ມີເດຍລາວແຂວງຈຳປາສັກ ຂ່າວ:ປັນຍາ ແກ້ວພິລົມ ຖວທເມືອງສຸຂຸມາ
ວັນທີ18 ພຶດສະພາ 2021ນີ້,ຄະນະສະເພາະກີດຂັ້ນເມືອງສຸຂຸມາຕ້ານການແຜ່ລະບາດພະຍາດໂຄວິດ-19 ນຳໂດຍ:ທ່ານ ສົມເພັດ ບຸດສະດີ ເລຂາພັກເມືອງ ເຈົ້າເມືອງໆສຸຂຸມາ ປະທານຄະນະສະເພາະກິດປ້ອງກັນແລະຕ້ານການລະບາດຂອງພະຍາດໂຄວິດ-19ຂັ້ນເມືອງ,ໄດ້ລົງພົບປະຢ້ຽມຢາມແລະຖາມຂ່າວພໍ່ແມ່ປະຊາຊົນພ້ອມທັງຜູ້ປະຕິບັດວຽກງານປ້ອງກັນຕາມຊາຍແດນ,ຈຸດກວດກາຄົນເຂົ້າ-ອອກບ້ານເຊື່ອມຕໍ່ໃສ່ເມືອງ,ມີປະທານກຸ່ມບ້ານ,ກຳລັງປກສ-ປກຊ,ອົງການຈັດຕັ້ງຂອງບ້ານແລະເລຂາພັກບ້ານເຂົ້າຮ່ວມ.

ການລົງຢ້ຽມຢາມຖາມຂ່າວໃນຄັ້ງນີ້ກໍ່ໄດ້ຮັບຟັງການລາຍງານສະພາບການຈັດຕັ້ງວຽກງານການປ້ອງກັນ,ຄວບຄຸມແລະສະກັດກັ້ນການແຜ່ລະບາດຂອງພະຍາດໂອວິດ19ໃນ 2ກຸ່ມບ້ານຄື:ກຸ່ມIປະກອບມີ9ບ້ານແລະກຸ່ມ2ມີ10ບ້ານ,ເຊີ່ງແຕ່ລະກຸ່ມກໍ່ໄດ້ໂຄສະນາໃສ່ໂທລະໂຄ່ງບ້ານເພື່ອໃຫ້ພໍ່ແມ່ປະຊາຊົນໃນ2ກຸ່ມບ້ານຮັບຮູ້ແລະມີຄວາມເຂົ້າໃຈເຖິງຜົນຮ້າຍຂອງພະຍາດໂຄວິດ-19 ແລະບັນດາການແຈ້ງການ ຄຳສັ່ງຕ່າງຂອງນາຍຍົກໂດຍສະເພາະຄຳສັ່ງເລກທີ15ຂອງນາຍຍົກ,ຄຳສັ່ງເລກທີ05ຂອງທ່ານເຈົ້າແຂວງ,ຄະນະພັກຮາກຖານກຸ່ມກໍ່ໄດ້ປະສານສົມທົບກັບກອງປະຕິບັດງານ205ທີ່ປະຈຳຢູ່ບ້ານໂຄກກ່ອງແລະບ້ານທ່າຫຼວງກຸ່ມ2,ກອງຮ້ອຍ524ປະຈຳຢູ່ເຂດບໍລິເວນຊາຍແດນທີ່ເຊື່ອມກັບໄທຄື:ບ້ານໃຫ່ຍຕົວເມືອງນ້ອຍໃນຊົນນະບົດບ້ານຫຽງ ກຸ່ມIຂອງເມືອງໄດ້ກວດກາຕາມຂອບເຂດຄວາມຮັບຜິດຊອບຂອງຕົນຢ່າງເປັນປົກກະຕິເພື່ອຫ້າມບຸກຄົນທີ່ລັກລອບເຂົ້າມາຕາມຊາຍແດນທີ່ຜິດກົດໝາຍສະນັ້ນທາງກຸ່ມບ້ານ,ບ້ານກໍ່ໄດ້ເອົາໃຈໃສ່ພ້ອມກັນປະຕິບັດຢ່າງເຂັ້ມງວດມີການຈັດເວນຍາມແຕ່ຈຸດບໍລິເວນຕ່າງໆການເຂົ້າ-ອອກບ້ານຕ້ອງມີໜັງສືຢັ້ງຢືນຂອງອຳນາດການປົກຄອງບ້ານແລະອອກຈາກເມືອງຕ້ອງມີໜັງສືຈາກຄະນະສະເພາະກິດຂັ້ນເມືອງ,

ໃນການປະຕິບັດໜ້າທີ່ວຽກງານຕ້ານພະຍາດໂຄວິດ-19ຂອງແຕ່ລະບ້ານໃນ2ກຸ່ມຜູ້ຕິດຕາມເວນຍາມກວດກາຄົນເຂົ້າ-ອອກແມ່ນມີຄວາມສະດວກແລະຂໍ້ຫຸ້ຍງຍາກຫຼາຍຢ່າງໂດຍສະເພາະປະຊາຊົນຈຳນວນນື່ງບໍ່ໃຫ້ຄວາມຮ່ວມມືໃນການປະຕິບັດວຽກງານຂອງເຈົ້າໜ້າທີ່ແລະງົບປະມານການໃຊ້ຈ່າຍເຂົ້າໃນວຽກງານດັ່ງກ່າວບໍ່ພຽງພໍ,ແລະຂໍ້ສະດວກແມ່ນປະຊາຊົນບາງພາກສ່ວນກໍ່ໃຫ້ຄວາມສຳຄັນ,ໃຫ້ການຮ່ວມມືເປັນຢ່າງດີ,

ທ່ານ ສົມເພັດ ບຸດສະດີ ເລຂາພັກເມືອງ ເຈົ້າເມືອງກໍ່ໄດ້ເນັ້ນໜັກໃຫ້ເລຂາຄະນະພັກຮາກຖານກຸ່ມບ້ານ,ອຳນາດການປົກຄອງບ້ານພ້ອມດ້ວຍເຈົ້າໜ້າທີ່ທຸກພາກສ່ວນທີ່ຮັບຜິດຊອບຕາມຂອບເຂດຊາຍແເດນໃຫ້ສືບຕໍ່ເຄື່ອນໂຄສະນາປະຊາສຳພັນເຜີຍແຜ່ຂໍ້ມູນຂ່າວສານໃຫ້ຄວາມຮູ້ສຸຂະສຶກສາໃຫ້ແກ່ຄະນະພັກ,ອຳນາດການປົກຄອງບ້ານ,ພໍ່ແມ່ປະຊາຊົນ,ນັກຮຽນ,ນັກສຶກສາແລະທຸກພາກສ່ວນໃນສັງຄົມໃນທົ່ວເມືອງສຸຂຸມາຕາມສະຖານທີ່ຕ່າງໆ,ຊົນນະບົດຫ່າງໄກສອກຫຼີກເພື່ອໃຫ້ເຂົາເຈົ້າມີຄວາມຮັບຮູ້ແລະເຂົ້າໃຈຢ່າງເລິກເຊີ່ງເຖິງຜົນຮ້າຍຂອງພະຍາດໂຄວິດ-19,ພ້ອມກັນເປັນຈິດນື່ງໃຈດຽວໃນການຕອບໂຕ້,ຮູ້ວິທີການປ້ອງກັນ,ໄພອັນຕະລາຍຂອງພະຍາດດັ່ງກ່າວແລະການຕິດຕາມຂ່າວຄາວຕ່າງໆກ່ຽວກັບພະຍາດໂຄວິດ-19ກໍ່ຕ້ອງເປັນຂ່າວທີ່ມີຂໍ້ມູນຄວາມຈິງ,ຕີຖອຍຈາກຂ່າວທີ່ບິດເບືອນໃສ່ຮ້າຍປ້າຍສີຕໍ່ການຊີ້ນຳຂອງລັດຖະບານ,ແລະຕິດຕາມການຖະແຫຼງຂ່າວຈາກຄະນະສະເພາະກິດຕ້ານການລະບາດຂອງພະຍາດໂຄວິດ-19ຢ່າງເປັນປົກກະຕິເພື່ອເຮັດພະຍາດໂຄວິດ-19ຫຼຸດນ້ອຍຖອຍລົງ.

ຈານນັ້ນກໍ່ໄດ້ມອບການຊ່ວຍເຫຼືອເປັນຕົ້ແມ່ນ:ຜ້າອັດປາກ,ອັດດັງ,ເຈວລ້າງມືແລະນໍ້າດື່ມຈຳນວນໜື່ງໃຫ້ແກ່2ກຸ່ມບ້ານໂດຍການກ່າວມອບຂອງທ່ານເຈົ້າເມືອງການກ່າວຮັບຂອງປະທານກຸ່ມບ້ານເພື່ອນຳໄປແຈກຢາຍໃຫ້ແກ່ບ້ານຕ່າງໆໃຫ້ທົ່ວເຖິງ.