ໃນຕອນແລງວັນທີ 23 ກຸມພາ 2021 ນີ້ ຢູ່ທີ່ພະແນກຖະແລງຂ່າວ, ວັດທະນະທໍາ ແລະທ່ອງທ່ຽວ (ຖວທ) ແຂວງເຊກອງ ໄດ້ມີພິທີມອບ-ຮັບລົດບັນທຸກ, ຈຳນວນ 1 ຄັນ ໃຫ້ອົງການພັດທະນາ ແລະບໍລິຫານຕົວເມືອງ ( ອພບຕ) ເມືອງລະມາມ, ໂດຍເຂົ້າຮ່ວມມີທ່ານ ບູ່ໄຊ ໄຊຍະເສນ ຫົວໜ້າພະແນກ ຖວທ ແຂວງ, ທ່ານ ວົງເດືອນ ຈັນທະບຸດຊຽງ ເຈົ້າເມືອງໆລະມາມ, ມີປະທານ ອພບຕ, ພະນັກງານພາກສ່ວນກ່ຽວຂ້ອງເຂົ້າຮ່ວມ.


ໃນການມອບ-ຮັບລົດບັນທຸກ 6 ລໍ້ດາມ ຍີ່ຫໍ້ SKAT (ສະກັດ) ຈຳນວນ 1 ຄັນ ໃຫ້ອົງການພັດທະນາ ແລະບໍລິຫານຕົວເມືອງໆລະມາມ ຄັ້ງນີ້ ແມ່ນເພື່ອໄປນຳໃຊ້ເຂົ້າໃນວຽກງານວິຊາສະເພາະທີ່ຕົນຮັບພິດຊອບ, ໂດຍສະເພາະນຳໃຊ້ເຂົ້າໃນການຂົ່ນສິ່ງເສດເຫຼື່ອ ຫຼື ຂີ່ເຫຍືອຕ່າງໆ ເພື່ອເຮັດໃຫ້ຂອບເທສະບານມີຄວາມສະອາດງາມຕາ, ພ້ອມນັ້ນ ທັງສອງຝ່າຍກໍໄດ້ຮ່ວມກັນເຊັນບັນທຶກມອບ-ຮັບ ເພື່ອເປັນຫຼັກຖານ ເປັນບ່ອນອີງໃນການຈັດຕັ້ງປະຕິບັດ ເຊິ່ງມອບໂດຍ ບູ່ໄຊ ໄຊຍະເສນ ຫົວໜ້າ ພະແນກ ຖວທ ແຂວງ ແລະ ກ່າວຮັບໂດຍ ທ່ານ ວົງເດືອນ ຈັນທະບຸດຊຽງ ເຈົ້າເມືອງໆລະມາມ.