ມີເດຍລາວແຂວງຈຳປາສັກ ຂ່າວ​- ພາບ ໄຊຍະສິດ​ ສີຫາວົງ
ຕອນບ່າຍຂອງວັນທີ 3 ພຶດສະພາ​ 2021​ນີ້​ ເວລາ​ 3:30່ ຄະນະນຳ​ກະຊວງສ​າທາລະນະສຸກ​ໄດ້ລົງຕິດຕາມ​ຊຸກຍູ້ວຽກງານຄວບຄຸມການລະບາດຂອງພະຍາດໂຄວິດ-19.​ຢູ່ເມືອງຈຳປາສັກ​ ເປັນກຽດ ນຳໂດຍ ທ່ານ ດຣ ບຸນກອງ ສີຫາວົງ​ ອະດິດລັດຖະມົນຕີກະຊວງສາທານະສຸກ.​ທ່ານ ວິໄລວົງ ບຸດດາຄຳ ເລຂາ​ພັກ​ແຂວງ​ເຈົ້າ​ແຂວງ​ຈຳປາສັກ.​ມີບັນດາໃນກຳມະການພັກແຂວງ ຮອງເຈົ້າແຂວງ.​ມີຫົວໜ້າກົມ-ຮອງກົມ ຈາກກະຊວງສາທານະສຸກ.​ໂດຍເປັນກຽດ ໃຫ້ກຽດຕ້ອນຮັບຂອງ ທ່ານ ສະຫວາດ​ ແກ້ວບັນດິດ​ ກຳມະ​ການພັກແຂວງ​ ເລຂາ​ພັກ​ເມືອງ​ເຈົ້າເມືອ​ງໆ​ຈຳປາສັກ​ພ້ອມຄະນະ ມີຄະນະຊີ້ນຳ-ຄະນະສະເພາະກິດປ້ອງກັນສະກັດກັ້ນ ຄວບຄຸມ​ ແລະ​ ກຽມຄວາມພ​້ອມຮອບດ້ານ​ໃນ​ການ​ຕ້ານການລະ​ບາດ​ຂອງ​ພະ​ຍາດ​ໂຄວິດ​-19​ ຢູ່ເມືອງຈຳປາສັກ.​ມີບຸຄະລາກອນການແພດ ສາທານະສຸກ ແລະ​ ພາກສ່ວນ​ທີ່​ກ່ຽວຂ້ອງ​ເຂົ້າຮ່ວມ.

ໃນນີ້ ທ່ານ ສະຫວາດ ​ແກ້ວບັນດິດ​ ເຈົ້າເມືອ​ງໆຈໍາປາສັກ​ ກໍ່ໄດ້​ລາຍງານ​ການຈັດຕັ້ງ​ປະຕິບັດວຽກງານ ການເຝົ້າລະວັງ ປ້ອງກັນ​ແລະ​ຄວບຄຸມ​ການລະບ​າດຂອງພະຍາດ​ໂຄວິດ​-19​ຢູ​່ເມືອງ. ວ່າ: ເມືອງຈຳປາສັກ​ໄດ້ປະຕິບັດ ແລະ ຜັ່ນຂະຫຍາຍທຸກໆມະຕິຄຳສັ່ງຂອງທ່ານນາຍຍົກລັດຖະມົນຕີ ສະບັບເລກທີ​15/ນຍ ລົງວັນທີ21ເມສາ 2021​ດ້ວຍ​ຄວາມ​ຮັບ​ຜິດ​ຊອບສູງ ແລະ ປະຕິບັດຕາມຄຳສັ່ງຂອງທ່ານເຈົ້າແຂວງ ສະບັບ​ເລກທີ​02.​03 ແລະ 04 ວ່າດ້ວຍກາ​ນເພີ່ມມາດຕະການສະກັດກັ້ນ ຄວບຄຸມ​ ແລະ​ ແກ້ໄຂ​ຮອບດ້ານ​ຈາກການແຜ່ລະບາດຂອງພະຍາດໂຄວິດ-19​ພ້ອມນັ້ນກໍ່ໄດ້ແຕ່ງຕັ້ງຄະນະກຳມະການສະເພາະກິດຂັ້ນເມືອງໂດຍມີທ່ານ ເຈົ້າເມືອງເປັນຫົວໜ້າ ແລະ ກຸ່ມບ້ານ ແລະ ບ້ານ ໃນ5 ກຸ່ມບ້ານແມ່ນໄດ້ແບ່ງຈຸດກວດກາຢູ່ຂັ້ນເມືອງແມ່ນມີ6ຈຸດໃຫ່ຍທີ່ມີຄະນະສະເພາະກິດຂັ້ນເມືອງກວດກາ ແລະ ປະຈຳຢູ່ ເພື່ອກວດກາຕ້ານແລະສະກັດກັ້ນການແຜ່ລະບາດຂອງພະຍາດໂຄວິດ-19.​ແລະ ໄດ້ເອົາໃຈໃສ່ໃຫ້ແຕ່ລະບ້ານພາຍໃນເມືອງ ຈຳນວນ 73 ບ້ານກວດກາຄົນເຂົ້າ-ອອກຢູ່ພາຍໃນບ້ານ ເພື່ອຕ້ານ​ການລະບາດຂອງ​ພະຍາດໂຄວິດ​-19.
ແລະ ໃນໂອກາດນີ້ ທ່ານ ບຸນກອງ ສີຫາວົງ​ ອະດິດລັດຖະມົນຕີກະຊວງສາທານະສຸກກໍ່ໄດ້ມີຄຳເຫັນແນະນຳຕໍ່ຄະນະສະເພາະກິດປ້ອງກັນ ສະກັດກັ້ນ ຄວບຄຸມ​ ແລະ ກຽມຄວາມພ​້ອມຮອບດ້ານ​ຕ່າງໆຢ່າງເອົາໃຈໃສ ເປັນຕົ້ນແມ່ນຈະຕ້ອງໄດ້ມີການກະກຽມບຸກຄະລາກອນການແພດ ແລະ ສາທານະສຸກ ປະຕິບັດ(EOC)​ໃນຂັ້ນແຂວງ ແລະ ຂັ້ນເມືອງ​ ແລະ ກຸ່ມບ້ານ ຕ້ອງໄດ້​ມີການ​ກຳນົດ​ພາລະ​ບົດບາດ​ແລະ​ໜ້າທີ່​ຮັບຜິດຊອບ​ຂອງ​ແຕ່ລະ​ຂັ້ນ​ຢ່າງ​ຊັດເຈນ.

ພ້ອມດ່ຽ​ວກັນນີ້ ທ່ານ ວິໄລວົງ ບຸດດາຄຳ ເຈົ້າແຂວງໆຈຳປາສັກ​ກໍ່ໄດ້ມີຄຳເຫັນໃຫ້ຄະນະສະເພາະກິດປ້ອງກັນຕ້ານ ແລະ ສະກັດກັ້ນ​ຕ້ານພະຍາດ​ໂຄວິດ​-19.​ໃຫ້ຕີລາຄາ ແລະ​ ປະເມີນການຈັດຕັ້ງປະຕິບັດຄຳສັ່ງຕ່າງໆຂອງນາຍຍົກ ແລະ ຄຳສັ່ງຈາກແຂວງເພື່ອເຝົ້າລະວັງ ປະຕິບັດ ຕ້ານ ແລະ ສະກັດກັ້ນ​ພະຍາດໂຄວິດ​-19​ ບໍ່ໃຫ້ແຜ່ລາມເປັນວົງກ້ວາງ.​ແລະກວດກາການເຂົ້າ-ອອກ ໃຫ້ເຂັ້ມງອດ ແລະ ໝັກແໝ້ນໃນການປະຕິບັດໜ້າທີ່.

ຈາກນັ້ນພາຍຫຼັງທີ່ທາງຄະນະນຳກະຊວງສາທານະສຸກໄດ້ສຳເລັດພົບປະຊຸກຍູ້ຄະນະນຳຂອງເມືອງແລ້ວ ທ່ານ ບຸນກອງ ສີຫາວົງ ອະດິດລັດຖະມົນຕີກະຊວງສາທານະສຸກ ແລະ ທ່ານ ພ້ອມດ້ວຍ​ທ່ານ ເຈົ້າແຂວງໆຈຳປາສັກ​ ແລະ ການນຳຂອງເມືອງ ເຈົ້າເມືອງ ກໍ່ໄດ້ລົງຕິດຕາມຊຸກຍູ້ໄປທີ່ໂຮງໝໍເມືອງຈຳປາສັກ ຢູ່ທີ່ກຸ່ມ3ດອນຕະລາດເມືອງຈຳປາສັກ ເປັນກຽດຕ້ອນຮັບໂດຍ ທ່ານ ດຮຈັນພະສຸກ ພູວົງໄຊ ແລະ ທ່ານ ດຮ ອິນປອນ ໄຊຍະແສງ ແລະ ແພດໝໍ ຂອງເມືອງຈຳປາສັກຕີມອີດ້ວຍ.​