ໃນວັນທີ9 ເມສາ2021ນີ້ ຫ້ອງການສືກສາທິການແລະກິລາເມືອງສຸຂຸມາໄດ້ຈັດພິທີປະກາດພະນັກງານອອກພັກການເພື່ອຮັບອຸດໜູນບຳນານ ຢູ່ທີ່ສະໂມສອນຂອງເມືອງ ໂດຍພາຍໄຕ້ການເປັນປະທານຂອງທ່ານ ບຸນຍູ້ ປາລະມີ ກຳມະການພັກເມືອງ ຮອງເຈົ້າເມືອງໆສຸຂຸມາ,ທ່ານ ສຸລິຈັກ ພິລາແດງ ຄະນະພະແນກສືກສາທິການ ແລະ ກິລາແຂວງຈຳປາ ສັກ,ມີທ່ານ ຄຳບອນ ສີຮັກສາ ກຳມະການພັກເມືອງ ຫົວໜ້າຫ້ອງການສືກສາທິການແລະກິລາເມືອງພ້ອມຄະນະ, ຄະນະປະຈຳພັກເມືອງ,ກຳມະການພັກເມືອງ,ອຳນວຍການໂຮງຮຽນປະຖົມ-ອະນຸບານສຸຂຸມາ, ອຳນວຍການໂຮງຮຽນມໍຕົ້ນ-ມໍສ ສຸຂຸມາ ພ້ອມດ້ວຍພະນັກງານຄູ-ອາຈານເຂົ້າຮ່ວມຢ່າງພ້ອມພຽງ.


ໃນພິທີທ່ານ ປະສິດ ຖາວອນຄຳ ຂະແໜງຈັດຕັ້ງ ສຶກສາແຂວງ ກໍ່ໄດ້ຜ່ານຂໍ້ຕົກລົງຂອງລັດຖະມົນຕີກະຊວງສືກສາທິການ ແລະ ກິລາເລກທີ 6320/ສສກ ນະຄອນຫຼວງວຽງຈັນ ລົງວັນທີ 30 ພະຈິກ 2020 ວ່າດ້ວຍການອະນຸມັດພະນັກງານພັກການເພື່ອຮັບອຸດໜູນບຳນານຈຳນວນ 4 ທ່ານຄື: 1 ທ່ານ ຄຳໃສ ເທບບົວລີ, 2 ທ່ານ ສຳລີ ປະສິດສອນ, 3 ທ່ານ ຄຳແຝງ ແກ້ວບັນດິດ, 4 ທ່ານ ນາງ ສົມຄິດ ເທບວົງສາ ຈາກນັ້ນ ທ່ານ ເພັດສະໝອນ ດວງປັນຍາ ຫົວໜ້າໜ່ວຍງານຈັດຕັ້ງສຶກສາເມືອງກໍ່ໄດ້ຜ່ານຂໍ້ຕົກລົງເລກທີ 3111/ສສກ, ນະ ຄອນຫຼວງວຽງຈັນ ລົງວັນທີ 30 ກໍລະກົດ 2020 ວ່າດ້ວຍຂໍ້ຕົກລົງຍ້ອງຍໍຂອງລັດຖະມົນຕີກະຊວງສຶກສາທິການ ແລະ ກິລາຍ້ອງຍໍໃຫ້ພະນັກງານພັກການເພື່ອຮັບອຸດໜຸດບຳນານ4ທ່ານທີ່ມີຜົນງານດີເດັ່ນ

ເຊີ່ງໄດ້ປະກອບສ່ວນເຫື່ອແຮງ ແລະ ສະຕິປັນຍາເຂົ້າໃນການພັດທະນາການສືກສາ ໂດຍການກ່າວມອບໃບຍ້ອງຍໍຂອງທ່ານ ສຸລິຈັກ ພິລາແດງ ຄະນະພະແພກສຶກສາທິການແລະກິລາແຂວງ ແລະ ໄດ້ມອບກະຕ່າຂອງຂັວນໃຫ້ພະນັກງານຮັບອຸດໜູນບຳນານ 4 ທ່ານການກ່າວມອບຂອງທ່ານ ຄຳບອນ ສີຮັກສາ ກຳມະການພັກເມືອງ ຫົວໜ້າຫ້ອງການສືກສາທິການແລະກິລາເມືອງແລະການກ່າວມອບກະຕ່າຂອງຂັວນຂອງຜູ້ອຳນວນການໂຮງຮຽນຊັ້ນຕ່າງໆ ທີ່ເຂົ້າຮ່ວມເພື່ອລະນຶກເຖິງຄຸນງາມຄວາມດີແລະຜົນງານໂດດເດັ່ນຂອງພະນັກ ງານຮັບອຸດໜູນບຳນານໃນຄັ້ງນີ້ ແລະ ຕ້ອນທ້າຍກໍ່ໄດ້ຮັບຟັງການໂອ້ລົມຂອງປະທານຕື່ມອີກ.
ພາບ-ຂ່າວ: ປັນຍາ ແກ້ວພິລົມ ຖວທ ເມືອງສຸຂຸມາ