ສື່ມວນຊົນແຂວງຈຳປາສັກ ພາບ: ອະນຸກຳມະການໂຄສະນາ ,ຂ່າວ: ສີຈະເລີນ ນັກຂ່າວເມືອງ ວັນທີ 6 ພຶດສະພາ 2021ຄະນະອະນຸກຳມະການປຸກລະດົມເມືອງບາຈຽງຈະເລີນສຸກ ເພີ້ມທະວີລົງໂຄສະນາເຜີຍແຜ່ຂໍ້ມູນຂ່າວສານການປ້ອງກັນແລະຕ້ານພະຍາດໂຄວິດ-19ໃຫ້ປະຊາຊົນບ້ານກະຈີດ,ໜອງກຸ້ງ,ໜອງບົວ,ແກ້ງເກ່ຍ,ຫ້ວຍເມີ້ງ,ໂນນອຸດົມ,ຂັນລາຍ,ກວາງຊີ,ໂພນທອງ,ປັກແກງ,ໜອງຫົວຄວາຍແລະບ້ານທີ1ນຳໂດຍທ່ານ ແສງຈັນ ແສງປະເສີດ ຫົວໜ້າຫ້ອງການຖະແຫຼງຂ່າວ,ວັດທະນະທຳ-ທ່ອງທ່ຽວເມືອງທັງເປັນຫົວໜ້າອະນຸກຳມະການປຸກລະດົມ,ສຶກສາອົບຮົມໂຄສະນາແລະເຜີຍແຜ່ຂໍ້ມູນ-ຂ່າວສານຂັ້ນເມືອງ ໂດຍນຳໃຊ້ລົດຕິດຕັ້ງລະບົບໂທລະໂຄ່ງ 2 ຄັນໃນການໂຄສະນາເພື່ອໃຫ້ປະຊາຊົນມີຄວາມຮັບຮູ້ເຂົ້າໃຈຫຼານຂຶ້ນກ່ຽວຜົນຮ້າຍ,ມາດຕະການແລະວີທີປ້ອງກັນການລະບາດຂອງພະຍາດໂຄວິດ-19

ຕິດພັນກັບການປ້ອງກັນແລະທຳລາຍແຫຼ່ງເພາະພັນໜອນນ້ຳໄຂ້ຍຸງລາຍ ທ່ານ ແສງຈັນ ແສງປະເສີດ ຍັງໃຫ້ຮູ້ອິກວ່າ: ຄະນະອະນຸກຳມະການປຸກລະດົມໂຄສະນາຍັງໄດ້ເພີ້ມທະວີສືບຕໍ່ລົງໂຄສະນາຕາມແຕ່ລະບ້ານໃນທົ່ວເມືອງບາຈຽງຈະເລີນສຸກ ເປັນປະຈຳໃນແຕ່ລະວັນ ທັງເປັນການຊຸກຍູ້ອຳນາດການປົກຄອງທ້ອງຖິ່ນຮາກຖານບ້ານເອົາໃຈໃສ່ໃນການຈັດຕັ້ງປະຕິບັດຄຳສັ່ງເລກທີ 15/ນຍ,ລົງວັນທີ 21ເມສາ2021.,ຄຳສັ່ງເລກທີ 05/ຈຂ.ຈສ,ລົງວັນທີ6ພຶດສະພາ2021ແລະມະຕິຕົກລົງເລກທີ 063/ຄຈພມ.ບຈ ລົງວັນທີ 30ເມສາ 2021ກ່ຽວກັບການເພີ້ມທະວີມາດຕະການສະກັດກັ້ນ,ກັນການລະບາດ,ຄວບຄຸມແລະກະກຽມຄວາມພ້ອມຮອບດ້ານໃນການຕ້ານພະຍາດໂຄວິດ-19ຢ່າງເຂັ້ມງວດເຄັ່ງຄັດຂຶ້ນຕື່ມ.