ມີເດຍລາວແຂວງສາລະວັນ ໂດຍ: ກິນດາວັນ ອ້ວນນາຄູ ໃນວັນທີ 17 ພຶດສະພາ 2021 ຢູ່ທີ່ຫ້ອງວ່າການແຂວງສາລະວັນ ໄດ້ມີພິທີມອບ-ຮັບ ເງິນຊ່ວຍເຫຼືອເຂົ້າວຽກງານປ້ອງກັນ, ຕ້ານສະກັດກັ້ນການແຜ່ລະບາດຂອງພະຍາດໂຄວິດ-19 ໃຫ້ແຂວງສາລະວັນ ມູນຄ່າ 20,000,000 ກີບ ຮັບໂດຍ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຂັ້ນແຂວງ.

ໂອກາດດຽວກັນນັ້ນ ທ່ານ ກໍໄດ້ສະແດງຄວາມຮູ້ບຸນຄຸນ ແລະ ຂອບໃຈ ທີ່ທາງບໍລິສັດ ວຽງຈັນ ໂອໂຕມາເຊິນ ແອນ ໂຊລູເຊິນ ເອັນຈີນີລິງ ( Vientinane Automation and solution Enginecring (vase) ) ຫລື ບໍລິສັດ ຫ້ວຍກະເພີ ພາວເວີ ຈໍາກັດ ທີ່ມີຄວາມເປັນຫ່ວງເປັນໄຍ ໄດ້ໃຫ້ການສະໜັບສະໜູນທາງດ້ານປັດໃຈ ເພື່ອໝຸນໃຊ້ເຂົ້າໃນວຽກງານຄະນະສະເພາະກິດໂຄວິດ-19 ໃຫ້ທາງແຂວງສາລະວັນໃນຄັ້ງນີ້ດ້ວຍ.