ກອງປະຊຸມໃຫຍ່ຄັ້ງທີIII ຂອງຮາກຖານກໍາມະບານ ສພຂແຂວງສະຫັວນນະເຂດໄດ້ໄຂຂື້ນ ແລະ ສຳເລັດລົງຕາມຄາດໝາຍໃນວັນທີ 27 ທັນວາ 2019 ນີ້ ທີ່ຫ້ອງປະຊຸມດັ່ງກ່າວ,ໂດຍໃຫ້ກຽດເຂົ້າຮ່ວມເປັນປະທານ ຂອງສະຫາຍ ຄຳເຜີຍ ຜັນທະຈອນ ຮອງເລຂາພັກແຂວງ,ເລຂາຄະນະພັກຮາກຖານສະພາປະຊາຊົນແຂວງທັງເປັນປະທານສະພາປະຊາຊົນແຂວງ, ສະຫາຍ ຄໍາຕັນ ສີໂພໄຊ ຮອງປະທານຄະນະບໍລິຫານງານສະຫະພັນກຳມະບານແຂວງ.

ສະຫາຍ ນາງແກ້ວວຽງໄຊ ຈັນສະໄຫມ ຮອງປະທານຮາກຖານກຳມະບານ ສພຂ ໄດ້ຜ່ານບົດລາຍງານການເມືອງ ແລະ ແຜນການທິດທາງຕໍ່ຫນ້າ ໂດຍສັງເຂບວ່າ: ກຳມະບານຮາກຖານ ສພຂ ແມ່ນອົງການຈັດຕັ້ງມະຫາຊົນທີ່ຂຶ້ນກັບສະຫະພັນກຳມບານແຂວງສະຫັວນນະເຂດ, ເປັນເສນາທິການໃຫ້ ສະພາປະຊາຊົນແຂວງ ແລະ ເປັນອົງການທີ່ຕິດພັນໃນການປະຕິບັດຫນ້າທີ່ເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນລາວບັນດາເຜົ່າ,ເປັນອົງການອຳນາດລັດຂັ້ນທ້ອງຖິ່ນ ປະຕິບັດພາລະບົດບາດພິຈາລະນາ ແລະຮັບຮອງເອົານິຕິກຳທີ່ສຳຄັນຂອງທ້ອງຖິ່ນ,ຕົກລົງບັນຫາພື້ນຖານຂອງທ້ອງຖິ່ນ ແລະ ຕິດຕາມກວດກາການເຄົາລົບ, ປະຕິບັດລັດທະທຳມະນູນ, ກົດຫມາຍ ແລະ ນິຕິກຳໃຕ້ກົດຫມາຍເຖິງແມ່ນວ່າການເຄື່ອນໄຫວວຽກງານວິຊາສະເພາະພົບຄວາມຫຍຸ້ງຍາກ ການຂະຫຍາຍຕົວດ້ານເສດຖະກິດ-ສັງຄົມຜັນແປຢ່າງໄວວາມີທັງສີ່ງເອື້ອຍອຳນວຍຄວາມສະດວກ ແະລ ສິ່ງທ້າສທາຍຫັ້ນປ່ຽນໂດຍສັນຕິດວ້ຍຫລາຍຮູບການແຕ່ພວກເຮົາກໍ່ໄດ້ ອົດທົນ ສູ້ຊົນ ເຊີດຊູນ້ຳໃຈຮັກຊາດ ເຊື່ອໝັ້ນຕໍ່ການນໍາພາຂອງພັກຢ່າງສະເຫມີຕົ້ນ ສະເຫນີປາຍຈົນສາມາດຍາດໄດ້ຜົນງານໃນຫລາຍດ້ານເປັນຕົ້ນ ວຽກງານໂຄສະນາສຶກສາອົບຮົມການເມືອງແນວຄິດ,ວຽກງານຈັດຕັ້ງ ແລະ ກໍ່ສ້າງພະນັກງານ, ວຽກງານປົກປ້ອງແຮງງານ ແລະ ກອງທຶນ,ວຽກງານຂະບວນການ ແລະ ວຽກງານວິຊາສະເພາະອື່ນໆ ກຳມະບານຮາກຖານ ສະພາປະຊາຊົນແຂວງປະກອບມີຄະນະບໍລິຫານງານ 4 ສະຫາຍ,ມີ 6 ຫນ່ວຍທີ່ຂຶ້ນກັບຮາກຖານ,ມີສະມາຊິກທັງຫມົດ68 ສະຫາຍ,ຍິງ33 ສະຫາຍ.

ໃນໄລຍະ 3 ປີຜ່ານມາ ກົງຈັກການຈັດຕັ້ງໄດ້ຮັບການປັບປຸງຢ່າງຕໍ່ເນື່ອງຕາມທິດຊີ້ນຳຂອງຄະນະພັກຮາກຖານເພື່ອເຮັດໃຫ້ການຈັດຕັ້ງມີຄວາມເຂັ້ມແຂງ ແລະ ສອດຄ່ອງກັບສະພາບການຂະຫຍາຍຕົວເສດຖະກິດ-ສັງຄົມແຕ່ລະໄລຍະຄື:ໄດ້ຊັບຊອນພະນັກງານກໍ່ຄືສະມາຊິກກຳມະບານເຂົ້າໃນແຕ່ລະວຽກງານຂອງສະພາປະຊາຊົນແຂວງເພື່ອປະຕິບັດຫນ້າທີ່ວຽກງານວິຊາສະເພາະ.

ຈາກນັ້ນໃນພິທີກໍ່ໄດ້ມອບໃບຍ້ອງຍໍບຸກຄົນດີເດັ່ນຂອງຄະນະພັກຮາກຖານສະພາປະຊາຊົນແຂວງແລະມອບໃບຢັ້ງຢືນ5ເປັນເຈົ້າ ພ້ອມ ທຸງໄຊ5ເປັນເຈົ້າເປັນຄັງັ້ທຳອິດສະໄໝທີ3 ຈາກນັ້ນໃນພິທີຍັງໄດ້ປ່ອນບັດເລືອກຕັ້ງເອົາຄະນະກຳມະບານຮາກຖານ ສະພາປະຊາຊົນແຂວງ ຊຸດໃຫມ່ ເຊິ່ງມີຜູ້ລົງສະຫມັກເລືອກຕັ້ງ 7ສະຫາຍ,ຍິງ3 ສະຫາຍໃນນັ້ນເລືອກເອົາ 5ສະຫາຍຜົນຈາກກອງປະຊຸມຄັ້ງປະຖົມມະລຶກເຫັນດີເລືອກເອົາສະຫາຍ ນາງ ແກ້ວວຽງໄຊ ຈັນສະໄໝເປັນປະທານອີກຊຸດໃໝ່, ສະຫາຍ ມອນເພັດ ສຸວັນທອນເປັນຮອງປະທານ, ສະຫາຍ ຂັນທອງ ຄົມທິລາດ ເປັນຮອງປະທານ ທັງເປັນປະທານກວດກາ.

ຈາກນັ້ນໃນພິທີກໍ່ໄດ້ມອບໃບຍ້ອງຍໍບຸກຄົນດີເດັ່ນຂອງຄະນະພັກຮາກຖານສະພາປະຊາຊົນແຂວງແລະມອບໃບຢັ້ງຢືນ5ເປັນເຈົ້າ ພ້ອມ ທຸງໄຊ5ເປັນເຈົ້າເປັນຄັງັ້ທຳອິດສະໄໝທີ3ໃຫ້ຮາກຖານກໍາມະບານ ສພຂແຂວງຕື່ມອີກ, ພ້ອມນັ້ນໃນພິທີກໍ່ຍັງໄດ້ຮັບຟັງຄຳເຫັນໂອ້ລົມເພື່ອເປັນທິດເຍືອງທາງຕໍ່ຄະນະກຳມະບານຮາກຖານຊຸດໃໝ່ຈາກ ສະຫາຍ ຄໍາຕັນ ສີໂພໄຊ ຮອງປະທານຄະນະບໍລິຫານງານສະຫະພັນກຳມະບານແຂວງອີກດ້ວຍ.

Medialaos