ກອງປະຊຸມເປີດກວ້າງອົງການປົກຄອງແຂວງຄັ້ງທີ 1 ສະໃໝທີ່ IX ໄດ້ໄຂຂື້ນຢ່າງເປັນທາງການໃນວັນທີ 23 ກຸມພາ 2021 ນີ້ຢູ່ທີ່ຫ້ອງປະຊຸມສະໂມສອນຂອງແຂວງ ໂດຍການເປັນປະທານຂອງທ່ານ ປອ ໂພໄຊ ໄຊຍະສອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ, ເຂົ້າຮ່ວມມີບັນດາທ່ານ ຄະນະປະຈຳພັກແຂວງ , ກຳມະການພັກແຂວງ, ຫົວໜ້າພະແນກ, ຮອງພະແນການ, ອົງການຈັດຕັ້ງຕ່າງໆອອ້ມຂ້າງແຂວງ, ເຈົ້າເມືອງ, ຮອງເຈົ້າອງ 8 ຕົວເມືອງ ແລະພະນັກງານວິຊາການທີ່ກ່ຽວຂ້ອງເຂົ້າຮ່ວມ
ທ່ານ ປອ ໂພໄຊ ໄຊຍະສອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ ໄດ້ກ່າວເປີດກອງປະຊຸມຢ່າງເປັນທາງການ ໂດຍປະຕິບັດຕາມແຜນດຳເນີນງານ ແລະລະບອບແບບແຜນວິທີເຮັດວຽກຂອງອົງການປົກຄອງແຂວງ, ທັງເປັນການກວດກາ ແລະ ຕີລາຄາຄືນ ການຈັດຕັ້ງປະຕິບັດວຽກງານບໍລິຫານລັດຂອງແຂວງພວກເຮົາ ໂດຍສະເພາະແມ່ນວຽກງານແຜນການ-ວຽກງານການເງີນ ໃນໄລຍະ 01 ປີຜ່ານມາ ແລະ ວາງທິດທາງແຜນການ 01 ປີ ຕໍ່ໜ້າ.

ສຳລັບໃນປີ 2020 ຜ່ານມາ ການຈັດສັນແບ່ງງົບປະມານຂອງລັດຖະບານ ທີ່ແບ່ງໃຫ້ແຂວງມີຂີດຈຳກັດ, ເປັນເຫດໃຫ້ຫຼາຍໂຄງການກໍ່ຖືກຢຸດໂຈະເຊັ່ນ: ໂຄງການຊື້ໃໝ່, ໂຄງການກໍ່ສ້າງໃໝ່ ແລະອື່ນໆ, ໂຄງການສຶບຕໍ່ທີ່ປະຕິບັດໜ້າວຽກ 30% ຂຶ້ນໄປ, ໂຄງການສົມທົບທຶນເພື່ອການພັດທະນາ (ODA), ໂຄງການຟຶ້ນຟູໄພພິບັດ, ທຶນພັດທະນາຊົນນະບົດ ແລະລົບລ້າງຄວາມທຸກຍາກ, ເຖິງວ່າສະພາບການທາງດ້ານເສດຖະກິດ ຈະມີຄວາມຫຍຸ້ງຍາກກໍ່ຕາມ, ແຕ່ໂດຍລວມແລ້ວຊີວິດການເປັນຢູ່ຂອງພໍ່ແມ່ປະຊາຊົນ, ມີຄວາມໝັ້ນທ່ຽງ, ປະຊາຊົນເຮົາຜະລິດຫຍັງອອກມາກໍ່ໄດ້ຂາຍ, ຂາຍກໍ່ໄດ້ລາຄາດີເຮັດໃຫ້ຊີວິດການເປັນຢູ່ນັບມື້ນັບດີຂຶ້ນ, ການດືງດູດການລົງທຶນພາຍໃນ ແລະຕ່າງປະເທດ, ການຈັດເກັບລາຍຮັບຄຸ້ມຄອງລາຍຈ່າຍ, ການແກ້ໄຂຄວາມທຸກຍາກ, ຍັງບໍ່ທັນໃດ້ດີໃນທຸກຂົງເຂດເປັນຕົ້ນຂົງເຂດວັດທະນະທຳ ເອັດດີຈີ, ການຊຸກຍູ້ການປູກຜັງ-ລ້ຽງສັດ, ການສົ່ງເສີມທຸລະກິດຂະໜາດນ້ອຍບໍ່ທັນກວ້າງຂວາງ, ປັດຈຸບັນນີ້ 1/3 ແມ່ນປູກມັນຕົ້ນ. ສຳລັບການສຶກສາ, ສຸຂະພາບ, ປະກົດການຫຍໍ້ທໍ້ ແມ່ນສິ່ງທີ່ທ້າທາຍທີ່ສຸດ ໃຫ້ບັນດາເມືອງເລັງໃສ່ຈຸດສຸມ, ແກ້ໄຂຈຸດອ່ອນ, ການສົ່ງເສີມທຸລະກິດແບບຄອບຄົວ, ວິສາຫະກິດຂະໜາດນ້ອຍ, ຂະໜາດກາງ (SME) ຍັງບໍ່ທັນກ້ວາງຂວາງ, ອັດຕາການປະລະການຮຽນຊັ້ນປະຖົມຍັງສູງ, ຄຸນນະພາບການສຶກສາຍັງຕໍ່າ, ບັນຫາສຸຂະອະນາໄມ ດ້ານໂພສະນາການ, ການນຳໃຊ້ວິດຖ່າຍຂອງປະຊາຊົນຍັງກວມອັດຕາສູງ ແລະການແກ້ໄຂບັນຫາປາກົດການຫຍໍ້ທໍ້ຕ່າງໆຍັງບໍ່ທັນໄດ້ດີເທົ່າທີ່ຄວນ, ຕໍ່ບັນຫາເຫຼົ່ານີ້ ແມ່ນເປັນສິ່ງທ້າທາຍອັນໜັກໜ່ວງໃຫ້ແກ່ການປະຕິບັດໜ້າທີ່ໃນສະເພາະໜ້າ.