ໃນວັນທີ່ 24 ກຸມພາ 2021 ທີ່ຜ່ານມານີ້ ໂດຍທ່ານ ຄໍາເຜີຍ ງອນວັນຄໍາ ຫົວໜ້າກອງເລຂານຸການ ຄະນະກໍາມະການເລືອກຕັ້ງຂັ້ນແຂວງ ອຸດົມໄຊ ໄດ້ຖະແຫຼງຢ່າງເປັນທາງການຕໍ່ ສື່ວິທະຍຸ-ໂທລະພາບແຂວງອຸດົມໄຊ ກ່ຽວກັບຜົນສຳເລັດຂອງການປ່ອນບັດເລືອກຕັ້ງຜູ້ສະພາແຫ່ງຊາດ ຊຸດທີ 9 ແລະ ສະພາປະຊາຊົນແຂວງຊຸຸດທີ 2 ເຊີ່ງທ່ານໄດ້ກ່າວວ່າ:

ຈຸດປະສົງຂອງ ການຖະແຫຼງຂ່າວໃນມື້ນີ້ ແມ່ນເພື່ອປະກາດຜົນຂອງການເລືອກ​​ຕັ້ງ ສະມາຊິກສະພາແຫ່ງຊາດ ຊຸດ​ທີ IX ແລະ ສະມາຊິກສະພາປະຊາຊົນແຂວງ ຊຸດທີ II ໄດ້ຊາບຢ່າງເປັນທາງການ ໂດຍປະຕິບັດຕາມກົດໝາຍ ວ່າດ້ວຍ ການເລືອກຕັ້ງ, ຜ່ານມາ ຄະນະປະຈໍາສະພາແຫ່ງຊາດ ໄດ້ກໍານົດວັນເລືອກຕັ້ງ ສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ແລະ ປະທານປະເທດໄດ້ອອກລັດຖະດໍາລັດ ປະກາດເປັນທາງການຕາມການສະເໜີຂອງ ຄະນະປະຈໍາສະພາແຫ່ງຊາດ ໂດຍໄດ້ກໍານົດເອົາວັນອາທິດ ກົງກັບວັນທີ 21 ກຸມພາ 2021 ເປັນວັນເລືອກຕັ້ງໃນທົ່ວປະເທດ ແລະ ສຳເລັດໃນການປ່ອນບັດຢ່າງເປັນທາງການ ໃນຕອນແລງຂອງວັນທີ 21 ກຸມພາ 2021ໃນທົ່ວແຂວງ.

  • ອີງຕາມ ຫຼັກການ ກ່ຽວກັບ ການກໍານົດຈໍານວນ ຜູ້ລົງສະໝັກຮັບເລືອກຕັ້ງ ແລະ ຈຳນວນສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງໃນແຕ່ລະແຂວງ, ຄະນະປະຈຳ ສະພາແຫ່ງຊາດໄດ້ອອກມະຕິຕົກລົງ ວ່າດ້ວຍການກຳນົດຈຳນວນຜູ້ລົງສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງໃນແຕ່ລະແຂວງ ແລະ ໄດ້ປະກາດຢ່າງເປັນທາງການ.
  • ອີງຕາມມາດຖານເງື່ອນໄຂ ທີ່ໄດ້ກໍານົດໄວ້ໃນກົດໝາຍວ່າດ້ວຍ ການເລືອກຕັ້ງ ກ່ຽວກັບ ການກຳນົດຈຳນວນຜູ້ສະໝັກຮັບເລືອກຕັ້ງ ແລະ ຄໍາແນະນໍາຂອງ ຄະນະກໍາມະການເລືອກຕັ້ງລະດັບຊາດ, ບັນດາອົງການຈັດຕັ້ງຂອງພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນແຕ່ລະຂັ້ນ, ກະຊວງ, ອົງການ, ບັນດາແຂວງ, ເມືອງ ໄດ້ດໍາເນີນການຄັດເລືອກຕົວແທນຂອງຕົນ ອອກສະໝັກຮັບເລືອກຕັ້ງ ແລະ ສະເໜີຜ່ານ ຄະນະກຳມະການເລືອກຕັ້ງຂັ້ນແຂວງໄປຍັງຄະນະກຳມະການເລືອກຕັ້ງລະດັບຊາດ ເພື່ອຄົ້ນຄວ້າ ກວດກາຕາມຂັ້ນຕອນທີ່ກໍານົດໃນມາດຕາ 13 ຂອງກົດໝາຍ ວ່າດ້ວຍ ການເລືອກຕັ້ງ ສະມາຊິກສະ ພາແຫ່ງຊາດ ແລະ ສະພາປະຊາຊົນຂັ້ນແຂວງ ( ສະບັບປັບປຸງປີ 2016 ).

ດັ່ງນັ້ນ, ມາຮອດວັນທີ 24 ກຸມພາ 2021 ຄະນະກຳມະການເລືອກຕັ້ງຂັ້ນແຂວງ ໄດ້ຕົກເຫັນດີໃຫ້ຖະແຫຼງຜົນຂອງ ການປ່ອນບັດເລືອກຕັ້ງເປັນ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 4 ແຂວງອຸດົມໄຊ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ດັ່ງນີ້:

  1. ຜົນຂອງການປ່ອນບັດເລືອກຕັ້ງເອົາ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 4 ແຂວງອຸດົມໄຊ ຊຸດທີ IX ມີດັ່ງນີ້:

 1. ມີຈໍານວນຜູ້ລົງສະໝັກຮັບເລືອກຕັ້ງເປັນ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 4 ແຂວງ ອຸດົມໄຊ ຊຸດທີ IX ທັງໝົດ 10 ທ່ານ, ຍິງ 2 ທ່ານ, ເລືອກເອົາ 7 ທ່ານ ແລະ ຜົນການປ່ອນບັດໃນທົ່ວແຂວງມີດັ່ງນີ້:

  1. ທ່ານ ຄຳດີ ວົງລ້ອມ ກຳມະການປະຈຳພັກແຂວງ, ຮອງປະທານສະພາປະຊາຊົນແຂວງ, ຫົວໜ້າຄະນະຈັດຕັ້ງແຂວງ.
  2. ທ່ານ ດຣ ຄໍາຈັນ ໂສຕາປະເສີດ ຮອງປະທານກໍາມາທິການບັນດາເຜົ່າຂອງ ສະພາແຫ່ງຊາດ.
  3. ທ່ານ ນາງ ຄຳພອນ ພິມມະຈັນ ຄະນະປະຈຳສະພາປະຊາຊົນແຂວງ, ເລຂາທິການສະພາປະຊາຊົນແຂວງ ອຸດົມໄຊ.
  4. ທ່ານ ນິສິດ ແກ້ວປັນຍາ ຮອງເລຂາພັກກະຊວງ, ຫົວໜ້າກົມ ພັດທະນາການບໍລິ ຫານລັດ ກະຊວງພາຍໃນ.
  5. ທ່ານ ເລື່ອມ ສົມສີວິໄລ ຮອງຫົວໜ້າສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ.
  6. ທ່ານ ພັທ ສອນວິໄລ ຕຸລາທອງ ຮອງຫົວໜ້າກອງບັນຊາການ ປກສ ແຂວງ.
  7. ທ່ານ ຄຳມະນີ ໄຊດວງຕາ ຮອງຫົວໜ້າພະແນກສຶກສາທິການ ແລະ ກິລາແຂວງ.

ບັນດາທ່ານ ທີ່ກ່າວມາຂ້າງເທີ່ງນັ້ນແມ່ນລາຍຊື່ຜູ້ທີ່ໄດ້ຮັບເລືອກຕັ້ງເປັນ ສະມາຊິກສະ ພາແຫ່ງຊາດ ປະຈໍາເຂດເລືອກຕັ້ງທີ 4 ແຂວງ ອຸດົມໄຊ ຊຸດທີ່ IX.

II. ຜົນການປ່ອນບັດເລືອກຕັ້ງເອົາ ສະມາຊິກສະພາປະຊາຊົນຂັ້ນແຂວງ ອຸດົມໄຊ ຊຸດທີ II ໃນທົ່ວແຂວງ ເຊິ່ງມີຜູ້ລົງສະໝັກຮັບເລືອກຕັ້ງທັງໝົດ 39 ທ່ານ, ຍິງ 14 ທ່ານ, ໃນນີ້ ເລືອກໄດ້ 25 ທ່ານ ແລະ ໄດ້ແບ່ງອອກເປັນແຕ່ລະເຂດເລືອກຕັ້ງຂອງເມືອງ ດັ່ງມີລາຍຊື່ລຸ່ມນີ້:

1. ຈໍານວນ ສະມາຊິກສະພາປະຊາຊົນແຂວງ ເຂດເລືອກຕັ້ງເມືອງ ໄຊ, ມີຈໍານວນຜູ້ລົງສະໝັກທັງໝົດ 6 ທ່ານ, ຍິງ 2 ທ່ານ ແລະ ຜົນການປ່ອນບັດຕົວຈິງເລືອກໄດ້ 4 ທ່ານ, ຍິງ 01 ທ່ານ, ຊິ່ງມີລາຍຊື່ດັ່ງນີ້:

  1. ທ່ານ ສົມຈັນ ເທບພາລີ ຮອງເລຂາພັກເມືອງ, ປະທານກວດກາພັກ ເມືອງ ໄຊ
  2. ທ່ານ ນາງ ທຸມມາ ປັນຍາສິດ ຮອງປະທານສະຫະພັນກຳມະບານແຂວງ
  3. ທ່ານ ທອງຄຳ ສີຫາລາດ ປະທານສານປະຊາຊົນເຂດ 1 ແຂວງ ອຸດົມໄຊ
  4. ທ່ານ ວິລັດ ໄຊຍະວົງ ປະທານບໍລິສັັດ ກະດິງໄຊ ວິສະວະກຳກໍ່ສ້າງ, ສຳຫຼວດອອກແບບ.

2. ຈໍານວນ ສະມາຊິກສະພາປະຊາຊົນແຂວງ ເຂດເລືອກຕັ້ງເມືອງ ຫຼາ, ມີຈໍານວນຜູ້ລົງສະໝັກທັງໝົດ 6 ທ່ານ, ຍິງ 2 ທ່ານ ແລະ ຜົນການປ່ອນບັດຕົວຈິງເລືອກໄດ້ 4 ທ່ານຍິງ 2 ທ່ານ, ຊິ່ງມີລາຍຊື່ດັ່ງນີ້:

  1. ທ່ານ ນ. ໄລວອນ ຈັນທະລາ ຮອງເລຂາພັກເມືອງ, ປະທານກວດກາພັກ ເມືອງ ຫຼາ
  2. ທ່ານ ສີພອນ ອິນຕະວົງ ຮອງເລຂາທິການສະພາປະຊາຊົນແຂວງ ອຸດົມໄຊ
  3. ທ່ານ ນ. ວັນສີ ພວງມາໄລ ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ
  4. ທ່ານ ດຣ ຈືວ່າ ຊາວເຊັງ ຫົວໜ້າຫ້ອງການສາທາລະນະສຸກເມືອງ ຫຼາ

3. ຈໍານວນ ສະມາຊິກສະພາປະຊາຊົນແຂວງ ເຂດເລືອກຕັ້ງເມືອງ ນາໝໍ້, ມີຈໍານວນຜູ້ລົງສະໝັກທັງໝົດ 6 ທ່ານ, ຍິງ 2 ທ່ານ ແລະ ຜົນການປ່ອນບັດຕົວຈິງເລືອກໄດ້ 4 ທ່ານຍິງ 2 ທ່ານ, ຊຶ່ງມີລາຍຊື່ດັ່ງນີ້:

  1. ທ່ານ ຄຳເຜີຍ ງອນວັນຄຳ ຄະນະປະຈຳພັກແຂວງ, ປະທານຄະນະກຳມະການເສດຖະ ກິດ, ແຜນການ ແລະ ການເງິນ ສະພາປະຊາຊົນແຂວງ
  2. ທ່ານ ນາງ ບົວພອນ ແກ້ວມະນີ ຮອງເລຂາພັກເມືອງ, ປະທານກວດກາພັກເມືອງນາໝໍ້
  3. ທ່ານ ພັຕ ເພັດສະຫວັນ ໄຊອຸ່ນຄຳ ຮອງຫົວໜ້າກອງບັນຊາການ ປກສ ເມືອງ ນາໝໍ້
  4. ທ່ານ ນາງ ແສງອາລຸນ ປັນຍາລໍ ເລຂາຄະນະບໍລິຫານງານຊາວໜຸ່ມເມຶອງ ນາໝໍ້

4. ຈໍານວນ ສະມາຊິກສະພາປະຊາຊົນແຂວງ ເຂດເລືອກຕັ້ງເມືອງ ງາ, ມີຈໍານວນຜູ້ລົງສະໝັກທັງໝົດ 6 ທ່ານ, ຍິງ 2 ທ່ານ ແລະ ຜົນການປ່ອນບັດຕົວຈິງເລືອກໄດ້ 4 ທ່ານ, ຍິງ 01 ທ່ານ, ຊິ່ງມີລາຍຊື່ດັ່ງນີ້:

  1. ທ່ານ ບຸນທີ ໄຊຍະວົງ ຮອງເລຂາພັກເມືອງ, ປະທາານກວດກາພັກ ເມືອງ ງາ
  2. ທ່ານ ດຣ ນາງ ສິດທິວອນ ຫົງສາຄອນ ຮັກສາການຫົວໜ້າຂະແໜງ, ພະແນກສາ ທາລະນະສຸກແຂວງ
  3. ທ່ານ ສົມສັກ ຈັນທະວົງສາ ຮອງຫົວໜ້າຫ້ອງການ ການເງິນເມືອງ ງາ
  4. ທ່ານ ພັທ ຫົງທອງ ໂຍມມະນີ ຮອງຫົວໜ້າການທະຫານ, ຫົວໜ້າຫ້ອງເສນາ ກອງບັນຊາການທະຫານແຂວງ

5. ຈໍານວນສະມາຊິກສະພາປະຊາຊົນແຂວງ ເຂດເລືອກຕັ້ງເມືອງ ແບງ, ມີຈໍານວນຜູ້ລົງສະໝັກທັງໝົດ 5 ທ່ານ, ຍິງ 2 ທ່ານ ແລະ ຜົນການປ່ອນບັດຕົວຈິງເລືອກໄດ້ 3 ທ່ານຍິງ 1 ທ່ານ, ຊິ່ງມີລາຍຊື່ດັ່ງນີ້:

  1. ທ່ານ ຄຳພອນ ພິມມະລາດ ຮອງເລຂາພັກເມືອງ, ປະທານກວດກາພັກ ເມືອງ ແບງ
  2. ທ່ານ ປອ ນາງ ວຽງມະລີ ສຸລິໄຊ ຮອງປະທານສະຫະພັນແມ່ຍິງແຂວງ
  3. ທ່ານ ທອງໄຊ ທໍ່ຈົ່ງເລຍຈື ຫົວໜ້າຫ້ອງການ ຍຸຕິທຳເມືອງ ແບງ

6. ຈໍານວນສະມາຊິກສະພາປະຊາຊົນແຂວງ ເຂດເລືອກຕັ້ງເມືອງ ຮຸນ, ມີຈໍານວນຜູ້ລົງສະໝັກທັງໝົດ 5 ທ່ານ, ຍິງ 2 ທ່ານ ແລະ ຜົນການປ່ອນບັດຕົວຈິງເລືອກໄດ້ 3 ທ່ານ, ຍິງ 1 ທ່ານ, ຊິ່ງມີລາຍຊື່ດັ່ງນີ້:

  1. ທ່ານ ໄລພອນ ລິດຕະວົງ ຮອງເລຂາພັກເມືອງ, ປະທານກວດກາພັກ ເມືອງ ຮຸນ
  2. ທ່ານ ທອງຄານ ວັດສະດາກອນ ຮອງຫົວໜ້າ ອົງການໄອຍະການປະຊາຊົນແຂວງ.
  3. ທ່ານ ນາງ ສີວັນ ທະວີໄຊ ຮອງປະທານສະຫະພັນນັກຮົບເກົ່າເມືອງ ຮຸນ

7. ຈໍານວນສະມາຊິກສະພາປະຊາຊົນແຂວງ ເຂດເລືອກຕັ້ງເມືອງ ປາກແບງ, ມີຈໍານວນຜູ້ລົງສະໝັກທັງໝົດ 5 ທ່ານ, ຍິງ 2 ທ່ານ ແລະ ຜົນການປ່ອນບັດຕົວຈິງເລືອກໄດ້ 3 ທ່ານ, ຍິງ 1 ທ່ານ, ຊຶ່ງມີລາຍຊື່ດັ່ງນີ້:

  1. ທ່ານ ອິນແປງ ປັນຍາທອງ ຮອງເລຂາພັກເມືອງ, ປະທານກວດກາພັກເມືອງ ປາກແບງ
  2. ທ່ານ ພັທ ສົມເພັດ ເພົ້າສຸພັນ ຫົວໜ້າກອງບັັນຊາການ ປກສ ເມືອງ ປາກແບງ
  3. ທ່ານ ນາງ ທອງສະໄໝ ສີສຸທອນ ຮອງປະທານສະຫະພັນແມ່ຍິງເມືອງ ປາກແບງ

ບັນດາທ່ານທີ່ນັບຖື ແລະ ຮັກແພງທັງຫຼາຍ

ທັງໝົດນັ້ນ, ແມ່ນການຖະແຫຼງຂ່າວ ກ່ຽວກັບ ຜົນຂອງການປ່ອນບັດເລືອກຕັ້ງ ແລະ ລາຍຊື່​ຜູ້​ໄດ້ຮັບ​ເລືອກ​ຕັ້ງເປັນ ສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II ຕໍ່ບັນດາທ່ານສື່ມ່ວນຊົນ ແລະ ພໍ່-ແມ່ປະຊາຊົນທົ່ວແຂວງ ອຸດົມໄຊໄດ້ຮັບຊາບ.

      ຂ້າພະເຈົ້າ, ໃນນາມກອງເລຂານຸການ ຄະນະກໍາມະການເລືອກຕັ້ງຂັ້ນແຂວງ, ຂໍຖືໂອກາດນີ້ ຂອບໃຈມາຍັງບັນດາທ່ານ ການນໍາພັກ – ລັດ, ນັກປະຕິວັດອາວຸໂສ, ສອງກໍາລັງ ປກຊ-ປກສ, ພະນັກງານ-ລັດຖະກອນ ຕະຫຼອດຮອດ ພໍ່-ແມ່ປະຊາຊົນບັນດາເຜົ່າທົ່ວແຂວງ ອຸດົມໄຊ ທີ່ອອກມາໃຊ້ສິດຂອງຕົນຢ່າງເຕັມສ່ວນ ໃນການເລືອກຕັ້ງຕາມກົດໝາຍ ເຮັດໃຫ້ການເລືອກຕັ້ງຄັ້ງນີ້ ເຕັ້ມໄປດ້ວຍບັນຍາດກາດອັນຟົດຟື້ນ, ມີບັນຍາກາດເບິກບານມ່ວນຊຶື່ນ, ມີປະຊາທິປະໄຕ, ຖຶືກຕ້ອງຕາມກົດໝາຍ, ປະຕິບັດໄດ້ 3 ຄາດໝາຍຄື:

  1. ຜູ້ມີສິດປ່ອນບັດເລືອກຕັ້ງ ຕື່ນຕົວສະໝັກໃຈ ໄປໃຊ້ສິດເລືອກຕັ້ງໄດ້ຮ້ອຍສ່ວນຮ້ອຍ;
  2. ຮັບປະກັນບໍ່ມີບັດຕາຍ ຮ້ອຍສ່ວນຮ້ອຍ;
  3. ແຕ່ລະໜ່ວຍປ່ອນບັດ ແລະ ເຂດເລືອກຕັ້ງ ຮັບປະກັນໄດ້ຄວາມສະຫງົບປອດໄພ ໃນວັນເລືອກຕັ້ງ ຮ້ອຍສ່ວນຮ້ອຍ.

ພາບ-ຂ່າວ: ແສງອາທິດ