ວັນທີ 21 ກຸມພາ 2021 ພໍ່ແມ່ປະຊາຊົນຊາວເມືອງບາຈຽງຈະເລີນສຸກ ແຂວງຈໍາປາສັກ ໄດ້ພ້ອມພຽງກັນອອກມາໃຊ້ສິດຂອງຕົນເອງໄປປ່ອນບັດເລືອກຕັ້ງຕາມລະບຽບການທີ່ກຳນົດໄວ້ໂດຍສະເພາະແມ່ນໜ່ວຍປ່ອນບັດເລືອກຕັ້ງບ້ານໜອງກອກ ໄດ້ມີການນໍາຂັ້ນເມືອງ,ພະນັກງານອາວຸໂສບໍານານ,ຜູ້ສະໝັກເລືອກຮັບເລືອກຕັ້ງເປັນສະມາຊິກສະພາປະຊາຊົນແຂວງປະຈໍາເຂດເມືອງບາຈຽງຈະເລີນສຸກພ້ອມດ້ວຍປະຊາຊົນແລະຜູ້ມີສິດປ່ອນບັດເລືອກຕັ້ງພາຍໃນໜ່ວຍເຂົ້າຮ່ວມຢ່າງເປັນຂະບວນຟົດຟື້ນ

ເພື່ອຊຸກຍູ້,ປຸກລະດົມສະມາຊິກພັກ,ພະນັກງານມີຄວາມຕື່ນຕົວແລະເປັນເຈົ້າການນໍາໃຊ້ສິດເປັນເຈົ້າຕົນເອງເຂົ້າໃນການເລືອກຕັ້ງຄະນະພັກ-ອົງການປົກຄອງແຕ່ລະຂັ້ນໄດ້ຖືເອົາບັ້ນເລືອກຕັ້ງຄັ້ງນີ້ເປັນປາງບຸນໃຫ່ຍໂດຍເຮັດໃຫ້ການເລືອກຕັ້ງໄດ້ຮັບລະດັບຄາດໜາຍທີ່ວາງໄວ້100%,ສໍາລັບເຂດເລືອກຕັ້ງສະມາຊິກສະພາແຫ່ງຊາດຊຸດທີIXມີຜູ້ລົງສະໜັກ20ທ່ານເລືອກເອົາ15ທ່ານ,ສ່ວນຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນຂັ້ນແຂວງຜູ້ລົງສະໝັກ5ທ່ານ,ເລືອກເອົາ3ທ່ານ ປະຈຸບັນທົ່ວເມືອງບາຈຽງຈະເລີນສຸກມີພົນລະເມືອງທັງໜົດ 68.204ຄົນ ,ຍິງ 32.648ໃນນັ້ນຜູ້ມີສິດປ່ອນບັດຕາມສໍາມະໂນຄົວ 40.058 ຄົນ,ຍິງ 19.225 ຄົນ,ຜູ້ສາມາດປ່ອນບັດຢູ່ໃນກົມກອງ/ບ້ານຕາມປື້ມສໍາມະໂນຄົວ 37.947ຄົນ,ຍິງ 18.240 ຄົນ,ຜູ້ມີສິດປ່ອນບັດເລືອກຕັ້ງຢູ່ທ້ອງຖີ່ນຖານອື່ນ 903 ຄົນ,ຍິງ 348 ຄົນ,ຜູ້ທີ່ໄປເຮັດວຽກຕ່າງປະເທດ 1,208ຄົນ,ຍິງ642 ຄົນແລະຜູ້ມີສິດເລືອກຕັ້ງມາຈາກທ້ອງຖີ່ນອື່ນ 15 ຄົນ,ຍິງ 8 ຄົນ ຜ່ານການເກັບກຳຂໍ້ມູນຕົວຈິງ.ທົ່ວເມືອງມີໜ່ວຍບ່ອນບັດເລືອກຕັ້ງ 86 ໜ່ວຍ ສ່ວນແຕ່ລະໜ່ວຍປ່ອນບັດເລືອກຕັ້ງໃນທົ່ວເມືອງໄດ້ດຳເນີນການປ່ອນບັດເປັນເອກກະພາບພ້ອມກັນໃນຂອບເຂດທົ່ວປະເທດໃນວັນທີ21ກຸມພາ2021ເປັນຕົ້ນໄປພ້ອມທັງລາຍງານຜົນການປ່ອນບັດໃຫ້ຄະນະກຳມະການຂັ້ນແຂວງຕາມລະດັບຄາດໝາຍ. ຂ່າວ​: ແຂ​ວງ​ຈຳ​ປ​າ​ສັກ