ມີເດຍລາວແຂວງຈຳປາສັກ ຂ່າວ ຖວທ ປະທຸມພອນ ພາບ : ຄະນະສະເພາະກິດຂັ້ນເມືອງ
ໃນທ້າຍເດືອນ ເມສາ ຫາ ຕົ້ນ ເດືອນພຶດສະພາ 2021 ນີ້ ຫຼາຍພາກສ່ວນຍັງສືບຕໍ່ມອບເຄື່ອງອຸປະໂພກບໍລິໂພກ ເພື່ອປະກອບສ່ວນເຂົ້າໃນວຽກງານ ສະກັດກັ້ນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ -19 ຢູ່ເມືອງປະທຸມພອນ ແຂວງຈໍາປາສັກ ເຄື່ອງອຸປະໂພກ_ບໍລິໂພກ ລວມມູນຄ່າ 20 ລ້ານກວ່າກີບ ແລະ ເງິນສົດ ຈໍານວນ 30 ລ້ານກວ່າກີບ

ເຊິ່ງໄດ້ຈາກຜູ້ປະກອບການທຸລະກິດ ແລະ ກົມກອງຫ້ອງການ ຄື: ສະຫະກອນສິນເຊື່ອ ແລະ ເງິນຝາກປະຢັດຈໍາປາພັດທະນາ, ຫ້ອງວ່າການແຂວງ, ບໍລິສັດລິດສະໄໝມີໄຊກໍ່ສ້າງ, ປໍ້ານໍ້າມັນທັນສະໄໝ, ບໍລິສັດຈໍາປາ, ສູນບໍລິການໄຟຟ້າເມືອງປະທຸມພອນ, ບໍລິສັດໄຟຟ້າສາຍສົ່ງ 500 KV, ບໍລິສັດສະໜີໂຊກ, ເຈເຄໂມບາຍ, ບໍລິສັດນໍ້າດື່ມສາຍເຊ,ຈາກການລະດົມທຶນຫ້ອງການວິທະຍາສາດ ແລະ ເຕັກໂນໂລຊີ,ຈາກການລະດົມທຶນຂອງຫ້ອງການ ຍທຂ, ອົງການປົກຄອງບ້ານພະລວງ, ສະມະຊິກສະພາປະຊາຊົນແຂວງຈໍາປາສັກ ປະຈໍາເຂດເລືອກຕັ້ງເມືອງປະທຸມພອນ, ຄະນະ ອພສ ເມືອງປະທຸມພອນ ມອບໂດຍຕ່າງໜ້າຈາກພາກສ່ວນຕ່າງໆ ໃຫ້ກຽດຮັບໂດຍ ຕ່າງໜ້າຄະນະສະເພາະກິດຄວບຄຸມ,ສະກັດກັ້ນ ແລະ ຕອບໂຕ້ການລະບາດພະຍາດໂຄວິດ_19 ຂັ້ນເມືອງ ເຊິ່ງໄດ້ມອບຢູ່ທີ່ສໍານັກງານຫ້ອງວ່າການເມືອງປະທຸມພອນ ແລະ ເມືອງໝໍເມືອງ ເພື່ອນຳໄປມອນຕໍ່ໃຫ້ເຈົ້າໜ້າທີ່ໆປະຕິບັດໜ້າທີ່ວຽກງານ ສະກັດກັ້ນ ຄວບຄຸມ ການ ແພ່ລະບາດຂອງພະຍາດ ໂຄວິດ -19 ຢູ່ຈຸດກັກກັນ,ຈຸດກັນກອງ ແລະ ກວດກາແຕ່ລະຈຸດຂອງເມືອງຈາກນັ້ນຄະນະພັກອໍານາດການປົກເມືອງຂໍໄດ້ສະແດງຄໍາຂອບໃຈພ້ອມທັງຍ້ອງຍໍຊົມເຊີຍຕໍ່ຜູ່ປະກອບສ່ວນໃນຄັ້ງນີ້ອີກດ້ວຍ.