ມິເດຍລາວແຂວງໄຊຍະບູລີ ຂ່າວ: ບຸນທີ
ໄຊຍະບູລີ ເປີດຂະບວນການສັກຢາວັກຊິນກັນພະຍາດໂຄວິດ-19 ໃຫ້ກຸ່ມທີ່ມີຄວາມສ່ຽງສູງ ຮອບທີ 1 ເຊິ່ງໄດ້ຈັດຂຶ້ນຢູ່ທີ່ໂຮງໝໍແຂວງ ແລະ ຫ້ອງການສາທາລະນະສຸກເມືອງໄຊຍະບູລີ ໃນວັນທີ 5 ມີນາ 2021 ນີ້, ເຊິ່ງນໍາພາໂດຍ ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ, ມີການນໍາຂອງແຂວງ, ພະແນກການ, ກົມກອງອ້ອມຂ້າງແຂວງ ແລະ ຈະໄດ້ດໍາເນີນການສັກຢາໃນຮອບທີ 1 ຈົນເຖິງ ວັນທີ 12 ມີນາ 2021 ນີ້ ເປັນຕົ້ນ ການນໍາຂອງແຂວງ, ການນໍາຂອງເມືອງໄຊຍະບູລີ, ພະແນກສາທາລະນະສຸກ ແລະ ໂຮງໝໍແຂວງ, ພະນັກງານສາທາລະນະສຸກເມືອງ ແລະ ໂຮງໝໍນ້ອຍ, ຫ້ອງວ່າການແຂວງ, ກໍາມະບານແຂວງ, ຫ້ອງປະກັນສັງຄົມ, ພະແນກການຕ່າງປະເທດ, ໄອຍະການແຂວງ, ແນວລາວສ້າງຊາດ, ພະແນກພາຍໃນ, ພະລັງງານບໍ່ແຮ່, ພະນກ ຍທຂ, ພະແນກ ຖວທ, ຊາວໜຸ່ມແຂວງ, ສຶກສາແຂວງ, ພາສີ, ຈັດຕັ້ງ, ສານແຂວງ, ພະແນກ ຮສສ, ທະນາຄານພາຍໃນແຂວງ, ນໍ້າປະປາ, ໄຟຟ້າ, ອີທີແອວ, ລາວໂທລະຄົມ, ຢູນິເທວ, ສະຫະພັນແມ່ຍິງແຂວງ, ໄປສະນີ, ສະພາປະຊາຊົນແຂວງ, ທະຫານແຂວງ. ໃນຮອບທີ 1 ຈະສັກທັງໝົດ 9.900 ຫຼອດ ແລະ ຮອບທີ 2 ຈະສັກຕື່ມໃນວັນທີ 6 ເມສາ 2021 ຈໍານວນ 9.900 ຫຼອດ ລວມທັງໝົດທີ່ແຂວງໄຊຍະບູລີ ໄດ້ຮັບວັກຊິນກັນໂຄວິດ-19 ທັງໝົດ 19.800 ຫຼອດ. ພ້ອມນີ້ຍັງໄດ້ແຈກຢາຍວັກຊິນໃຫ້ຈໍານວນເປົ້າໝາຍ 11 ເມືອງໃນທົ່ວແຂວງ ເຊັ່ນ: ເມືອງຄອບ 600 ຫຼອດ, ຊຽງຮ່ອນ 500 ຫຼອດ, ເມືອງເງິນ 600 ຫຼອດ, ຫົງສາ 700 ຫຼອດ, ໄຊສະຖານ 400 ຫຼອດ, ໄຊຍະບູລີ 500 ຫຼອດ, ເມືອງພຽງ 500 ຫຼອດ, ເມືອງປາກລາຍ 700 ຫຼອດ, ທົ່ງມີໄຊ 500 ຫຼອດ, ແກ່ນທ້າວ 700 ຫຼອດ, ເມືອງບໍ່ແຕນ 500 ຫຼອດ. ນອກນີ້ ຍັງມີພະແນກການອ້ອມຂ້າງແຂວງ 3.000 ຫຼອດ, ໂຮງໝໍແຂວງ 500 ຫຼອດ, ໂຮງໝໍທະຫານແຂວງ 100 ຫຼອດ ແລະ ໂຮງໝໍກອງພົນທີ II 100 ຫຼອດ ແລະ ວັກຊິນດັ່ງກ່າວແຈກຢາຍເຖິງເມືອງໃນທົ່ວແຂວງ ເປັນຮຽບຮ້ອຍ ຂ່າວໃຫ້ຮູ້ຕື່ມວ່າ: ໃນວັນດຽວກັນນີ້ຢູ່ໂຮງໝໍຊຸມຊົນເມືອງຊຽງຮ່ອນ ແລະ ຫ້ອງການສາທາລະນະສຸກເມືອງພຽງ, ໂຮງໝໍຊຸມຊົນເມືອງຫົງສາ, ຫ້ອງການສາທາລະນະສຸກເມືອງຄອບ ກໍ່ໄດ້ສັກວັກຊິນປ້ອງກັນພະຍາດໂຄວິດ-19 ໃຫ້ແກ່ກຸ່ມທີ່ມີຄວາມສ່ຽງ ໂດຍສະເພາະແພດໝໍ ຜູ້ທີ່ເຮັດວຽກຢູ່ດ່ານ ແລະ ຄະນະສະເພາະກິດຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19.