ຜະລິດຕະພັນທີ່ເຮົາໃຊ້ປະຈຳວັນ ເຊັ່ນ: ຄຣີມອາບນໍ້າ, ສະບູ, ແຟັບ, ຜະລິດຕະພັນລະງັບກີ່ນເຫື່ອ, ​ສີຍ້ອມຜົມ, ສະກິນແຄຣ໌ ລວມທັງເຄື່ອງສຳອາງກໍ່ສາມາດເຮັດໃຫ້ເກີດອາການແພ້ໄດ້ເຊັ່ນກັນ ເຊີ່ງມັນສົ່ງຜົນກະທົບຕໍ່ຜິວໜັງ ເປັນຕົ້ນແມ່ນບວມ, ​ຄັນ ແລະ ຜືນແດງເປັນຕຸ່ມ ແລະ ເຮົາຈະຮູ້ໄດ້ແນວໃດ? ວ່າເລີ່ມມີອາການແພ້ຕອນໃດ? ແພ້ສານໂຕໃດ? ມື້ນີ້ເຮົາມີຂໍ້ມູນກ່ຽວກັບອາການແພ້ມາຝາກທ່ານ.

ຜະລິດຕະພັນເຄື່ອງສຳອາງທີ່ເຮັດໃຫ້ມີອາການແພ້ ແມ່ນສ່ວນປະສົມໃນເຄື່ອງສຳອາງບາງໂຕສາມາດກະຕຸ້ນໃຫ້ເກີດອາການແພ້ໄດ້ ເຊີ່ງມັນສາມາດເກີດໄດ້ກັບທຸກເພດ ທຸກໄວ ຖ້າຫາກທ່ານບໍ່ຮູ້ວ່າແພ້ຫັຍງແດ່? ບາງເທື່ອສະຖິຕິຂໍ້ມູນຂອງຄົນທີ່ມີອາການແພ້ສານຕ່າງໆ ໃນເຄື່ອງສຳອາງກໍ່ອາດຈະເປັນປະໂຫຍດຕໍ່ເຮົາໄດ້ເຊັ່ນກັນ.

ນໍ້າຢາງຈາກທຳມະຊາດ

ບາງທ່ານຄິດວ່ານໍ້າຢາງຈາກທຳມະຊາດຄົງຈະບໍ່ມີຜົນເສຍຫາຍຫັຍງ ຄົນທົ່ວໄປມັກແພ້ນໍ້າຢາງຈາກທຳມະຊາດ ເຊັ່ນ: ນໍ້າຢາຢືດຜົມ, ການຕິດຜົມປອມ, ສີທາໜ້າແບບອ່ອນໂຍນ, ອາຍໄລເນີ ແລະ ກາວຕິດຂົນຕາ ຊື່ງອາການແພ້ກໍ່ຈະມີອາການລະຄາຍເຄືອງຜິວໜັງທີ່ມີຜື່ນໄປຈົນຮອດບັນຫາ ກ່ຽວກັບລະບົບຫາຍໃຈ ດັ່ງນັ້ນ ເຮົາຈະຮູ້ໄດ້ແນວໃດວ່າເຄື່ອງສຳອາງໂຕໃດມີນໍ້າຢາເປັນສ່ວນປະສົມ ມາເບີ່ງນຳກັນເລີຍ.

  1. Natural Rubber Latex
  2. Natural Latex Rubber
  3. Rubber Latex
  4. Natural Latex
  5. Latex Rubber
  6. Natural Centrifuged Latex
  7. Natural Liquid Latex
  8. Aqueous Latex Adhesive
  9. Latex

ນໍ້າຫອມ

ເຄື່ອງສຳອາງ ແລະ ນໍ້າຫອມເປັນຂອງຄູ່ກັນ ນໍ້າຫອມໃນເຄື່ອງສຳອາງສ່ວນຫຼາຍປະກອບດ້ວຍສ່ວນປະສົມຫຼາຍຢ່າງທີ່ເຮັດໃຫ້ເກີດອາການແພ້ ຊື່ງເຮົາມີ 26 ລາຍການຂອງສ່ວນປະສົມໃນນໍ້າຫອມ ດັ່ງນີ້:

  • Amyl cinnamal
  • Amylcinnamyl alcohol
  • Anisyl alcohol
  • Benzyl alcohol
  • Benzyl benzoate
  • Benzyl cinnamate
  • Benzyl salicylate
  • Cinnamyl alcohol
  • Cinnamaldehyde
  • Citral
  • Citronellol
  • Coumarin
  • Eugenol
  • Farnesol
  • Geraniol
  • Hexyl cinnamaladehyde
  • Hydroxycitronellal
  • Hydroxyisohexyl 3-cyclohexene carboxaldehyde (HICC), (also known as Lyral)
  • Isoeugenol
  • Lilial
  • d-Limonene
  • Linalool
  • Methyl 2-octynoate
  • g-Methylionone
  • Oak moss extract
  • Tree moss extract

ຖ້າຫາກທ່ານໃດ? ຫາກຈື່ບໍ່ໄດ້ໝົດກໍ່ອາດຈະເລືອກຜະລິດຕະພັນທີ່ມີຄຳວ່າ fragrance-free ເທົ່າກັບປາສະຈາກ ນໍ້າຫອມ ຫຼື without perfume ເທົ່າກັບບໍ່ມີນໍ້າຫອມ.

ສານກັນບູດ ຫຼື ວັດຖຸກັນເສຍ (preservative)

ວັດຖຸກັນເສຍ (preservative) ບໍ່ໄດ້ມີແຕ່ຢູ່ໃນອາຫານເທົ່ານັ້ນ ໃນເຄື່ອງສຳອາງບາງຊະນິດກໍ່ມີຄືກັນ ເຂົາເຮັດມາເພື່ອຮັກສາຄວາມສົດ ແລະ ຫຼຸດກີ່ນເໝັນ ເພາະຈະຊ່ວຍປ້ອງກັນການເນົ່າເສຍອັນເນື່ອງມາຈາກແບັດທີເລຍ ແລະ ເຊື້ອລາ.

ຜະລິດຕະພັນເກືອບທຸກຊະນິດທີ່ເປັນນໍ້າຫອມ ຫຼື ມີນໍ້າເປັນສ່ວນປະກອບຕ້ອງມີສານກັນບູດຢູ່ນຳຕະຫຼອດເປັນຕົ້ນ parabens, imidazolidinyl urea, Quaternium-15, DMDM hydantoin, phenoxyethanol, methylchloroisothiazolinone ແລະ formaldehyde ທັງໝົດນີ້ສາມາດເຮັດໃຫ້ຜິວໜັງຂອງທ່ານເກີດອາການແພ້ໄດ້.

ສີຍ້ອມຜົມ ຫຼື ສີຈາກສານເຄມີ

ສານແຕ່ງສີ ສີຍ້ອມຜົມ ຫຼື ສານເຄມີໃນສີຕ່່າງໆ ກໍ່ມີສາມາດເຮັດໃຫ້ແພ້ໄດ້ເຊັ່ນກັນ ທ່ານຄວນຫຼີກລ້ຽງຜະລິດຕະພັນທີ່ມີສ່ວນປະສົມຂອງ p-phenylenediamine (PPD) ຄືພາຣາຟີນີໄດອະມີນ ທີ່ເຮັດຈາກນໍ້າມັນຖ່ານຫີນ ແລະ ສ່ວນຫຼາຍມັກພົບໃນຜະລິດຕະພັນຍ້ອມຜົມ ຫຼື ນໍ້າຢາປ່ຽນສີຜົມ ແລະ Coal-tar ເປັນນໍ້າມັນຈາກຖ່ານຫີນຄືກັນ ແລະ ມັກຈະພົບໃນຜະລິດຕະພັນຢາສະຜົມສູດຫຼຸດອາການຄັນຫົວ ແລະ ສູດກຳຈັດລັງແຄ.

ນອກຈາກສານທີ່ກ່າວມາທັງໝົດນີ້ຜະລິດຕະພັນເສີມຄວາມງາມທີ່ມີກົດອັນຟາ-ໄຮດອກຊີ (alpha-hydroxyl acids) ອາດຈະເຮັດໃຫ້ບາງຄົນມີອາການແພ້ໄດ້ ໂດຍສະເພາະໃນຜະລິດຕະພັນຢາຮັກສາສິວທີ່ມີລະ ດັບ   AHA  ຫຼາຍກ່ວາ 10% ຂື້ນໄປຄວນລະມັດລະມັງໃຫ້ຫຼາຍໃນການໃຊ້.

ສຳລັບຄຣີມຫຼຸດຮອຍຕ່າງໆ ທີ່ມີ Retin-A ບາງຄົນກໍ່ອາດຈະເກີດອາການລະຄາຍເຄືອງເມື່ອສຳຜັດ ແລະ ຫຼາຍຄົນກໍ່ມີອາການແພ້ຄຣີມກັນແດດ ເພາະສານທີ່ໃຊ້ປ້ອງກັນບາງໂຕກໍ່ອາດຈະເຮັດໃຫ້ເກີດປະຕິກິລິຍາຕໍ່ຜິວໜັງ ແລະ ເຮັດໃຫ້ຜິວໜັງອັກເສບໄດ້ ທ່ານສາມາດເລືອກໃຊ້ເປັນຄຣີມກັນແດດສຳລັບຜິວອ່ອນໂຍນ ຫຼື ຄຣີມກັນແດດສຳລັບຜິວທີ່ເປັນສິວໄດ້ ເພາະສູດເຫຼົ່ານີ້ຈະມີຄວາມອ່ອນໂຍນຕໍ່ຜິວໜັງຫຼາຍທີ່ສຸດ.

ວິທີປ້ອງກັນອາການແພ້ເຄື່ອງສຳອາງ

  • ວິທີປ້ອງກັນທີ່ດີທີ່ສຸດ ສຳລັບອາການແພ້ເຄື່ອງສຳອາງ ແມ່ນທ່ານຕ້ອງຮູ້ກ່ອນວ່າແພ້ສານໂຕໃດ? ແລະ ທ່ານຈະຕ້ອງຫຼີກລ້ຽງແນວໃດ? ຊື່ງວິທີງ່າຍໆ ທີ່ເຮົາສາມາດເຮັດໄດ້ດ້ວຍຕົນເອງກໍ່ຄືການອ່ານສະຫຼາກ ສ່ວນປະສົມໃນຜະລິດຕະພັນຢ່າງລະອຽດ ແລະ ຫຼີກລ້ຽງສ່ວນປະສົມທີ່ທ່ານສົງໃສວ່າຈະເກີດອາການແພ້ ຖ້າທ່ານເລີ່ມໃຊ້ຜະລິດຕະພັນໂຕໃໝ່ໆ ທີ່ບໍ່ເຄີຍໃຊ້ ທ່ານຈະຮູ້ທັນທີວ່າເລີ່ມແພ້ ຫຼື ບໍ່? ຫຼັງຈາກນັ້ນໃຫ້ທົດລອງສ່ວນປະສົມຫຼັກໆ ໃນຜະລິດຕະພັນໂຕທີ່ເຮົາເລີ່ມມີອາການແພ້ ແລະ ຫຼີກລ້ຽງສ່ວນປະສົມນັ້ນໆ ໃນຜະລິດຕະພັນອື່ນໆ ຫຼື ຖ້າຈະໃຫ້ໝັ້ນໃຈ 100% ທ່ານອາດຈະເລືອກຜະລິດຕະພັນຈາກສ່ວນປະສົມທີ່ເຄີຍໃຊ້ເປັນປະຈຳ ເພາະຈະບໍ່ທຳຮ້າຍຜິວຂອງທ່ານ.
  • ຊອກສູດທີ່ເໝາະສົມກັບທ່ານ ຖ້າຫາກເປັນການຍາກເກີນໄປທີ່ຈະຈື່ຄຳສັບ ກ່ຽວກັບສ່ວນປະສົມທີ່ຄວນຫຼີກ ລ້ຽງທັງໝົດໄດ້ ໃຫ້ທ່ານຊອກຫາຜະລິດຕະພັນທີ່ຂຽນໄວ້ດັ່ງລຸ່ມນີ້:

Hypoallergenic = ແພ້ງ່າຍ

Fragrance-free = ປາສະຈາກນໍ້າຫອມ

Without perfume = ບໍ່ມີນໍ້າຫອມ

For sensitive skin = ສຳລັບຜິວອ່ອນໂຍນ

Dermatologist tested = ໄດ້ຮັບການທົດລອງ ຈາກແພດຜິວໜັງ

Sensitivity tested = ຜ່ານການທົດລອງສຳລັບຜິວທີ່ອ່ອນໂຍນແພ້ງ່າຍ

Non-irritating = ບໍ່ລະຄາຍເຄືອງ

ໝາຍເຫດ: ທ່ານຄວນອ່ານສະຫຼາກເບີ່ງກ່ອນວ່າມີສ່ວນປະສົມຫັຍງແດ່ ເພື່ອຄວາມຮອບຄອບ ແລະ ບໍ່ໃຫ້ເກີດມີອາການແພ້.

ຄວນທົດລອງຜະລິດຕະພັນທີ່ບໍ່ເຄີຍໃຊ້ມາກ່ອນ

ສີ່ງສຳຄັນເມື່ອທ່ານຊື້ຜະລິດຕະພັນໂຕໃໝ່ໆ ທີ່ບໍ່ເຄີຍໃຊ້ມາກ່ອນກໍ່ຢ່າຟ້າວເຊື່ອໃຈຈະຕ້ອງທົດລອງຜະລິດຕະພັນໃນບໍລິເວນຜິວທີ່ອ່ອນໆ ເປັນຕົ້ນແມ່ນຢູ່ກ້ອງແຂນ ໂດຍການທາຜະລິດຕະພັນໃນປະລິມານໜ້ອຍໆ ເບີ່ງກ່ອນ ແລະ ລໍຖ້າຮອດປະມານ 48-72 ຊົ່ວໂມງ (ບາງຄົນກໍ່ເຮັດຊໍ້າກັນ 1-2 ອາທິດ ເພື່ອຄວາມໝັ້ນໃຈ) ຫຼັງຈາກນັ້ນໃຫ້ສັງເກດອາການປ່ຽນແປງໃນຕົວຂອງທ່ານເອງ ເບີ່ງວ່າຈະມີປະຕິກິລິຍາຕໍ່ສ່ວນປະສົມໃນຜະລິດຕະພັນ ຫຼື ບໍ່? ຖ້າທ່ານມີອາການບວມແດງ ຄັນ ແສບຮ້ອນ ຄວນຢຸດໃຊ້ຜະລີດຕະພັນນັ້ນທັນທີ ພຽງເທົ່ານີ້ກໍ່ຈະຊ່ວຍທ່ານບໍ່ໃຫ້ເກີດມີອາການແພ້ເຄື່ອງສຳອາງໄດ້.

ໝາຍເຫດ: ທ່ານບໍ່ຄວນໃຊ້ຜະລິດຕະພັນພ້ອມກັນຫຼາຍຊະນິດ ເພາະຖ້າມີອາການແພ້ຈະຫາສາເຫດໄດ້ຍາກ ທ່ານຄວນໃຊ້ຜະລິດຕະພັນໄປເທື່ອລະອັນ ແລະ ໃຊ້ຢ່າງໜ້ອຍ 1-2 ອາທິດ ແລ້ວສັງເກດອາການຂອງຕົວທ່ານເອງ ເພື່ອຄວາມໝັ້ນໃຈອີກເທື່ອໜື່ງ.

ອາການແພ້ເຄື່ອງສຳອາງ

ອາການແພ້ສານໃນເຄື່ອງສຳອາງຈະມີອາການເຊັ່ນ: ຜື່ນຕາມຜິວໜັງ, ຄັນ, ຜິວລອກ, ໜ້າບວມ, ລະຄາຍເຄືອງຕາມດັງ ແລະ ປາກ, ຫາຍໃຈບໍ່ອອກ ແລະ ຖ້າອາການຮຸນແຮງບາງຄົນອາດຈະເປັນອັນຕະລາຍຕໍ່ຊີວິດໄດ້.

ສຳລັບຄົນເຈັບທີ່ເປັນຫືດ ຫຼື ດັງອັກເສບຈາກການພູມແພ້ ສີ່ງທີ່ຄວນລະວັງກໍ່ຄືນໍ້າຫອມໃນເຄື່ອງສຳອາງ ເພາະການສູດດົມເລື້ອຍໆ ອາດສົ່ງຜົນກະທົບຕໍ່ລະບົບຫາຍໃຈໄດ້ເຊັ່ນກັນ ທ່ານອາດຈະຫາຍໃຈບໍ່ອອກ, ໄອມີຂີ້ກະເທີ, ມີນໍ້າມູກ, ເຈັບຫົວ, ເຈັບໜ້າເອີກ.

ຖ້າທ່ານພົບອາການແພ້ຈາກການໃຊ້ຜະລິດຕະພັນທີ່ກ່າວມານັ້ນຄວນໄປປຶກສາແພດ ເນື່ອງຈາກສານດັ່ງກ່າວກໍ່ໃຫ້ເກີດອາການພູມແພ້ ແລະ ຮ້າຍແຮງຂື້ນເລື້ອຍໆ.