ມີເດຍລາວແຂວງເຊກອງ
( ວັນທີ 25/4/2021 ) ໃນຕອນເຊົ້າຂອງວັນທີ 25 ເມສາ 2021 ນີ້ ຄະນະສະເພາະກິດຂັ້ນແຂວງ, ໄດ້ມີການປະຊຸມເພື່ອປຶກສາຫາລືກ່ຽວກັບການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ -19ໂດຍການເປັນປະທານຂອງທ່ານ ຄໍາສອນ ກອນເຢີ ປະທານຄະນະກໍາມະການສະເພາະກິດປ້ອງກັນ ແລະຄວບຄຸມພະຍາດໂຄວິດ-19ຂັ້ນແຂວງ, ມີທ່ານ ເຫຼັກໄຫຼ ສີວິໄລ ເຈົ້າແຂວງໆເຊກອງ ມີຄະນະສະເພາະກິດຂັ້ນແຂວງ, ເມືອງ ລະມາມ ແລະເມືອງທ່າແຕງ, ບັນດາພະແນກການອອ້ມຂ້າງແຂວງ ພ້ອມດ້ວຍ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ດຣ ຄໍາໄຫຼ ສັນຕິພຸມ ຫົວໜ້າພະແນກ ສາທາລະນະສຸກແຂວງເຊກອງລາຍງານໃຫ້ຮູ້ວ່າ: ການປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ ໂຄວິດ-19, ຂໍ້ສະດວກ, ຂໍ້ຫຍຸ້ງຍາກໂດຍສະເພາະຍັງມີກຸ່ມຄົນຈໍານວນໜື່ງເຫັນວ່າບໍ່ຢາກໃຫ້ຄວາມຮ່ວມມືກັບເຈົ້າໜ້າທີ່ບໍ່ມີເອກະສານເຂົ້າອອກເມືອງເປັນ
ຕົ້ນແມ່ນຜູ້ທີ່ເດີນທາງມາຈາກແຂວງໄກ້ຄຽງທີ່ມີການລະບາດ, ເຊີ່ງຄະນະພັກຂັ້ນເທິງກໍ່ໄດ້ໃຫ້ຄວາມເປັນຫວ່ງເປັນໄຍຕໍ່ຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າຢ່າງເອົາຈິງເອົາຈັງ, ເຊີ່ງມາຮອດປະຈຸບັນຄະນະພັກຂັ້ນເທິງແມ່ນເອົາໃຈໃສ່ຍົກສູງຄວາມຮັບຜິດຊອບ ແລະຊອກທຸກວິທີທາງເພື່ອຕ້ານການລະບາດຂອງພະຍາດດັ່ງກ່າວ. ໂດຍໄດ້ມີການຕັ້ງດ່ານກວດກາຄົນເຂົ້າອອກລະຫວ່າງເມືອງຫາເມືອງ, ແຂວງຫາແຂວງ, ເຊີ່ງທົ່ວແຂວງເຊກອງມີຈຸດກັ່ນກອງຄົນເຂົ້່າອອກຢູ່ 5 ຈຸດຄື: ຈຸດກັ່ນກອງໂຮງໝໍແຂວງ, ຈຸດບ້ານກົກພຸງໄປຫາແຂວງສາລະວັນ, ຈຸດບ້ານຫຼັກຂາວ ໄປຫາແຂວງຈໍາປາສັກ, ຈຸດບ້ານ ເຊນໍ້ານ້ອຍໄປຫາແຂວງອັດຕະປື ແລະຈຸດກັ່ນກອງດາກຕຽມເມືອງດາກຈຶງເມືອງ, ນອກນີ້ທາງຄະນະສະເພາະກິດຍັງໄດ້ເລັ່ງໃຫ້ພໍ່ແມ່ປະຊາຊົນບັນດາເຜົ່າທີ່ມີພີ່ນ້ອງທີ່ເດີນທາງຈາກແຂວງໄກ້ຄຽງຫຼື ຕ່າງ ປະເທດທີ່ີມີຄວາມສ່ຽງສູງ ຕ້ອງໄດ້ໃຫ້ມາລາຍງານຕໍ່ເຈົ້າໜ້າທີ່ ຢ່າງຮີບດ່ວນ ເພື່ອຈະໄດ້ນຳຕົວຜູ້ກ່ຽວມາກັກໄວ້ສູນກັກບໍລິເວນທີ່ທາງແຂວງຈັດຫາໃຫ້ ທັງນີ້ ເພື່ອຫຼີກລ້ຽງບໍ່ໃຫ້ໄປເຄື່ອນໄຫວຊະຊາຍ ແລະເພື່ອຄວາມປອດໄພຂອງທ່ານ ແລະຄອບຄົວທ່ານເອງ.ພ້ອມນີ້ ໄດ້ສົມທົບກັບກໍາລັງ ປກຊ-ປກສ ກວດກາ ຕາມຊາຍແດນ ເພື່ອປ້ອງກັນບໍ່ໃຫ້ມີຄົນລັກລອບເຂົ້າມາແບບບໍ່ຖືກຕ້ອງ.


ໃນໂອກາດນີ້, ທ່ານ ເຫຼັກໄຫຼ ສີວິໄລ ເລຂາພັກແຂວງເຈົ້້າແຂວງເຊກອງ ໄດ້ສະແດງຄວາມຊົມເຊີຍ ແລະ ຕີລາຄາສຸງ ຕໍ່ຄະນະນໍາ ແລະ ທຸກພາກສ່ວນທີ່ກ່ຽວຂ້ອງຂອງເມືອງ ທີ່ໄດ້ປະຕິບັດໜ້າທີ່ ແລະ ຄວາມຮັບຜິດຊອບຂອງຕົນ ເພື່ອປະເທດຊາດ ແລະ ປະຊາຊົນ ດ້ວຍຄວາມເປັນເຈົ້າການ. ອັນສຳຄັນ, ທ່ານ ເຈົ້າແຂວງເຊກອງ ໄດ້ເນັ້ນໜັກ ໃຫ້ສືບຕໍ່ປະຕິບັດໜ້າທີ່ ອັນໜັກໜ່ວງດັ່ງກ່າວ ໄປຈົນກ່ວາຈະມີຄໍາສັ່ງປ່ຽນແປງ ເພາະວ່າ ຕົວເລກຜູ້ຕິດເຊື້ອພະຍາດນັບມື້ເພີ່ມຂຶ້ນ ແລະ ຖ້າມີຄວາມຈໍາເປັນ ຈະໄດ້ໃຊ້ມາດຕະການເຂັ້ມງວດຂຶ້ນຕື່ມ, ດັ່ງນັ້ນ ໃຫ້ພ້ອມກັນສຸມໃສ່ບັນດາກຸ່ມສ່ຽງ ເພື່ອພ້ອມກັນແກ້ໄຂໃຫ້ທັນການ; ໃຫ້ເພີ່ມທະວີການກວດກາລາດຕະເວນ ຢ່າງເຂັ້ມງວດ ເພື່ອສະກັດກັ້ນການເຂົ້າເມືອງບໍ່ຖືກກົດໝາຍ; ເອົາໃຈໃສ່ໂຄສະນາເຜີຍແຜ່ ຜົນຮ້າຍຂອງພະຍາດໂຄວິດ-19 ຜ່ານທາງໂທລະໂຄ່ງ ຂອງບ້ານ ຢ່າງເປັນປະຈໍາ ເພື່ອໃຫ້ປະຊາຊົນ ເຂົ້າໃຈ, ພ້ອມທັງ ແນະນຳວິທີປ້ອງກັນ ແລະ ຮັກສາຕົນເອງ ໂດຍສະເພາະ ການປະຕິບັດມາດຕະການປ້ອງກັນການຕິດເຊື້ອ ແລະ ແຜ່ເຊື້ອ ຢ່າງເຂັ້ມງວດ, ເຂົ້າຮ່ວມຂະບວນການຕ້ານພະຍາດດັ່ງກ່າວ ຢ່າງແຂງແຮງ ລວມທັງ ໄປສັກຢາວັກຊີນກັນພະຍາດໂຄວິດ-19 ເພື່ອຊ່ວຍຫລຸດຜ່ອນການແຜ່ລະບາດຂອງພະຍາດ ແລະ ເຮັດໃຫ້ຈຳນວນຜູ້ຕິດເຊື້ອພະຍາດ ຫລຸດລົງເປັນກ້າວໆ. ນອກຈາກນີ້, ທ່ານ ຍັງໄດ້ສະແດງຄວາມເຊື່ອໜັ້ນ ຕໍ່ການປະຕິບັດໜ້າທີ່ຂອງຂະແໜງການ, ຂອງທຸກພາກສ່ວນໃນສັງຄົມ ກໍຄື ພໍ່ປະຊາຊົນທົ່ວແຂວງເຊກອງ ຈະເຮັດໃຫ້ພວກເຮົາ ສາມາດຜ່ານຜ່າວິກິດຄວາມຫຍຸ້ງຍາກຄັ້ງນີ້ ໄດ້ໂດຍໄວ.