ເພື່ອຫວນຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບໃຫ້ນາຍແລະພົນຕໍາຫຼວດຮັບຮູ້ກ່ຽວກັບການກຳເນີດເຕີບໃຫຍ່ຂະຫຍາຍຕົວ, ເຊື່ອມຊືມກຳແໜ້ນ, ຂະຫຍາຍທາດແທ້ ແລະ ມູນເຊື້ອອັນສະຫງ່າງາມຂອງກຳລັງປ້ອງກັນຄວາມສະຫງົບ ໃນຕອນເຊົ້າວັນທີ 12 ເມສາ 2021 ຢູ່ທີ່ສະໂມສອນຂອງເມືອງໄດ້ຈັດພິທີເລົ່າຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນລາວ ຄົບຮອບ 60 ປີ ( 5 ເມສາ 1961- 5 ເມສາ 2021 ) ໂດຍໃຫ້ກຽດເປັນປະທານຂອງທ່ານ ສົມລິດ ປັນທະບົວສີ ກຳມະການພັກແຂວງ ເລຂາຄະນະບໍບິຫານງານພັກເມືອງ ເຈົ້າເມືອງບາຈຽງຈະເລີນສຸກ,ມີນາຍແລະພົນທະຫານ, ນາຍ ແລະ ພົນຕຳຫຼວດ, ຫົວໜ້າ-ຄະນະຫ້ອງການອ້ອມຂ້າງ, ພະນັກງານອາວຸດໂສບໍານານເຂົ້າຮ່ວມ.


ໃນພິທີໄດ້ຮັບການເລົ່າຄືນປະຫວັດຄວາມເປັນມາຂອງວັນດັ່ງກ່າວຕະຫຼອດໃນໄລຍະຜ່ານມາໄດ້ກຳເນີດແລະເຕີບໃຫ່ຍຂະຫຍາຍຕົວໃນຂະບວນວິວັດແຫ່ງການຕໍ່ສູ້ປົດປ່ອຍຊາດ,ພາຍຫຼັງທີ່ປະເທດຊາດໄດ້ຮັບການປົດປ່ອຍຢ່າງສົມບູນໃນປີ 1975 ໂດຍຕິດພັນກັບການປະຕິບັດ2ໜ້າທີ່ຍຸດທະສາດຄື: ປົກປັກຮັກສາແລະສ້າງສາພັດທະນາປະເທດຊາດ ກໍາລັງປ້ອງກັນຄວາມສະຫງົບໄດ້ຮັບການສ້າງຕັ້ງຂື້ນມາຈາກປະຊາຊົນ ໂດຍປະຊາຊົນ,ຮັບໃຊ້ປະຊາຊົນ ແລະ ເພື່ອຜົນປະໂຫຍດຂອງປະຊາຊົນບັນດາເຜົ່າ ໂດຍພາຍໃຕ້ການຊີ້ນໍາພາເດັດຂາດໂດຍກົງຮອບດ້ານຂອງພັກປະຊາຊົນປະຕິວັດລາວ.

ຂ່າວ-ພາບ:ນາງ ເພັດສະຫວັນ ນັກຂ່າວເມືອງ