ເພື່ອເປັນການຊຸກຍູ້,ຕິດຕາມກວດກາເບິ່ງການກະກຽມຄວາມພ້ອມຮອບດ້ານ ໃຫ້ແກ່ບັ້ນເລືອກຕັ້ງສະມາຊິກສະພາແຫ່ງຊາດຊຸດທີ 9 ແລະ ສະມາຊິກສະພາປະຊາຊົນຂັ້ນແຂວງ ຊຸດທີ 2 ທີ່ຈະຈັດຂຶ້ນໃນວັນອາທິດ ວັນທີ 21 ກຸມພາ ປີ 2021 ນີ້ ຂອງແຕ່ລະໜ່ວຍບັດໃນທົ່ວເມືອງເຊໂປນ ໃຫ້ມີຄວາມພ້ອມ 100 % ໃນທຸກດ້ານ.ດັ່ງນັ້ນ,ມາໃນຕອນເຊົ້າຂອງວັນທີ 19-20 ກຸມພາ ປີ 2021 ນີ້ທ່ານ ວົງສະຫວັນ ວຽງມະນີ ກຳມະການພັກແຂວງ ເລຂາພັກເມືອງ ເຈົ້າເມືອງເຊໂປນ ພ້ອມດ້ວຍທີມງານ ໄດ້ພ້ອມກັນລົງຕິດຕາມກວດກາເບິ່ງສະພາບການກະກຽມຄວາມພ້ອມຮອບດ້ານ ໃນບັ້ນເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ຢູ່ທີ່ແຕ່ໜ່ວຍເຊິ່ງມາຮອດປະຈຸບັນນີ້ການກະກຽມຄວາມພ້ອມກໍ່ເຫັນວາ່ມີຄວາມພ້ອມແລ້ວ 100 % ບໍ່ວ່າຈະເປັນທາງດ້ານສະທີ່ຈຸດປ່ອນບັດ,ການຕິດຮູບຜູ້ແທນ,ຊ່ອງການລົງຄະແນນສຽງ, ຕູ້ປ່ອນບັດ, ອຸປະກອນຮັບໃຊ້ຕ່າງໆການປ້ອງກັນຄວາມສະຫງົບໃນທົ່ວເມືອງເຊໂປນຜູ້ມີສິດປ່ອນບັດທີ່ມີໜ້າຕົວຈິງທັງໝົດ 33,728ຄົນ,ຍິງ 16471 ຄົນ

ໃນໂອກາດນີ້ ການນໍາຂັ້ນເມືອງກໍ່ໄດ້ຮຽກຮ້ອງມາຍັງຄະນະຮັບຜິດຊອບຂອງໜ່ວຍບັດທັງໝົດໃນທົ່ວເມືອງ ຈົ່ງໄດ້ເປັນເຈົ້າການຂຶ້ນຕື່ມໂດຍສະເພາະກໍ່ແມ່ນມາດຕະການປ້ອງກັນຄວາມສະຫງົບປອດໄພ,ຮັບປະກັນບໍ່ໃຫ້ມີປະກົດການຫຍໍ້ທໍ້ຕ່າງໆເກີດຂຶ້ນຢ່າງເຂັ້ມງວດ, ທັງນີ້ກໍ່ເພື່ອເຮັດໃຫ້ບັ້ນເລືອກຕັ້ງໃນຄັ້ງນີ້ ຮັບປະກັນໃຫ້ໄດ້ຮັບຜົນສໍາເລັດຕາມລະດັບຄາດໝາຍ 300%