ໃນວັນທີ 19 ກຸມພາຜ່ານມານີ້ ທີ່ຫ້ອງປະຊຸມຂອງໂຮງແຮມຊິເວີນາກາ ເມືອງວັງວຽງ ແຂວງວຽງ ຈັນ ໄດ້ຈັດພິທີເຊັນສັນຍາໂຄງການປັບປຸງສະໜາມຂີ້ເຫຍື້ອ ເມືອງວັງວຽງ ແຂວງວຽງຈັນ (ໂດຍທຶນ ຊ່ວຍເຫຼືອຈາກທະນາຄານພັດທະນາອາຊີ (ADB) ລະຫວ່າງ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວ​ທ) ໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວ ໄລຍະ 2 ແລະ ບໍລິສັດ ຫຸ້ນສ່ວນ ຊີໂຕ-ປັນຍາທິລາດ.

ໂດຍປະຕິບັດຕາມຂໍ້ຕົກລົງຂອງທ່ານລັດຖະມົນຕີກະຊວງ ຖວທ ວ່າດ້ວຍການຮັບຮອງເອົາ ບໍລິ ສັດທີ່ຊະນະການປະມູນ ໂຄງການປັບປຸງສະໜາມຂີ້ເຫຍື້ອ ເມືອງວັງວຽງ ແຂວງວຽງຈັນ ສະບັບເລກທີ 116/ຖວທ ລົງວັນທີ 19 ກຸມພາ 2021. ດັ່ງນັ້ນ, ກະຊວງ ຖວທ ເປັນເຈົ້າຂອງໂຄງການ ພ້ອມດ້ວຍ ບໍລິສັດເຊໂຕ-ປັນຍາທິລາດ ຈຶ່ງໄດ້ຮ່ວມກັນຈັດພິທີເຊັນສັນຍາໂຄງການປັບປຸງສະໜາມຂີ້ເຫຍື້ອດັ່ງກ່າວ.

ຮ່ວມລົງນາມ ໂດຍທ່ານ ສູນ ມະນີວົງ ຫົວໜ້າໂຄງການພັດທະນາໂຄງການພັດທະນາໂຄງລ່າງ ພື້ນຖານ ເພື່ອສົ່ງເສີມການທ່ອງທ່ຽວກະຊວງ ຖວທ ແລະ ຝ່າຍບໍລິສັດສຳປະທານ ໂດຍທ່ານ ບຸນທັນ ປັນຍາທິ ລາດ ຜູ້ຈັດການ ບໍລິສັດເຊໂຕ – ປັນຍາທິລາດ ໂດຍໃຫ້ກຽດເຂົ້າຮ່ວມຂອງ ທ່ານ ຄໍາພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງໆວຽງຈັນ, ທ່ານ ອຸ່ນທວງ ຂາວພັນ ຄະນະປະຈໍາ ພັກ ຮອງລັດຖະມົນຕີ ກະຊວງ ຖວທ, ທ່ານ ບຸນຈັນ ມາລາວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ, ທ່ານ ບຸນທັນ ປັນຍາ ທິລາດ ຜູ້ຈັດການບໍລິສັດເຊໂຕ-ປັນຍາທິລາດ, ພ້ອມດ້ວຍ ພາກສ່ວນກ່ຽວຂ້ອງ ເຂົ້າຮ່ວມ.

Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)