ວັນທີ 8 ເມສາ 2021 ຫ້ອງການໆເມືອງບາຈຽງຈະເລີນສຸກ ແຂວງຈໍາປາສັກ ສະຫຼຸບວຽກງານປີ 2020 ແລະ ວາງທິດທາງແຜນການ 3 ເດືອນຕົ້ນປີ 2021 ຂື້ນຢູ່ທີ່ສະໂມສອນຂອງເມືອງໂດຍໃຫ້ກຽດເປັນປະທານຂອງທ່ານ ປະລິນຍາເອກ ຄໍາກິ່ງແກ້ວ ປັດທໍາມະວົງ ຮອງເຈົ້າເມືອງບາຈຽງຈະເລີນສຸກ, ທ່ານ ສິວິໄລ ວົງພະຈັນ ຫົວໜ້າຫ້ອງການໆເງິນເມືອງ ໂດຍການເຂົ້າຮ່ວມຂອງທ່ານ ຄໍາມ່ວນ ຊາພິຈິດ ຮອງເຈົ້າເມືອງບາຈຽງຈະເລີນສຸກ ຊີ້ນໍາວຽກງານເສດຖະກິດມີ ຫົວໜ້າຫ້ອງການ-ຮອງຫົວໜ້າຫ້ອງການ,ພະແນກການທີ່ກ່ຽວຂ້ອງຂອງແຂວງ-ເມືອງ,ເລຂາໜ່ວຍພັກບ້ານນາຍບ້ານ 47 ບ້ານ ຕະຫຼອດຮອດພະນັກງານວິຊາການພາຍໃນຫ້ອງການດັ່ງກ່າວເຂົ້າຮ່ວມ.

ທ່ານ ສີວິໄລ ວົງພະຈັນ ຫົວໜ້າຫ້ອງການໆເງິນເມືອງຂື້ນຜ່ານ ບົດສະຫຼຸບວຽກງານການເງິນປີ2020 ແລະ ວາງທິດທາງແຜນການ 3 ເດືອນຕົ້ນປີ 2021 ເຊີ່ງປະຕິບັດຕາມທິດຊີ້ນໍາຂອງຂັ້ນເທິງໃນການຈັດຕັ້ງປະຕິບັດເກັບລາຍຮັບເຂົ້າງົບປະມານໃຫ້ໄດ້ຕາມແຜນທີ່ວາງໄວ້ໂດຍແນ່ໃສ່ຕອບສະໜອງໃຫ້ແກ່ລາຍຈ່າຍຕາມອະນຸມັດຂອງຂັ້ນເທີງໂດຍລາຍຮັບໃນເບື້ອງຕົ້ນປີ2020 ມີຕົວເລກລາຍຮັບທັງໜົດ 14.364.610.000 ກີບ ແລະ ທິດທາງແຜນການປີ 2021 (ແຜ່ນລາຍຮັບ-ລາຍຈ່າຍເບື້ອງຕົ້ນປີ 2021) ແຜນລາຍຮັບທັງໜົດ 12.044.750.000 ກີບ ຈາກນັ້ນ ທ່ານ ຄໍາໄຫຼ ລາດຊະບັນດິດ ຫົວໜ້າຫ້ອງການພາຍໃນເມືອງຂື້ນຜ່ານຂໍ້ຕົກລົງວ່າດ້ວຍການມອບໃບຍ້ອງຍໍຂັ້ນແຂວງ 13 ທ່ານ, ຂັ້ນເມືອງ 5 ທ່ານ, ຫົວໜ່ວຍທຸລະກິດ 12 ໜ່ວຍ, ນາຍບ້ານ 47 ບ້ານຕື່ມອິກ.

ຂ່າວ-ພາບ: ນາງ ເພັດສະຫວັນ ນັກຂ່າວເມືອງ