ໃນວັນທີ 12 ມີນາ 2021 2 ຄະນະພັກ ຈັດພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກບູນ ທີ່ຫ້ອງປະຊຸມ ຫ້ອງການສຶກສາ ທິການ ແລະ ກິລາເມືອງປະທຸມພອນ ແຂວງຈຳປາສັກ ມີ 4 ໜ່ວຍພັກທີ່ຂຶ້ນກັບຄະນະພັກຫ້ອງການສຶກສາທິການ ແລະ ກິລາ 12 ສະຫາຍ, ຍິງ 7 ສະຫາຍ ແລະ ຄະນະພັກຮາກຖານກອງບັນຊາການ ປກສ 2 ຫາຍ, ເຊີ່ງໃຫ້ກຽດເຂົ້າຮ່ວມເປັນປະທານຂອງສະຫາຍ ບຸນມີ ດວງມີສີ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ, ມີສະຫາຍ ສຸບັນ ສຸວັນໄຊ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ, ສະຫາຍ ພັທ ບຸຜາ ດວງມີສີ ຫົວໜ້າຫ້ອງການເມືອງ ກອງບັນຊາການ ປກສ ເມືອງ, ເລຂາໜ່ວຍພັກ, ຫົວໜ້າ-ຮອງຫົວໜ້າຫ້ອງການ, ສະມາຊິກພັກທັງສອງຄະນະພັກ ແລະ ແຂກຖືກເຊີນເຂົ້າຮ່ວມ.

ສະຫາຍສຸບັນ ສຸບັນໄຊ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ ກໍ່ໄດ້ຜ່ານມະຕິຕົກລົງ ຂອງຄະນະປະຈໍາພັກເມືອງ ສະບັບເລກທີ 16 /ຄຈພມ ລົງວັນທີ 23 ກຸມພາ 2021 ວ່າດ້ວຍການອະນຸມັດເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ, ຈຳນວນ 14 ສະຫາຍ, ຍິງ 7 ສະຫາຍ ໃນຕອນທ້າຍ ຂອງກອງປະຊຸມ ສະຫາຍ ບຸນມີ ດວງມີສີ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ ກໍ່ໄດ້ໂອ້ລົມ ແລະ ມີຄໍາເຫັນ ສະຫາຍໄດ້ກ່າວສະແດງຄວາມຍ້ອງຍໍຊົມເຊີຍ ເຖິງໝາກຜົນ ແລະ ຜົນງານ ທີ່ບັນດາ ສະມະຊິກພັກແຕ່ລະສະຫາຍຍາດມາໄດ້ ພ້ອມທັງຮຽກຮ້ອງໃຫ້ບັນດາສະຫາຍໃນສະຊິກພັກໃໝ່ສືບຕໍ່ເສີມຂະຫາຍມູນເຊື້ອອັນດີງາມຂອງພັກ, ປະຕິບັດລະບຽບກົດໝາຍຂອງພັກ-ລັດ ໃຫ້ເຂັ້ມງວດ ເພື່ອສ້າງໃຫ້ໜ່ວຍພັກ ຂອງຕົນກາຍເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ.

ຂ່າວ-ພາບ: ຖວທ ເມືອງປະທຸມພອນ ຈຳປາສັກ