ບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ໄດ້ເປີດຂຶ້ນຢ່າງເປັນທາງການໃນເວລາ 7:00 ໂມງຂອງວັນທີ 21 ກຸມພາ 2021 ແລະ ເປັນຂະບວນການຟົດຟື້ນໃນຂອບເຂດທົ່ວປະເທດ, ເວົ້າສະເພາະຢູ່ໜ່ວຍເລືອກຕັ້ງທີ 15 ບ້ານ ຈຸຮຸງເໜືອ ເມືອງທ່າແຕງ ແຂວງເຊກອງ ໄດ້ດຳເນີນການປ່ອນບັດເລືອກຕັ້ງຢ່າງຄຶກຄື້ນ.

ທ່ານ ສູນທອນ ຂິນທະວົງ ກຳມະການພັກເມືອງປະທານກຳມະບານເມືອງທັງເປັນຫົວໜ້າໜ່ວຍເລືອກຕັ້ງທີ 15 ບ້ານຈຸງຮຸງເໜືອໃຫ້ຮູວ່າ: 21 ກຸມພາ 2021 ເປັນເລືອກບັ້ນເລືອກຕັ້ງສະມາຊິກສະພາແຫ່ງຊາດຊຸດທີ IX ແລະສະມາຊິກສະພາປະຊາຊົນຂັ້ນແຂວງຊຸດທີ II ເພື່ອເລືອກເອົາຕົວແທນຂອງຕົນເຂົ້າໄປປະຕິບັດໜ້າທີ່ອັນມີກຽດຢູ່ໃນສະພາແຫ່ງຊາດ ແລະສະພາປະຊາຊົນແຂວງ ເຊິ່ງໜ່ວຍເລືອກຕັ້ງທີ 15 ບ້ານຈຸງຮຸງເໜືອ,ປະກອບມີ 4 ບ້ານຄື: ບ້ານ ປະຫຼາຍ,ບ້ານ ໂທນໃຫຍ່,ບ້ານ ຈຸງຮຸງ
ເໜືອ ແລະ ບ້ານ ຈຸງຮຸງໃຕ້, ມີພົນລະເມືອງທັງໝົດ 1,717ຄົນ,ຍິງ 870 ຄົນ,ຜູ້ມີສິດປ່ອນບັດເລືອກຕັ້ງນັບແຕ່ອາຍຸ 18 ປີຂຶ້ນໄປທັງໝົດ 890 ຄົນ, ຍິງ 442 ຄົນ.ພ້ອມນີ້ທາງຄະນະກຳມະການທີ່ຮັບຜິດຊອບການປ່ອນບັດ ແມ່ນໄດ້ເອົາໃຈໃສ່ປະຕິບັດໜ້າທີ່ຂອງຕົນດ້ວຍຄວາມຮັບຜິດ ຊອບສູງ, ໂດຍສະເພາະກວດກາລາຍຊື່, ຢາຍບັດໃຫ້ຜູ້ທີ່ມາໃຊ້ສິດປ່ອນບັດ, ມີການປະກາດ ແລະປະຊາສໍາພັນເປັນໄລຍະ ເພື່ອເຮັດໃຫ້ປະຊາຊົນຜູ້ມີສິດເລືອກຕັ້ງໄດ້ໄປໃຊ້ສິດຂອງຕົນໃຫ້ໄດ້ 100%, ຮັບ ປະກັນໃຫ້ປະຊາຊົນໄດ້ໃຊ້ສິດປະຊາທິປະໄຕໃນການລົງຄະແນນສຽງຢ່າງຖືກຕ້ອງບໍ່ໃຫ້ມີບັດຕາຍ 100% ແລະບັນດາເຈົ້າໜ້າທີ່ກໍາລັງ ປກຊ-ປກສ ກໍເຮັດວຽກດ້ວຍຄວາມຮັບຜິດຊອບສູງ ເພື່ອຮັບປະກັນໃຫ້ໄດ້ບັນຍາກາດຄວາມສະຫງົບຮຽບຮ້ອຍ 100%.