ໃນວັນທີ 23 ກຸມພາຜ່ານມານີ້ ທີ່​ກະ​ຊວງແຮງ​ງານ ແລະ ສະ​ຫວັດ​ດີ​ສັງ​ຄົມ (ຮ​ສ​ສ) ທ່ານ ຄຳແພງ ໄຊສົມແພງ ລັດຖະມົນຕີວ່າການ ກະຊວງ ຮ​ສ​ສ ໄດ້ຕ້ອນການເຂົ້າຢ້ຽມພົບປະຂອງ ທ່ານນາງ Ina MARCIULIONYTE ເອກ ອັກຄະລັດຖະທູດ ແຫ່ງສະຫະພາບເອີຣົບ (ອີຢູ) ປະຈຳ ສປປ ລາວ.

ໃນເຂົ້າຢ້ຽມພົບປະໃນຄັ້ງນີ້ ທ່ານ ຄຳແພງ ໄຊສົມແພງ ກໍໄດ້ລາຍງານ ໂດຍຫຍໍ້ກ່ຽວກັບການຊ່ວຍເຫຼືອຂອງ ອີຢູ ແລະ ໄດ້ຕາງໜ້າໃຫ້ລັດຖະບານ ແຫ່ງ ສປປ ລາວ ສະແດງຄວາມຂອບໃຈເປັນຢ່າງສູງຕໍ່ ອີຢູ ທີໄດ້ໃຫ້ການ ຊ່ວຍເຫຼືອ ສປປ ລາວ ເຂົ້າໃນຫຼາຍໂຄງການ ໂດຍສະເພາະໂຄງການພັດ ທະນາພື້ນຖານໂຄງລ່າງ ອັນໄດ້ເຮັດຊີວິດການເປັນຢູ່ຂອງປະຊາຊົນ ຢູ່ເຂດ ຊົນນະບົດໄດ້ຮັບການພັດທະນາດີຂຶ້ນ.

ທ່ານ ນາງ Ina MARCIULIONYTE ໄດ້ສະແດງຄວາມຂອບໃຈ ເປັນຢ່າງສູງມາຍັງລັດຖະບານ ແຫ່ງ ສປປ ລາວ ທີ່ໄດ້ໃຫ້ການຮ່ວມມືໃນ​ການປະຕິບັດວຽກງານ ຂອງ ອີຢູ ປະຈຳ ສປປ ລາວ ເວົ້າລວມ ເວົ້າສະເພາະ ກໍຄືກະຊວງ ຮສສ ຖືເປັນກະຊວງໜຶ່ງທີ່ອົງການ ອີຢູ ໃຫ້ຄວາມສຳຄັນໃນ ການຮ່ວມມືໂຄງການພັດທະນາພື້ນຖານໂຄງລ່າງຕ່າງໆທີ່ ອີຢູ ໃຫ້ການຊ່ວຍ ເຫຼືອຜ່ານມາ.

Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)