ໃນຕອນເຊົ້າ ວັນທີ 22 ກຸມພາ 2021 ນີ້ຢູ່ຫ້ອງປະຊຸມຊັ້ນIII ຫ້ອງວ່າການແຂວງຊຽງຂວາງ ໄດ້ມີກອງປະຊຸມວິສາມັນຄົບຄະນະບໍລິຫານງານສະຫະພັນກຳມະບານ ແຂວງຊຽງຂວາງ ຄັ້ງທີ I ສະໄໝ ທີVII ຂື່ນຢ່າງເປັນທາງການ, ໂດຍການເປັນປະທານຂອງ ສະຫາຍ ພູວອນ ສີຄຳອອນ ກຳມະການພັກແຂວງ ປະທານຄະນະບໍລິຫານງານສະຫະພັນກຳມະບານແຂວງ,ໃຫ້ກຽດເຂົ້າຮ່ວມຂອງສະຫາຍ ນາງ ບົວສີ ນາຖາວົງ ຄະນະປະຈຳພັກແຂວງ ປະທານແນວລາວສ້າງຊາດແຂວງຊຽງຂວາງ, ຜູ້ຊີ້ນຳວຽກງານອົງການຈັດຕັ້ງມະຫາຊົນຂັ້ນແຂວງ, ມີບັນດາຫົວໜ້າ-ຮອງຫົວໜ້າພະແນກ ການອ້ອມຂ້າງແຂວງ, ປະທານ-ຮອງປະທານຄະນະບໍລິຫານງານສະຫະພັນກຳມະບານເມືອງ, ແຂກຖືກເຊີນຕະຫຼອດຮອດພະນັກງານສະມາຊິກກຳມະບານແຂວງເຂົ້າຮວ່ມທັງໝົດ29 ສະຫາຍ,ຍີງ6 ສະຫາຍ.

ກອງປະຊຸມໃນຄັ້ງນີ້ ຈະໄດ້ຮັບຟັງບົດສະຫຼຸບການເຄື່ອນໄຫວຈັດຕັ້ງປະຕິບັດວຽກງານກຳມະບານຮອບດ້ານຂອງແຂວງຊຽງຂວາງ ປີ2020 ແລະ ທິດທາງແຜນການ ປີ 2021 ເຊີ່ງໄດ້ຍົກໃຫ້ເຫັນຜົນງານດ້ານດີ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດວຽກງານກຳມະບານໃນໄລຍະຜ່ານມາ, ເຊີ່ງຜູ້ເຂົ້າຮວ່ມກອງປະຊຸມແມ່ນໄດ້ພອ້ມກັນເປັນເຈົ້າການຄົ້ນຄວ້າປະກອບຄຳຄິດຄຳເຫັນ ໃສ່ບັນຫາທີ່ຍັງຄົງຄ້າງ ໂດຍສະເພາະແມ່ນ ດ້ານວຽກງານໂຄສະນາສຶກສາອົບຮົມການເມືອງ ນຳພາແນວຄິດ, ດ້ານວຽກງານປັບປຸງແລະຂະຫຍາຍ, ການຈັດຕັ້ງກຳມະບານ, ວຽກງານບໍລິຫານ ,ບໍລິການກອງທຶນ, ວຽກງານປົກປອ້ງສິດຜົນປະໂຫຍດ ອັນຊອບທຳຂອງສະມາຊິກກຳມະບານ, ກຳມະກອນ ແລະຊາວຜູ້ອອກແຮງງານ ແລະ ວຽກງານຂະບວນການແຂ່ງຂັນ 5 ເປັນເຈົ້າ ແລະ ທິດທາງວິທີ ການປັບປຸງແກ້ໄຂ ດ້ານແບບ ແຜນວິທີນຳພາ ແລະ ແບບແຜນວິທີເຮັດວຽກຂອງກຳມະບານແຕ່ຂັ້ນ, ເຊີ່ງຈະໄດ້ເຮັດວຽກກຳມະບານໃນທົ່ວແຂວງຊຽງຂວາງມີການຂະຫຍາຍຕົວພັດທະນາດີຂື້ນໃນຕໍ່ໜ້າ. ພ້ອມນັ້ນ, ກອງປະຊຸມຍັງຈະໄດ້ຜ່ານຂໍ້ຕົກລົງຂອງຄະນະປະຈຳພັກແຂວງ ແລະຂໍ້ຕົກລົງຂອງປະທານສະຫະພັນກຳມະບານລາວ ວ່າດ້ວຍການຮັບຮອງຄະນະບໍລິຫານງານສະຫະພັນແຂວງຊຽງຂວາງ ສະໄຫມທີ່VII ຕື່ມອີກ.