ມີເດຍລາວແຂວງຜົ້ງາລີ ພາບ – ຂ່າວ: ແສງຄຳ ສາລີວັນ
ໃນວັນທີ່ 9 ມີນາ 2021, ທ່ານ ປີເຕີ ເຮມ໋ອນ ເອກອັກຄະລັດຖະທູດແຫ່ງ ຜູ້ມີອຳນາດເຕັມແຫ່ງປະເທດ ສະຫະລັດ ອາເມຣິກາ ປະຈຳ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີ. ໂດຍການອອກຕ້ອນຂອງທ່ານ ຄຳເພັດ ຈິດປັນຍາ ຫົວໜ້າພະແນກການຕ່າງປະເທດແຂວງຜົ້ງສາລີພ້ອມດ້ວຍຄະນະຢູ່ທີ່ສະໜາມບິນເມືອງບຸນເໜືອ. ຈາກນັ້ນທ່ານ ເອກອັກຄະລັດຖະທູດແຫ່ງ ສະຫະລັດ ອາເມຣິກາ ປະຈຳ ສປປ ລາວ ພ້ອມດ້ວຍພັນລະຍາ ແລະ ຄະນະ ກໍ່ໄດ້ເຂົ້າຢ້ຽມ ແລະ ພົບປະກັບທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ ຢູ່ທີ່ຫ້ອງຮັບແຂກຂອງຫ້ອງວ່າການແຂວງ, ໂອກາດນີ້ ທ່ານ ເຈົ້າແຂວງໆຜົ້ງສາລີ, ກໍ່ໄດ້ກ່າວສະແດງຄວາມຕ້ອນຮັບ ແລະ ຕິລາຄາສູງຕໍ່ການມາເຄື່ອນໄຫວຂອງທ່ານທູດພ້ອມດ້ວຍພັນລະຍາ ແລະ ຄະນະໃນຄັ້ງນີ້ ເຊີ່ງມັນໄດ້ສະແດງໃຫ້ເຫັນເຖີ່ງສາຍພົົວພັນ ແລະ ການຮ່ວມມືອັນດີງາມຂອງສອງຊາດລາວ – ອາເມຮິກາເວົ້າລວມ, ເວົ້າສະເພາະແມ່ນແຂວງຜົ້ງສາລີ ກັບ ສະຖານເອກອັກຄະລັດຖະທູດສະຫະລັດອາເມຣິກາ ປະຈຳ ສປປ ລາວ ນັບມື້ຍິ່ງແໜ້ນແຟ້ນຂື້ນເລື່ອຍໆ.

ພ້ອມກັນນັ້ນທ່ານ ເຈົ້າແຂວງຍັງໄດ້ລາຍງານກ່ຽວກັບການພັດທະນາເສດຖະກິດ – ສັງຄົມ ຂອງແຂວງໃນໄລຍະທີ່ຜ່ານມາໂດຍຫຍໍ້ໃຫ້ທ່ານ ປີເຕີ ເຮມ໋ອນ ເອກອັກຄະລັດຖະທູດແຫ່ງ ສະຫະລັດ ອາເມຣິກາ ປະຈຳ ສປປ ລາວ ພ້ອມດ້ວຍພັນລະຍາ ແລະ ຄະນະ ຮັບຊາບ. ພ້ອມນັ້ນທ່ານ ປີເຕີ ເຮມ໋ອນ ເອກອັກຄະລັດຖະທູດແຫ່ງ ສະຫະລັດ ອາເມຣິກາ ປະຈຳ ສປປ ລາວ ກໍ່ໄດ້ກ່າວສະແດງຄວາມຂອບໃຈຕໍ່ທ່ານເຈົ້າແຂວງຜົ້ງສາລີ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ທ່ານ ທູດ ກໍ່ໄດ້ລາຍງານກ່ຽວກັບຈຸດປະສົງຫຼັກຂອງການມາເຄື່ອນໄຫວໃນຄັງນີ້ໃຫ້ທ່ານເຈົ້າແຂວງຮັບຊາບ. ຈາກນັ້ນທ່ານ ປີເຕີ ເຮມ໋ອນ ເອກອັກຄະລັດຖະທູດແຫ່ງ ສະຫະລັດ ອາເມຣິກາ ປະຈຳ ສປປ ລາວ ພ້ອມດ້ວຍພັນລະຍາ ແລະ ຄະນະກໍ່ໄດ້ເດີນທາງໄປເຄືອນໄຫວຢ້ຽມຢາມກ່ຽວກັບໂຄງການອາຫານໂລກທີ່ໂຮງຮຽນປະຖົມສົມບູນ ບ້ານຈີ່ໂຈະ ສຳລັບໂຄງການອາຫານໂລກຢູ່ແຂວງຜົ້ງສາລີແມ່ນໄດ້ຮັບການ ຊ່ວຍເຫຼື່ອແຕ່ປີ 2002 ເປັນຕົ້ນມາ, ໂດຍໄດ້ເລີ່ມຕົ້ນຈັດຕັ້ງປະຕິບັດຢູ່ 2 ເມືອງຄື: ເມືອງບຸນໃຕ້ ແລະ ເມືອງໃໝ່ ແລະ ຮອດປີ 2006 ໄດ້ຂະຫຍາຍໄປສູ່ບັນດາໂຮງຮຽນ 7 ເມືອງທົ່ວແຂວງຜົ້ງສາລີ ແລະ ຮອດປີ 2017 ໄດ້ຫັນມາຊ່ວຍເຫຼືອອາຫານທ່ຽງເປັນຕົ້ນແມ່ນ: ເຂົ້າສານ, ປ່ອງປາ,ຖົ່ວເຫຼື່ອງ, ຖົ່ວຂຽວ, ນໍ້າມັນພືດ ແລະ ອື່ນໆ. ພ້ອມນັ້ນທ່ານ ທູດ ແລະ ພັນລະຍາພ້ອມຄະນະ ຍັງໄດ້ໄປກຣາບໄຫວ້ ແລະ ທ່ຽວຊົມພະທາດມີ່ງຂວັນພູຟ້າເຊີ່ງເປັນພະທາດຄູ່ບ້ານຄູ່ເມືອງຂອງຊາວເມືອງຜົ້ງສາລີມາແຕ່ດົນນານຕື່ມອີກ.