ຄະນະນຳ ພ້ອມດ້ວຍ ພະນັກງານ-ລັດຖະກອນ 3 ອົງການຈັດຕັ້ງມະຫາຊົນ ຈາກກົມ-ກອງ ອ້ອມຂ້າງກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ພາກສ່ວນຕ່າງ ທີ່ຫໍ ວັດທະນະທຳແຫ່ງຊາດ ປຸກລະດົມນໍ້າໃຈການບໍລິຈາກ ເພື່ອຊ່ວຍເຫລືອບັນເທົາທຸກແກ່ຜູ້ ປະສົບໄພນໍ້າຖ້ວມຢູ່ບັນດາ 6 ແຂວງພາກກາງ ແລະ ພາກໃຕ້.

ເຄື່ອງອຸປະໂພກ-ບໍລິໂພກ ທີ່ລະດົມໄດ້ໃນຄັ້ງນີ້ປະກອບມີ: ເຂົ້າສານອາຫານແຫ້ງ, ນ້ຳ ແລະ ເຄື່ອງນຸ່ງຫົ່ມ, ເຄື່ອງໃຊ້ຄົວກິນ ທີ່ໄດ້ຮັບແມ່ນປະມານ 2 ລົດບັນທຸກ 6 ລໍ້. ເຊິ່ງເຄື່ອງຈຳ ນວນດັ່ງກ່າວ 3 ອົງການຈັດຕັ້ງມະຫາຊົນຕາງໜ້າ ກະຊວງຖະແຫຼງຂ່າວ, ວັດທະນະທຳ ແລະ ທອງທ່ຽວ ຈັດສັນແລ້ວຈະນຳໄປມອບໃຫ້ແກ່ຜູ້ປະສົບໄພນ້ຳຖ້ວມ ໃນວັນທີ 20 ກັນຍາ 2019 ນີ້ ເພື່ອແກ້ໄຂຊີວິດການເປັນຢູ່ຂອງຜູ້ປະສົບໄພ ດ້ວຍຄວາມເປັນຫ່ວງເປັນໄຍ.