ມີດຍລາວແຂວງຈຳປາສັກ ສື່ມວນຊົນແຂວງຈຳປາສັກ ຂ່າວ-ພາບ: ສາທາລະນະສຸກເມືອງ ໃນວັນທີ 13 ພຶດສະພາ 2021 ສາທາລະນະສຸກເມືອງ ບາຈຽງຈະເລີນສຸກ ແຂວງຈຳປາສັກ ນຳໂດຍທ່ານ ດຣ ບຸນຊວງ ພັນທະນາໄລ ແລະ ທ່ານ ວັດທະນາ ຈັນທະລາສິນ ຄະນະຮອງການສາທາລະນະສຸກເມືອງ ພ້ອມທິມງານລົງເຄື່ອນໄຫວມອບຜ້າອັດປາກ-ດັງຈຳນວນ 1.500ອັນໃຫ້ແກ່ຄະນະກຳມະການຂັ້ນບ້ານໃນ15 ບ້ານເປົ້າໝາຍທີ່ຈະປະກາດເປັນບ້ານຢຸດຕິການຖ່າຍຊະຊາຍໃນທ້າຍປີ 2021 ເພື່ອໃຫ້ຄະນະກໍາມະການຮັກສາສຸຂະພາບຂັ້ນບ້ານລົງຊຸກຍູ້ໃຫ້ປະຊາຊົນມີສ່ວນຮ່ວມໃນວຽກງານຕ້ານແລະສະກັດກັ້ນພະຍາດໂຄວິດ-19 ຕິດພັນກັບການກະກຽມກໍ່ສ້າງວິດຖ່າຍ ແລະ ຖ່າຍໃສ່ວິດ ຊຶ່ງລວມມີ:

  1. ບ້ານແກ້ງເກ່ຍ, 2. ບ້ານສອງຄອນ, 3. ບ້ານທົ່ງທິງ, 4. ບ້ານໝາກແງວ, 5. ບ້ານໜອງຫົວຄວາຍ, 6. ບ້ານໜອງໃສ, 7. ບ້ານໂນນໄຊ, 8. ບ້ານສາມັກຄີໄຊ, 9. ບ້ານທົ່ງອຸດົມ, 10. ບ້ານຫຼັກ21, 11. ບ້ານຫຼັກ25, 12.ບ້ານສີຊຽງໃໝ່, 13. ບ້ານໂພນໄຊ, 14. ບ້ານໝື່ນຫຼວງ, 15. ບ້ານໜອງນໍ້າຂາວ ເຊິ່ງຜ້າອັດປາກ-ດັງທີ່ລົງມອບໃຫ້ບ້ານໃນຄັ້ງນີ້ແມ່ນໄດ້ຈາກການປະອບສ່ວນຂອງພະແນກສາທາລະນະສຸກແຂວງຈໍາປາສັກ ./.