ມີເດຍລາວແຂວງເຊກອງ . ຂ່າວ: ຕະບະ ກວດແກ້:ດາວສະຫວັນ
ຕອນບ່າຍຂອງວັນທີ 10 ມີນາ 2021ນີ້: ລະມາມໄດ້ຈັດພິທີມອບ-ຮັບ ເງິນນະໂຍບາຍຕໍ່ຜູ້ທີ່ມີຜົນງານ ທີ່ຫ້ອງປະຊຸມ ຫ້ອງການແຮງງານ ແລະ ສະຫວັດດີການເມືອງດັ່ງກ່າວ ເຊິ່ງໃຫ້ກຽດເຂົ້າຮ່ວມຂອງທ່ານ ໂພທອງ ສີລັນດອນ ຮອງເຈົ້າເມືອງ ຜູ້ຊີ້ນຳວຽກງານຂົງເຂດວັດທະນາທຳ-ສັງຄົມ, ທ່ານ ນາງ ໝອນສະໄໝ ບຸນຄ່ອງ, ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ທ່ານ ບຸນນ້ອຍ ແສງອິນແກ້ວ ກຳມະການພັກ ຫົວໜ້າຫ້ອງການແຮງງານ ແລະ ສະວັດດີການສັງຄົມເມືອງ ມີບັນດາຫົວໜ້າຫ້ອງການ-ຮອງຫ້ອງການທີ່ກ່ຽວຂ້ອງອ້ອມຂ້າງເມືອງ ພ້ອມດ້ວຍ ບັນດາຍາດຕີພີ່ນ້ອງຜູ້ທີ່ເສຍສະຫຼະຊີວິດເພື່ອປະເທດຊາດເຂົ້າຮ່ວມ.


ທ່ານ ບຸນນ້ອຍ ແສງນີແກ້ວ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງກໍ່ໃຫ້ກຽດຂື້ນຜ່ານຂໍ້ຕົກລົງ ວ່າດ້ວຍການອະນຸມັດເງິນນະໂຍບາຍຕາມດຳລັດ 272/ລບ ສະບັບເລກທີ 2884/ຮສສ ລົງວັນທີ 3/9/2020 ແລະ ຂໍ້ຕົກລົງ ວ່າດ້ວຍການອະນຸມັດເງິນອຸດໜູນເທື່ອດຽວຜູ້ຍັງມີຊີວິດ ສະບັບເລກທີ 2874/ຮສສ ລົງວັນທີ 3/9/2020 ພ້ອມຜ່ານລາຍຊື່ຜູ້ທີ່ໄດ້ຮັບນະໂຍບາຍຕາມດຳລັດ 272/ລບ ຕໍ່ຜູ້ເສຍສະຫຼະຊີວິດ ຈຳນວນ 11 ສະຫາຍ ແລະ ຍັງມີຊີວິດຮັບອຸດໜູນເທື່ອດຽວ ຈຳນວນ 3 ສະຫາຍ ລວມເປັນເງິນນະໂຍບາຍທັງໝົດ 364.332.600 ກີບ ເຊິ່ງໃຫ້ກຽດຂື້ນມອບໂດຍທ່ານ ໂພທອງ ສີລັນດອນ ຮອງເຈົ້າເມືອງ ແລະ ທ່ານ ນາງ ໝອນສະໄໝ ບຸນຄ່ອງ ຮອງຫົວໜ້າພະແນກ ແຮງງານ ແລະ ສະຫວັດດີການສັງຄົມແຂວງ.


ໂອກາດນີ້ ທ່ານ ໂພທອງ ສີລັນດອນ ຮອງເຈົ້າເມືອງ ກໍ່ໄດ້ມີຄຳໂອ້ລົມຕໍ່ກອງປະຊຸມວ່າ ຕະຫຼອດໄລຍະຜ່ານມາ ທາງພັກ-ລັດກໍຄືກະຊວງແຮງງານເຮົາກໍ່ໄດ້ເອົາໃຈໃສ່ ມີນະໂຍບາຍແກ່ຜູ້ທີ່ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ ເປັນແຕ່ລະໄລຍະ ເຊິ່ງພວກເຂົາໄດ້ເຮັດພາລະກິດເພື່ອສ້າງສາພັດທະນາປະເທດຊາດຂອງພວກເຮົາ ຫວັງວ່າ ການຮັບອຸດໜູນໃນຄັ້ງນີ້ ຄົງຈະຊ່ວຍບັນເທົາ ແລະ ເປັນປະໂຫຍດໃຫ້ແກ່ລູກຫຼານຜູ້ທີ່ຍັງມີຊີວິດຢູ່ບໍ່ຫຼາຍກໍ່ໜ້ອຍພ້ອມທັງນຳໃຊ້ເງິນດັ່ງກ່າວນີ້ໃຫ້ເກີດຜົນປະໂຫຍດ ແລະ ເກີດດອກອອກຜົນ