ໃນຕອນເຊົ້າວັນທີ 23 ກຸມພາ 2021 ນີ້; ທີ່ຫ້ອງປະຊຸມພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວແຂວງສະຫວັນນະເຂດ, ໄດ້ຈັດພິທີເຊັນບົດບັນທຶກຄວາມເຂົ້າໃຈ(MOU) ວ່າດ້ວຍການຮ່ວມມືເພື່ອສ້າງຄວາມເຂັ້ມແຂງໃຫ້ແກ່ບຸກຄະລາກອນ ໂດຍການນຳໃຊ້ອຸປະກອນທີ່ທັນສະໄໝເຂົ້າໃນການສຳຫຼວດ ແລະ ເກັບກຳຂໍ້ມູນຮັບໃຊ້ວຽກງານມໍຣະດົກລະຫວ່າງພະແນກ ຖະແຫຼງຂ່າວ,ວັດທະນະທຳ ແລະ ທ່ອງທ່ຽວ ແຂວງສະຫວັນນະເຂດ ກັບ ບໍລິສັດຢູນິກເທັກ ຈຳກັດ. ໃຫ້ກຽດເຂົ້າຮ່ວມໃນພິທີຄັ້ງນີ້ ໂດຍ ມີທ່ານ ມົງກຸດເພັດ ວົງພະຈັນ ຮອງຫົວໜ້າພະແນກ ຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ, ທ່ານ ປອ ທອງລິດ ຫຼວງໂຄດ ຫົວໜ້າກອງບູຮານວິທະຍາ ກົມມໍຣະດົກ ກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ແລະ ທ່ານ ຈັນທະວົງ ສຸດທິທຳ ຜູ້ອຳນວຍການບໍລິສັດ ຢູນິກເທັກ ພ້ອມດ້ວຍບັນດາທ່ານຈາກພາກສ່ວນທີ່ກ່ຽວຂ້ອງ ແລະບັນດາຫົວໜ້າ-ຮອງຫົວໜ້າຫ້ອງການ ຖວທ ຈາກ 4 ເມືອງເປົ້າໝາຍ ແລະ ນະຄອນໄກສອນພົມວິຫານເຂົ້າຮ່ວມ.

ຈຸດປະສົງຂອງການເຊັນບົດບັນທຶກຄວາມເຂົ້າໃຈໃນຄັ້ງນີ້ກໍ່ເພື່ອສ້າງຄວາມເຂັ້ມແຂງໃຫ້ແກ່ບຸກຄະລາກອນຜູ້ຮັບຜິດຊອບວຽກງານມໍຣະດົກ ແລະ ວິຊາການທີ່ກ່ຽວຂ້ອງໃນພະແນກຖະແຫຼງຂ່າວ ວັດທະນະທຳ ແລະທ່ອງທ່ຽວ ໃນການນຳໃຊ້ອຸປະກອນທີ່ທັນສະໄໝ(ທາງບົກ, ທາງນໍ້າ, ທາງອາກາດ, ທາງໜ້າດິນ ແລະໃຕ້ດິນ) ເຂົ້າໃນການສຳຫຼວດ, ເກັບກຳຂໍ້ມູນ ແລະຄົ້ນຄວ້າວິໄຈ ພ້ອມທັງຂົນຂວາຍແຫຼ່ງທຶນໃດໜຶ່ງ ເຂົ້າໃນການຈັດຕັ້ງປະຕິບັດໂຄງການສຶກສາ-ສຳຫຼວດ ແລະເກັບກຳຂໍ້ມູນກ່ຽວກັບມໍຣະດົກທາງດ້ານວັດທະນະທຳ, ປະຫວັດສາດ ແລະທຳມະຊາດ. ໃນນີ້ບໍລິສັດຢູນິກເທັກຈຳກັດຈະເປັນຜູ້ສະໜອງໃນການນຳໃຊ້ອຸປະກອນທີ່ທັນສະໄໝເຂົ້າໃນການຈັດຕັ້ງເຝິກອົບຮົມໃຫ້ແກ່ບຸກຄະລາກອນ ພະແນກ ຖະແຫຼງຂ່າວ ວັດທະນະທຳ ແລະທ່ອງທ່ຽວ ແຂວງ ເຊັ່ນ: GNSS CHC Rtk, Drone, UAV, UDV, Cors, Lidar, Laser, Scanner, GPR, ArcGIS ແລະ ອຸປະກອນອື່ນໆ
ຈາກນັ້ນໃນພິທີກໍ່ໄດ້ມີການລົງນາມເຊັນບົດບັນທຶກຮ່ວມກັນລະຫວ່າງພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ ແລະ ບໍລິສັດຢູນິກເທັກ ຈຳກັດ. ໃຫ້ກຽດລົງນາມເຊັນບົດ