ໃນວັນທີ 8 ເມສາ 2021 ຫ້ອງການ ສະຫະພັນນັກຮົບເກົ່າເມືອງສຸຂຸມາ ເຜີຍແຜ່ເອກະສານວ່າດ້ວຍການຈັດຕັ້ງປະຕິບັດຂໍ້ແຂ່ງຂັນ 3ດີ 6ຮັກສາຈັດຂື້ນຍຢູ່ທີ່ຫ້ອງການດັ່ງກ່າວໃຫ້ກຽດເຂົ້າຮ່ວມເປັນປະທານຂອງ ທ່ານ ພັທ ບຸນເນື່ອງ ສີພາ ກຳມະການສະຫະພັນນັກຮົບເກົ່າແຂວງ, ທ່ານ ທອງສີແກ້ວ ມະນີ ປະທ່ານສະຫະພັນ ນັກຮົບເກົ່າເມືອງ, ປະທານໜ່ວຍ 7ໜ່ວຍ,ຄະນະຫ້ອງການແຂວງ ແລະ ເມືອງເຂົ້າຮ່ວມ.
ໃນກອງປະຊຸມຄັ້ງນີ້ໄດ້ຮັບຟັງການເຜີຍແຜ່ຂອງທ່ານ ພັທ ບຸນເນື່ອງ ສີພາ ກຳມະການສະຫະພັນນັກຮົບເກົ່າແຂວງ ທ່ານໄດ້ໃຫ້ຮູວ່າ: ຕະຫຼອດໄລະທີຜ່ານມາສະຫະພັນນັກຮົບເກົ່າໃດ້ສຸມໃສ່ການນຳພາ-ຊີ້ນຳຢ່າງຕັ້ງໜ້າຕັັ້ງຕາໂດຍສະເພາະດ້ານຄຸນທາດການເມືອງ ແນວຄິດ ແລະ ຜັນຂະຫຍາຍກອງທຶນຊ່ວຍເຊິ່ງກັນ ແລະ ກັນ ແຂ່ງຂັນຍ້ອງຍໍໃຫ້ການຈັດ ຕັ້ງປະຕິບັດຂໍ້ແຂ່ງຂັນ 3 ດີ 6 ຮັກສາ ເຊິ່ງປະກອບມີ: ສ້າງພົນລະເມືອງດີ, ພັດທະນາດີ, ສ້າງຄອບຄົວດີ, 6 ຮັກສາ : ຮັກສາມູນເຊື້ອ ຈົ່ງຮັກພັກ, ດີຕໍ່ພັກຕໍ່ປະເທດຊາດ, ຕໍ່ປະຊາ ຊົນບັນດາເຜົ່າ; ຮັກສາມູນເຊື້ອຕໍ່ສູ້ພິລະອາດຫານ, ກ້າແກ່ນໜຽວແໜ້ນ ແລະ ມີໄຫວພິບ; ຮັກສາມູນເຊື້ອດຸໝັ່ນຂະຫຍັນພຽນໃນການອອກແຮງງານ; ຮັກສາມູນເຊື້ອສາມັກຄີກັບປະຊາຊົນບັນດາເຜົ່າ; ຮັກສາມູນເຊື້ອມີລະບຽບວິໃນປະຊາທິປະໄຕ ແລະ ມູນເຊື້ອສາມັກຄີກັບປະເທດເພື່ອນມິດ ແລະ ສາກົນ ຈຸດປະສົງຄັ້ງນີ້ກໍ່ເພື່ຶອເສີມຂະຫຍາຍການນຳພາຂອງພັກບົນຫຼັກການລວມສູນປະຊາທິປະໄຕ ແລະ ຄວາມເປັນເອກະພາບໃນຄະນະບໍລິຫານງານສະຫະພັນນັກຮົບເກົ່າແຕ່ລະຂັ້ນມີຄວາມໜັກແໜ້ນທາງດ້ານການເມືອງແນວຄິດການຈັດຕັ້ງ ມີແບບແຜນ ແລະ ວິທີຄການເຄື່ອນໄຫວທີ່ຖືກຕ້ອງ ພ້ອມດຽວກັນນັ້ນໃນຕອນທ້າຍພິທີກໍ່ໃດ້ມີການປະກອບຄຳຄິດເຫັນເຊິ່ງກັນ ແລະ ກັນ.
ພາບ-ຂ່າວ: ສົມໃຈ ສາຍຂະໝວນ