ສຳລັບການປ່ອນບັດເລືອກຕັ້ງ ສສຊ ຊຸດທີ9 ແລະ ສສຂ ຊຸດທີ2 ເມືອງພີນ ໄດ້ຈັດຂຶ້ນໃນຕອນເຊົ້າມື້ນີ້, ເຊິ່ງແຕ່ລະຈຸດບ່ອນບັດເລືອກຕັ້ງ ແມ່ນມີບັນຍາກາດຢ່າງຄຶກຄື້ນໂດຍສະເພາະແມ່ນ ໜ່ວຍປ່ອນບັດຂອງເມືອງພີນ , ທົ່ວເມືອງເມືອງພີນ ມີ 100 ບ້ານ,ມີມີຈໍານວນພົນລະເມືອງທັງໝົດ 75.279ຄົນ, ຍິງ37.370ຄົນ,ຜູ້ທີ່ມີສິດປ່ອນບັດເລືອກຕັ້ງແຕ່ອາຍຸ 18 ປີຂຶ້ນໄປມີ 39.862 ຄົນ, ຍິງ 19.778 ຄົນ,ຜູ້ໄປສຶກສາຮຳ່ຮຽນຢູ່ທ້ອງຖິ່ນອື່ນພາຍໃນປະເທດ261ຄົນ ຍິງ107ຄົນ, ໄປສຶກສາຮຳ່ຮຽນຢູ່ຕ່າງປະເທດ 37ຄົນ,ຍິງ15ຄົນ, ໄປອອກແຮງງານໃນທ້ອງຖິ່ນອື່ນພາຍໃນປະເທດ 1.256ຄົນ,ຍິງ560ຄົນ, ໄປອອກແຮງງານຢູ່ຕ່າງປະເທດ1.967ຄົນ ຍິງ 1.241ຄົນ ,ຈຳນວນຜູ້ມີສິດປ່ອນບັດເລືອກຕັ້ງທີ່ມີໜ້າຕົວຈິງມີ 36.016ຄົນ, ຍິງ 17.784 ຄົນ, ໂດຍມີຫີບໜ່ວຍປ່ອນບັດທັງໝົດທົ່ວເມືອງ 49 ໜ່ວຍ.

ທຽບໃສ່ປີຜ່ານມາມີຈຳນວນພົນເພີ່ມຂຶ້ນ708ຄົນຍິງ310ຄົນ.ເຊິ່ງໃນຕອນເຊົ້າແມ່ນມີບັນຍາກາດອັນຟົດຟື້ນປະຊາຊົນຜູ້ມີສິດປ່ອນບັດເລືອກຕັ້ງກໍ່ໄດ້ພາກັນມານັ່ງລໍຖ້າປ່ອນບັດແຕ່ເຊົ້າໆຢ່າງພ້ອມພຽງ ໂດຍການນຳພາຂອງທ່ານ ສາລີ ວິນລາວັນ ກຳມະການພັກແຂວງ ເລຂາພັກເມືອງ ເຈົ້າເມືອງໆພີນໂດຍທ່ານໃຫ້ຮູ້ວ່າ ໜ່ວຍປ່ອນບັດປະສົມໄຊແມ່ນໜ່ວຍປ່ອນບັດທີ 2ຂອງເມືອງມີຈຳນວນພົນມາໃຊ້ິດເລືອກຕັ້ງທັງໝົດ988ຄົນ ,ຍິງ562ຄົນ ແລະ ສຳລັບໜ່ວຍທີ3ແມ່ນ ບ້ານເວີນຫົງຄຳມີ 892ຄົນ,ຍິງ505ຄົນ ນຳໂດຍ ທ່ານ ສົມສະໜຸກ ເພັດສົມພູ ກຳມະການພັກເມືອງ.ຮອງເຈົ້າເມືອງໆພີນທ່ານສາລີ ວິນລາວັນ ຍັງໃຫ້ຮູ້ຕື່ມອີກວ່າສຳລັບການເລືອກຕັ້ງໃນມື້ນີ້ ຄາດວ່າຈະໃຫ້ສຳເລັດໃນເວລາ 15:00ໂມງ ແລະ ຈະໃຫ້ສຳເລັດໃນການເກັບຫີບບັດແຕ່ລະໜ່ວຍເຂົ້າມາຈຸດຫ້ອງວ່າການໃຫ້ໄດ້ທັງໝົດເວລາ17:00ໂມງຂອງວັນທີ 21ກຸມພາ 2021ນີ້