lX (ສສຊ ) ແລະ ສະມາຊິກສະພາປະຊາຊົນແຂວງເຊກອງຊຸດທີ ll (ສສຂ )ຫຼັງຄະນະກໍາມະການເລືອກຕັ້ງທັງ 20 ໜ່ວຍເປີດຫີບເລືອກຕັ້ງ ຂະນະທີ່ຜູ້ມີສິດເລືອກຕັ້ງຈຳນວນໜຶ່ງທີ່ບໍ່ສະດວກເດີນທາງມາປ່ອນບັດດ້ວຍຕົນເອງ ນັ້ນຄະນະກຳມະການເລືອກຕັ້ງຂັ້ນເມືອງ ໄດ້ສົ່ງພະນັກງານນຳເອົາຫີບເລືອກຕັ້ງເຄື່ອນທີ່ໃປສູ່ເປົ້າໝາຍດັ່ງກ່າວແລ້ວເຊັ່ນດຽວກັນ.

ທ່ານ ສາຍຄຳ ແກ້ວບຸນປານ ຮອງເລຂາພັກເມືອງ ຮອງປະທານຄະນະກຳມະການເລືອກຕັ້ງສະມາຊິກສະພາແຫ່ງຊາດຊຸດທີ lX (ສສຊ ) ແລະ ສະມາຊິກສະພາປະຊາຊົນແຂວງເຊກອງຊຸດທີ ll (ສສຂ ) ປະຈຳເຂດເລືອກຕັງເມືອງກະລຶມກ່າວວ່າ: ຫຼັງປິດຫີບເລືອກຕັ້ງເຫັນວ່າເມືອງຂອງຕົນບັນລຸຕາມຄາດໝາຍຕາມການກຳນົດໄວ້ຄື 300 ສ່ວນຮ້ອຍ ໄດ້ເປັນຢ່າງດີ ສໍາລັບຄະແນນສຽງຂອງຜູ້ສະໝັກຮັບເລືອກຕັ້ງທັງ ສສຊ ແລະ ສສຂ ນັ້ນ ຍັງຢູ່ໃນໄລຍະການນັບຂອງຄະນະກຳມະການດັ່ງກ່າວ ເຊິ່ງຈະແຈ້ງໃຫ້ຊາບຕາມພາຍຫຼັງ.