ພິທີດັ່ງກ່າວໄດ້ຈັດຂື້ນທ້າຍອາທິດຜ່ານມາຢູ່ທີເຮືອນຂອງຜູ້ກ່ຽວບ້ານລະຄອນສີ ໂດຍເປັນກຽດ ເຂົ້າຮ່ວມ ຂອງທ່ານ ທອງດີ ຈັນທະວົງ ກຳມະການພັກແຂວງ ເລຂາພັກ, ເຈົ້າເມືອງລະຄອນເພັງ, ມີທ່ານ ສັງວານ ນ້ອຍວັນສີ ກຳມະການພັກເມືອງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, ພ້ອມດ້ວຍຫົວໜ້າຫ້ອງວ່າການປົກຄອງເມືອງ, ພະນັກງານທີ່ກ່ຽວຂ້ອງ ແລະ ອົງການຈັດຕັ້ງບ້ານ ຍາດຕິພີ່ນ້ອງຄອບຄົວຂອງຜູ້ເສຍຊີວິດເຂົ້າຮ່ວມເປັນສັກຂີພິຍານ.
ທັງນີ້ກໍ່ເພື່ອປະຕິບັດຕາມກົດໝາຍ ວ່າດ້ວຍປະກັນສັງຄົມ ສະບັບເລກທີ 54/ສພຊ, ລົງວັນທີ 27/6/2018 ແລະ ມະຕິຕົກລົງ ເລກທີ 39/ຈມ.ລພ, ລົງວັນທີ 12/3/2021 ວ່າດ້ວຍອະນຸມັດເງີນຜູ້ທີ່ເສຍຊີວິດໃນຈໍານວນ 50,937,867ກີບ.


ມອບໂດຍ ທ່ານ ທອງດີ ຈັນທະວົງ ເຈົ້າເມືອງລະຄອນເພັງ ຊ່ອງໜ້າກັບອົງການຈັດຕັ້ງທີ່ກ່ຽວຂ້ອງຂອງເມືອງ ແລະ ອົງການຈັດຕັ້ງບ້ານ ຮັບໂດຍ ແມ່ໃຫຍ່ ຄໍາເຜີຍ
ສີປະເສີດ ຄອບຄົວຜູ້ເສຍຊີວິດ ແລະ ພ້ອມດ້ວຍຍາດຕິພີ່ນ້ອງລູກຫຼານ ຕອນທ້າຍ ທ່ານ ທອງດີ ຈັນທະວົງ ເຈົ້າເມືອງລະຄອນເພັງ ກໍ່ໄດ້ສະແດງຄວາມເສຍໃຈນໍາຄອບຄົວ ແມ່ໃຫຍ່ເຜີຍ ສີປະເສີດ ທີ່ສູນເສຍຫົວໜ້າຄອບຄົວໃນຄັ້ງນີ້ ແລະ ທ່ານກໍ່ຍັງໄດ້ ໃຫ້ຄອບຄົວ, ຍາດຕິພີ່ນ້ອງນໍາເອົາເງີນດັ່ງກ່າວເຖີງວ່າບໍ່ຫຼາຍແຕ່ເປັນນໍ້າຈິດນໍ້າໃຈເຮື່ອງແຮງ ແລະ ຜົນງານໃນໄລຍະຜ່ານມາຂອງພະນັກງານບໍານານ ຈົ່ງນໍາເອົາເງີນດັ່ງກ່າວເຂົ້າໃຊ້ໃນວຽກງານຄັ້ງນີ້ກໍ່ຄື ເຮັດບຸນສີນກີນທານ, ອຸທິດສ່ວນບຸນກຸສົນ ແລະ ເຂົ້າໃຊ້ໃນຊີວິດປະຈໍາວັນເພື່ອໃຫ້ເກີດປະໂຫຍດສູງສຸດ.
ຂ່າວ: ສຸກໄຊ ມະໂນທຳ
ຖ່າຍພາບ: ນາງມັດສາ ສາຍສຸດ