ທ່ານ ໂພໄຊ ອິນທະວົງສາ ກໍາມະການປະຈໍາພັກເມືອງຮອງ ເຈົ້າເມືອງໆ ອຸທຸມພອນ ຕາງໜ້າກໍາມະການເລືອກຕັ້ງຂັ້ນເມືອງ ໄດ້ໃຫ້ສໍາພາດຕໍ່ຜູ້ສື່ຂ່າວວິທະຍຸກະຈາຍສຽງຂອງພວກເຮົາກ່ຽວກັບການກະກຽມການເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ2ໃນຜ່ານມາມີຄວາມພ້ອມຫຼາຍ , ມີການແຕ່ງຕັ້ງອະນຸກໍາມະການ ໄປຕາມຂັ້ນຕອນ ແລະ ມີບັນຍາການອັນຟົດຟື້ນ ໂດຍ ສະເພາະແມ່ນການເປີດຮຽນສະໜັບສະໜູນໃຫ້ປະຊາຊົນ, ພ້ອມທັງຄະນະພິຊອບການປ່ອນບັດແມ່ນມີຄວາມຮັບຜິດຊອບສູງ, ເຊິ່ງໃນທົ່ວເມືອງມີຈໍານວນພົນທັງໝົດ 97.898 ຄົນ ຍິງ 48.929, ຜູ້ມີອາຍຸແຕ່ 18 ປີຂຶ້ນໄປ ຜູ້ມີສິດເລືອກຕັ້ງມີໜ້າຕົວຈິງທັງໝົດ 49.684 ຄົນ, ຍິງ 24.303 ມີໜ່ວຍປ່ອນບັັດ 88 ໜ່ວຍ ສໍາລັບການເລືອກຕັ້ງໃນຄັ້ງນີ້ເຫັນວ່າປະຊາຊົນມີຄວາມພ້ອມເຂົ້າຮ່ວມເປັນຂະບວນການຢ່າງຫຼວງຫຼາຍໂດຍສະເພາະ ແມ່ນຕອນເລີ່ມເປີດຫີບບັດນັບແຕ່ເວລາ 7:00 ໂມງ, ປະຊາຊົນກໍ່ໄດ້ພາກັນມາລໍຖ້າແຕ່ເຊົ້າເພື່ອໃຊ້ສິດເລືອກຕັ້ງຂອງຕົນ.

ນອກນັ້ນກ່ອນມື້ເລືອກຕັ້ງ ປະຊາຊົນແມ່ນມີຄວາມຕື່ນຕົວປະກອບສ່ວນສ້າງຂະບວນການ ໂດຍສະການອະນາໄມ, ປະດັບປະດາຕິດທຸງຊາດ-ທຸງພັກ, ໂຄສະນາທາງໂທລະໂຄ່ງປະຈໍາບ້ານ ເຊິ່ງມາຮອດປະຈຸບັນນີ້ການປ່ອນບັດເລືອກຕັ້ງໄດ້ເກີນ 95% ແລ້ວ ຖ້າທຽບໃສ່ໃນປີຜ່ານມາຄວາມຕື່ນຕົວຂອງປະຊາຊົນເປັນເຈົ້າການ 3 ທົບ. ໂດຍຮັບປະກັນໄດ້ວ່າ 300% ໃນທົ່ວເມືອງອຸທຸມພອນ.