ພີທີມອບ -ຮັບ ໃບຢັ້ງຢືນໜ່ວຍພັກສູນການສືກສານອກໂຮງຮຽນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ຈັດຂື້ນຢ່າງເປັນທາງການໃນຕອນບ່າຍຂອງວັນທີ 25 ກຸມພາ 2021ນີ້ ທີ່ຫ້ອງປະຊຸມ ສູນການສຶກສານອກໂຮງຮຽນ ໂດຍການເຂົ້າຮ່ວມຂອງ ທ່ານ ຄຳພຽງ ຢາຈົງວ່າ ຮອງເລຂາພັກແຂວງ: ມີທ່ານ ສີມູນ ສີວົງໄຊ ເລຂາໜ່ວຍພັກ ສູນການສຶກສານອກໂຮງຮຽນ, ພ້ອມດ້ວຍຄະນະພັກແກເຊີນ ແລະ ສະມາຊິກພັກພາຍໃນໜ່ວຍເຂົ້າຮ່ວມຢ່າງພ້ອມພຽງ.

ພີທີແມ່ນໄດ້ຮັບຟັງການຜ່ານບົດສະຫຼູບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຜ່ານການຈັດຕັ້ງປະຕີບັດວຽກງານພັກຂອງສູນ ແມ່ນມີຫຼາຍດ້ານທີພົ້ນເດັ່ນ ແລະ ມີຫຼາຍດ້ານທີຈະຕ້ອງເອົາໃຈໃສ່ປັບປຸງແກ້ໄຂໃນຕໍ່ຫນ້າ, ຜົນງານດັ່ງກ່າວມັນໄດ້ສະແດງອອກຄື: ໄດ້ຮັບນາມມະຍົດເປັນຫນ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ໃຫ້ກຽດມອບໂດຍແມ່ນ ຄຳພຽງ ຢາຈົງວາ ຮອງເລຂາພັກແຂວງ ແລະ ຮັບໂດຍທ່ານ ສີມູນ ສີວົງໄຊ ເລຂາໜ່ວຍພັກສູນການສຶກສານອກໂຮງຮຽນ ພ້ອມດ້ວຍຄະນະພັກ ຮັບຢ່າງສົມກຽດ.

ໂອກາດດຽວກັນ ທ່ານ ຄຳພຽນຢາຈົ່ງວາ ຮອງເລຂາພັກແຂວງຍັງໄດ້  ເນັ້ນ ໃຫ້ຄະນະພັກ ແລະ ສະມາຊິກພັກໜ່ວຍພັກສູນການສຶກສານອກໂຮງຮຽນ ແຂວງອຸດົມໄຊ ໃຫ້ເອົາໃຈໃສ່ເຂົ້າໃນການສຶກສາອົບຮົມການເມືອງແນວຄິດໃຫ້ແກ່ສະມາຊິກພັກຢ່າງຕໍ່ເນື່ອງ, ຄົ້ນຄ້ວາລົງເລີກກ່ຽວກັບການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຍັງມີຫຼາຍດ້ານທີ່ຈະຕ້ອງໄດ້ເອົາໃຈໃສ່ຕື່ມອີກ ໂດຍສະເພາະແມ່ນໜ້າວຽກທີ່ໜ່ວຍພັກກຳລັງປະຕີບັດຢູ່ເຊັ່ນ: ການຍົກລະດັບທາງດ້ານພາສາຫວຽດນາມ, ພາສາອັງກິດ ແລະ ຍົກລະດັບທາງດ້ານວັດທະນະທຳ ໃຫ້ແກ່ພະນັກງານທະຫານຕຳຫຼວດ ລ້ວນແລ້ວແຕ່ແມ່ນພະນັກງານຫຼັກແຫຼ່ງໃນຂົງເຂດຕ່າງໆ ສະນັ້ນຕ້ອງໄດ້ສູ້ຊົນ ຊອກຮູ້ຮ່ຳຮຽນໃນວິຊາຕ່າງໆ ເພື່ອພັດທະນາຕົນເອງ ແລະ ກົມກອງໃຫ້ມີຄວາມກ້າວໜ້າ.

ພາບ-ຂ່າວ: ແສງອາທິດ