ວັນທີ 19 ກຸມພາ 2020 ທີ່ສະຖານິວິທະຍຸກະຈາຍສຽງ ພະແນກ ຖະແໜງຂ່າວວັດທະນະທຳ ແລະທ່ອງທ່ຽວ ແຂວງຫຼວງພະບາງ ໄດ້ຈັດກອງປະຊຸມສະຫຼຸບວຽກງານປະຈຳປີ 2020 ຂອງຂະແໜງຖະແຫຼງຂ່າວ, ໂດຍການເປັນປະທານຂອງທ່ານ ຈັນສະໝອນ ທິບພາວັນ ຮອງຫົວໜ້າພະແນກ ຖະແໜງຂ່າວວັດທະນາທຳແລະທ່ອງທ່ຽວແຂວງ ມີຕາງໜ້າຂະແໜງການອ້ອມຂ້າງ ກອງວິຊາການວິທະຍຸ,ໂທລະພາບ ແລະ ໜັງສືພີມ ພ້ອມດ້ວຍສື່ມວນຊົນອ້ອມຂ້າງແຂວງເຂົ້າຮ່ວມ.


ທ່ານ ວິໄລ ແກ້ວປະເສີດ ຫົວໜ້າ ຂະແໜງຖະແຫຼງຂ່າວ ໄດ້ກ່າວວ່າ: ຂະແໜງຖະແຫຼງຂ່າວ ໄດ້ເອົາໃຈໃສ່ຄຸ້ມຄອງສື່ມວນຊົນໃຫ້ເຄື່ອນໄຫວຕາມ 4 ລັກສະນະ ຂອງສື່ມວນຊົນ ປັດຈຸບັນ ມີນັກຂ່າວທັງໝົດ95 ຄົນ, ຍິງ 22 ຄົນ, ໄດ້ສະໜອງຂໍ້ມູນຂ່າວສານໃຫ້ສັງຄົມຮັບຮູ້ ໂດຍສະເພາະ ໄດ້ຕິດຕັ້ງໂທລະໂຄ່ງແລ້ວ 308 ບ້ານ. ກວມເອົາ 40,74% , ໄດ້ຊີ້ນຳ ແລະຜະລິດສະປອດໃຫ້ແກ່ສະຖານີວິທະຍຸ-ໂທລະພາບເພື່ອໂຄສະນາ ໃຫ້ແກ່ການກະກຽມ ແລະດໍາເນີນກອງປະຊຸມໃຫຍ່ຂອງແຂວງໄດ້ 12 ສະປອດ, ສໍາເລັດການຈັດຊື້ອຸປະກອນໂທລະໂຄ່ງໃຫ້6ບ້ານ, 6 ເມືອງສໍາເລັດຕາມແຜນການທີ່ວາງໄວ້ 100%, ອອກໃບອະນຸຍາດ ໃຫ້ບໍລິສັດເຄເບີ້ນມີສາຍ, ບໍລິສັດດີຈີຕອນ, ແຂກພາຍໃນ ແລະ ຕ່າງປະເທດທີ່ເຂົ້າມາຖ່າຍທໍາສາລະຄະດີໄດ້ທັງໝົດ 09 ຄັ້ງ. ສຳລັບສະຖານີ ວິທະຍຸກະຈາຍສຽງ ມີ 29 ລາຍການຕໍ່ມື້ ໂດຍສຸມໃສ່ໂຄສະນາບັດດາມະຕີກອງປະຊຸມຄັ້ງທີ X ຂອງພັກ ໄດ້ 1,050 ຄັ້ງ ເພີ່ມຂຶ້ນ 150 ຄັ້ງ ເທົ່າກັບ14% , ມະຕິກອງປະຊຸມຄັ້ງທີ VII ຂອງອົງຄະນະພັກແຂວງ ໄດ້ 800 ຄັ້ງ, ເພີ່ມຂຶ້ນ 150 ຄັ້ງ ເທົ່າກັບ 18%, ເຜີຍແຜ່ມູນເຊື້ອວັດທະນະທໍາ ຕິດພັນກັບວຽກງານທ່ອງທ່ຽວຂອງແຂວງ ແລະແຜນພັດທະນາເສດຖະກິດ-ສັງຄົມ ໄດ້ 800 ຄັ້ງ ເພີ່ມຂຶ້ນ 50 ຄັ້ງ ເທົ່າກັບ 6%, ໂຄສະນາ ໃຫ້ແກ່ວັນສໍາຄັນຂອງແຂວງ, ຂອງຊາດ ແລະວັນສຳຄັນຕ່າງໆ ໃຫ້ໄດ້ 700 ຄັ້ງ, ຄຽງຄູ່ກັນນັ້ນສື່ມວນຊົນໄດ້ເຄື່ອນໄຫວເກັບກໍາຂ່າວ 650 ເທື່ອ ເທົ່າກັບ 16%, ຂຽນຂ່າວ ແລະ ບົດ ໄດ້1.000 ກວ່າຂ່າວ ເທົ່າກັບ 20%, ນອກນັ້ນໄດ້ໂຄສະນາການປ້ອງກັນ ແລະ ສະກັດກັ້ນ ພະຍາດໂຄວິດ-19 ໄດ້ 1.180 ຄັ້ງ, ໂຄສະນາການຄວບຄຸມ-ປ້ອງກັນພະຍາດຕາມລະດູການ ແລະການປູກພືດໃນລະດູຝົນ ໄດ້ 380 ຄັ້ງ ເພີ່ມຂຶ້ນ 80 ຄັ້ງ ເທົ່າກັບ 21%, ສົ່ງຂ່າວໃຫ້ວິທະຍຸແຫ່ງຊາດໄດ້ 1.650 ຂ່າວ ສື່ສິ່ງພິມຕ່າງໆ ເພີ່ມຂຶ້ນ 326 ຂ່າວ ເທົ່າກັບ 20%, ມີລາຍຮ່ວມຈາກພາກສ່ວນຕ່າງໆພາຍໃນແຂວງທັງໝົດ 20 ລາຍການ, ວຽກງານສະຖານິໂທລະພາບ ໄດ້ເຄື່ອນໄຫວເກັບກໍາຂ່າວທັງໝົດ 589 ຄັ້ງ, ຂຽນຂ່າວໄດ້ທັງໝົດ 738 ຂ່າວ, ພ້ອມນັ້ນກໍໄດ້ເຄື່ອນໄຫວເກັບກໍາຂ່າວນໍາຄະນະສະເພາະກິດປ້ອງກັນ ແລະຄວບຄຸມການແຜລະບາດພະຍາດ COVID 19 ຜະລິດເປັນຂ່າວ, ສະປອດ ແລະບັນລະຍາຍໃນລາຍການຕ່າງໆ ແລະວຽກງານກອງວິຊາການຂ່າວສານ-ໜັງສືພິມໄດ້ລົງເຄື່ອນໄຫວເກັບກໍາຂ່າວທັງໝົດ 430 ຄັ້ງ ເທົ່າກັບ 86%, ໃນນີ້ໄດ້ເຄື່ອນໄຫວຂ່າວພາຍໃນໄດ້ 404 ຄັ້ງ ເທົ່າກັບ 90% ແລະເຄື່ອນໄຫວຂ່າວທາງໄກໄດ້ 28 ຄັ້ງ ເທົ່າກັບ 80%, ຂຽນຂ່າວໄດ້ທັງໝົດ 564 ຂ່າວ ເທົ່າກັບ 102,54% ລື່ນແຜນການ 2,54%, ຂຽນບົດໄດ້ທັງໝົດ 57 ບົດ ເທົ່າກັບ 87,69%, ໃນນັ້ນມີ ເລື່ອງສັ້ນ 6 ເລື່ອງ, ບົດຄວາມ 35 ບົດ, ບົດກອນ 16 ບົດ, ຮັບຂ່າວຈາກ ຖວທ ບັນດາເມືອງທັງໝົດ 781 ຂ່າວເທົ່າກັບ 130%, ຮັບຈາກບັນດາພະແນກການ, ກົມກອງອ້ອມຂ້າງ 357 ຂ່າວເທົ່າກັບ 119%, ສົ່ງຂ່າວໃຫ້ສູນກາງ 522 ຂ່າວ , ເທົ່າກັບ 95%, ຕິດຕາມຂ່າວອອກໜັງສືພິມສູນກາງ 480 ຂ່າວ, ເທົ່າກັບ 96%, ສາມາດຜະລິດໜັງສືພິມໄດ້ທັງໝົດ 6.300 ສະບັບເທົ່າກັບ 75% ແລະມາຮອດປັດຈຸບັນສາມາດຜະລິດໜັງສືພິມຮອດ ສະບັບທີ 294, ຍອດຂາຍໜັງສືພີມໄດ້ 70,85 %. ໃນບັດຍາກາດກອງປະຊຸມໄດ້ປະກອບຄວາມຄິດເຫັນແລກປ່ຽນບົດຮຽນໃນຍການຈັດຕັ້ງປະຕິບັດວຽກງານສື່ມວນຊົນ, ເປັນຕົ້ນ ການລົງເກັບກຳຂໍ້ມູນ, ການພົວພັນ, ການສົ່ງຂ່າວ ແລະອື່ນໆ. ນອກນັ້ນ ຍັງມີລາຍການຮ່ວມຈາກພະແນກການຕ່າງໆຕື່ມອິກ.

ໂອກາດດັ່ງກວ່າ ທ່ານ ຈັນສະໝອນ ທິບພາວັນ ຮອງຫົວໜ້າພະແນກ ຖວທ ແຂວງ ກໍໄດ້ສະແດງຄວາມຊົມເຊີຍ ຕໍ່ວຽກງານສື່ມວນຊົນທີ່ສາມາດຍາດມາໄດ້ ພ້ອມທັງເນັ້ນໃຫ້ເພີ່ມທະວີ ກົນໄກການເຄື່ອນໄຫວໃຫ້ສອດຄ່ອງຕາມແນວທາງ ຂອງພັກ, ແບບແຜນວິທີເຮັດວຽກຂອງບຸກຄົນ ໃຫ້ເຂັ້ມແຂງ ມີຄວາມໜັກແໜ້ນ ພ້ອມທັງເສີມຂະຫຍາຍກຳລັງແຮງພາຍໃນ ແລະນຳໃຊ້ຄວາມຮູ້, ຄວາມສາມາດທີ່ບົ່ມຊ້ອນ, ເພີ່ມຄວາມຮັບຜິດຊອບຕໍ່ໜ້າທີ່ວຽກງານຂອງຕົນໃຫ້ສູງຂຶ້ນ, ພ້ອມທັງຊອກສ່ອງທາງ ເພື່ອສະໜອງງົບປະມານຕາມແຜນການເຄື່ອນໄຫວປະຈຳເດືອນ, ປະຈຳປີ ແລະວັດຖຸອຸປະກອນ ຮັບໃຊ້ການຜະລິດໜັງສືພິມ ການຜະລິດລາຍການຕ່າງໆໃຫ້ດີຂຶ້ນ,ຕ້ອງມີການສ້າງແຜນງານ, ແຜນເງິນ ແລະຕິດຕາມກວດໃຫ້ລະອຽດ, ພ້ອມທັງມີການສະຫຼຸບຖອດຖອນບົດຮຽນຢ່າງເປັນປົກກະຕິ, ເພີ່ມທະວີການສ້າງໜ່ວຍການຕະຫຼາດໃຫ້ມີຕວາມເຂັ້ມແຂງສາມາດຫັນໄປສູ່ການກຸ້ມຕົນເອງທາງດ້ານບໍລິຫານເທື່ອລະກ້າວ.