ວັນທີ 7 ເມສາ 2021 ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງບາຈຽງຈະເລີນສຸກ ແຂວງຈໍາປາສັກ ສະຫຼຸບວຽກງານປະຈໍາປີ 2020 ແລະ ວາງແຜນທິດທາງປີ2021 ຂື້ນຢູ່ທີ່ຫ້ອງປະຊຸມນ້ອຍສະໂມສອນຂອງເມືອງໂດຍໃຫ້ກຽດເປັນປະທານຮ່ວມຂອງທ່ານ ປອ ຄໍາກິ່ງແກ້ວ ປັດທຳມະວົງ ຮອງເຈົ້າເມືອງບາຈຽງຈະເລີນສຸກ ທ່ານ ຄໍາມ່ວນ ພິມສີວັນໂນ ຮອງຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງຈໍາປາສັກ ມີຫົວໜ້າຫ້ອງການ-ຮອງຫົວໜ້າຫ້ອງການ, ເລຂາຄະນະພັກຮາກຖານ 5 ກຸ່ມ, ພະນັກງານພາຍໃນຫ້ອງການເຂົ້າຮ່ວມ.

ທ່ານ ແສງຈັນ ແສງປະເສີດ ຫົວໜ້າຫ້ອງການຖະແຫຼງຂ່າວ,ວັດທະນະທໍາ ແລະ ທ່ອງທ່ຽວເມືອງ ຜ່ານບົດສະຫຼຸບການເຄື່ອນໄຫວຈັດຕັ້ງປະຕິບັດໜ້າທີ່ວຽກງານປີ2020 ແລະທິດທາງແຜນການປີ2021ໂດຍມີຫຼາຍວຽກທີ່ພົ້ນເດັ່ນເປັນຕົ້ນແມ່ນ ວຽກງານໂຄສະນາຂ່າວສານຕ່າງໆ ວຽກງານການສ້າງບ້ານ-ຄອບຄົວວັດທະນະທຳ, ວຽກງານການພັດທະນາແຫຼ່ງທ່ອງທ່ຽວ ຕິດພັນກັບວຽກງານການຄຸ້ມຄອງບັນດາຫົວໜ່ວຍບໍລິການຮ້ານອາຫານ, ກິນດື່ມ ແລະ ອື່ນໆ ຈາກນັ້ນຜູ້ແທນກອງປະຊຸມຍັງໄດ້ປະກອບຄໍາຄິດເຫັນເພື່ອເຮັດໃຫ້ການຈັດຕັ້ງປະຕິບັດວຽກງານ ຖວທ ໃນຕໍ່ໜ້າດີຂື້ນກວ່າເກົ່າ ໃນຕອນທ້າຍຂອງກອງປະຊຸມຍັງໄດ້ຮັບການໂອ້ລົມຂອງຄະນະພັກຂັ້ນເທິງຕື່ມອິກ.

ຂ່າວ-ພາບ: ສົງຄົມ ນັກຂ່າວເມືອງ