ຕອນບ່າຍວັນທີ 3/5/2021; ຄະນະບັນນາທິການສົ່ງຂໍ້ມູນໜ້າສົນໃຈ ກ່ຽວກັບເຫດການປີ່ນປົວຜູ້ຕິດເຊື້ອໂຄວິດ-19 ຢູ່ໂຮງໝໍເສດຖາທິຣາດ ນະຄອນວຽງຈັນນັ້ນ ຄື: ຄະນະແພດໝໍໄດ້ໂພສຂໍ້ຄວາມລົງເຟດບຸກດັ່ງລຸ່ມນີ້:

ທີມທຳອິດຂອງໂຮງໝໍເສດຖາທິຣາດ ຈົບການປະຕິບັດໜ້າທີ່ກັບການຕິດຕາມອາການຂອງຄົນເຈັບມີເຊື້ອໂຄວິດ-19 ຈຳນວນ 61 ຄົນກັບໝໍ 1 ຄົນ ພະຍາບານ 3 ຄົນ ເປັນເວລາ 7 ມື້ 7 ຄືນ ເຊີ່ງມັນເປັນຄັ້ງທຳອິດ ຂອງໂຮງໝໍທີ່ ໄດ້ຮັບຄົນເຈັບທີ່ມີເຊື້ອເຂົ້ານອນຕິດຕາມ ເຊີ່ງມັນເປັນວຽກທີ່ທ້າທາຍ ສຳລັບພວກເຮົາເພາະມັນເປັນຄັ້ງທຳອິດ, ທຸກໆ ມື້ພວກເຮົາຈະໃສ່ຊຸດ PPE 3 ຫາ 6 ເທື່ອຕໍ່ມື້, ເທື່ອໜື່ງ 2 ຫາ 3 ຊົ່ວໂມງ ບອກໄດ້ເລີຍວ່າທັງຮ້ອນທັງຂາດອາ ກາດຫາຍໃຈເຖີງຈະເມື່ອຍແຕ່ພວກເຮົາກະບໍ່ເຄີຍປະລະໜ້າທີ່ທີ່ຂັ້ນເທີງໄດ້ມອບໝາຍໃຫ້ຈົນຮອດມື້ສຸດທ້າຍ ຕອນເຊົ້າ ຂອງມື້ນີ້ພວກເຮົາໄດ້ເກັບໂຕຢ່າງ ແລະ ລໍຖ້າທັງຜົນ 7 ໂມງຜົນກວດອອກເປັນລົບທັງ 4 ຄົນ ຈື່ງໄດ້ອອກມາກັກໂຕ ຕິດຕາມອາການ 14 ມື້ ແລະ ລໍຖ້າເຂົ້າປະຈຳການອີກໃນຮອບຕໍ່ໄປ.

ສຸດທ້າຍ ຂໍຂອບໃຈມາຍັງຄົນເຈັບທີ່ມາຊ່ວຍແບ່ງເບົາໃນການເຮັດວຽກ ແຈກຢາຍອາຫານ ແລະ ອື່ນໆ ໃນທຸກໆ ຄັ້ງ, ຂໍໃຫ້ຄົນເຈັບທຸກຄົນແຂງແຮງ ແລະ ຫາຍຈາກເຊື້ອໄວໆ ເດີສູ້ໆ!!.

ຜູ້ຂຽນໄດ້ອ່ານຄິດວ່າຜູ້ອ່ານທັງຫຼາຍກໍ່ຄົງໄດ້ອ່ານ… ອ່ານແລ້ວຄິດວ່າຫຼາຍທ່ານກໍ່ຄືຜູ້ຂຽນຕ້ອງຕົບມືຊົມເຊີຍຕໍ່ຈິດ ໃຈຂອງພວກເພີ່ນ ໃນການຮັບໃຊ້ປີ່ນປົວຄົນເຈັບສົມກັບຄຳວ່ານັກຮົບເສື້ອຂາວແພດປະຕິວັດ.

ເຫັນໃຈພວກເພີ່ນ, ພວກເຮົາຕ້ອງພ້ອມກັນປະຕິບັດຄຳສັ່ງຂອງຂັ້ນເທີງ ໂດຍສະເພາະຄະນະສະເພາະກິດວາງອອກ ຢ່າງເຄັ່ງຄັດ ບໍ່ທໍ່ນັ້ນຍັງຕ້ອງຊ່ວຍຫັນກຽວວິໃນສັງຄົມເຂົ້າອີກ ໂດຍການແນມເບີ່ງຄວາມຈີງຂອງປະຫັວດຜູ້ຕິດເຊື້ອ ທີ່ພວກເຂົາເດີນທາງໄປທົ່ວທີບທົ່ວແດນ ຊ່ວຍກະຕຸກຊຸກຍູ້ຜູ້ມີຄວາມສ່ຽງໄປກວດຫາເຊື້ອໂດຍໄວ. ຂໍຊົມເຊີຍນໍ້າໃຈ ປະຕິວັດຂອງທ່ານ.

ທິດດີ