ມີເດຍລາວແຂວງຜົ້ງສາລີ ( ພາບ – ຂ່າວ: ແສງຄຳ ສາລີວັນ )
ພິທີມອບຮັບ ໜ້າທີ່ລະຫ່ວາງ ທ່ານ ບົວທອງ ອູ່ແສງຄຳ ປະທານສະພາປະຊາຊົນແຂວງຜູ້ເກົ່າ ແລະ ທ່ານ ທອງສີ ເສົາສຸລິພົມ ປະທານສະພາປະຊາຊົນແຂວງຜົ້ງສາລີຜູ້ໃໝ່ ໄດ້ຈັດຂື້ນຢ່າງເປັນທາງການໃນຕອນເຊົ້າຂອງວັນທີ 18 ພືດສະພາ 2021 ນີ້, ຢູ່ຫ້ອງປະຊຸມຂອງສະພາປະຊາຊົນແຂວງຜົ້ງສາລີ ໂດຍການເຂົ້າຮ່ວມຂອງທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ, ມີບັນດາທ່ານກຳມະການປະຈຳພັກແຂວງ, ກຳມະການພັກແຂວງ, ຄະນະປະຈຳສະພາປະຊາຊົນແຂວງ, ບັນດາທ່ານປະທານຄະນະກຳມະການຕ່າງໆ, ພະແນການການ – ອົງການ ຕະຫຼອດຮອດພາກສ່ວນທີ່ກ່ຽວຂ້ອງເຂົ້າ.

ໃນພິທີ ທ່ານ ບົວທອງ ອູ່ແສງຄຳ ຮອງເລຂາພັກແຂວງ, ປະທານສະພາປະຊາຊົນແຂວງ ກໍ່ໄດ້ຂື້ນຜ່ານບົດບັນທືກມອບ – ຮັບ ວຽກງານໃນການຈັດຕັ້ງປະຕິບັດໃນໄລຍະທີ່ຜ່ານມາ ລະຫ່ວາງຜູ້ເກົ່າ ແລະ ຜູ້ໃໝ່, ພ້ອມກັນນັ້ນຮອງປະທານສະພາປະຊາຊົນແຂວງຜູ້ເກົ່າທັງສອງທ່ານກໍ່ໄດ້ຜ່ານບົດບັນທືກມອບຮັບໜ້າທີ່ ຜູ້ເກົ່າ ແລະ ຜູ້ໃໝ່, ນອກຈາກນີ້, ປະທານຄະນະກຳມະການເສດຖະກິດ, ແຜນການ ແລະ ການເງິນ, ປະທານຄະນະກຳມະການວັດທະນະທຳ – ສັງຄົມ ແລະ ບັນດາເຜົ່າ ຍັງໄດ້ຜ່ານບົດບັນທືກມອບຮັບໜ້າທີ່ ລະຫ່ວາງຜູ້ເກົ່າ ແລະ ຜູ້ໃໝ່ເຊັ່ນດຽວກັນ. ຈາກນັ້ນກໍ່ໄດ້ຮ່ວມກັນລົງນາມເຊັ້ນບົດບັນທືກມອບຮັບໜ້າທີ່ປະທານສະພາປະຊາຊົນແຂວງ ລະຫວ່າງ ທ່ານ ບົວທອງ ອູ່ແສງຄຳ ຮອງເລຂາພັກແຂວງ, ປະທານສະພາປະຊາຊົນແຂວງຜູ້ເກົ່າ ແລະ ທ່ານ ທອງສີ ເສົາສຸລິພົມ ຮອງເລຂາພັກແຂວງ, ປະທານສະພາປະຊາຊົນແຂວງຜົ້ງສາລີຜູ້ໃໝ່ ແລະ ເຊັນມອບ – ຮັບໜ້າທີ່ ຂອງຄະນະກຳມະການເສດຖະກິດ, ແຜນການ ແລະ ການເງິນ ລະຫ່ວາງທ່ານ ສີສຸພັນ ແສນຍອດ ປະທານຄະນະກຳມະການເສດຖະກິດ, ແຜນການ ແລະ ການເງິນ ຜູ້ເກົ່າ ແລະ ທ່ານ ນາງ ຈັນມະນີ ດວງຜາສຸກ ປະທານຄະນະກຳມະການເສດຖະກິດ, ແຜນການ ແລະ ການເງິນ ຜູ້ໃໝ່. ໂດຍຊ່ອງໜ້າຈາກທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຄີພິຍານ.

ໃນໂອກາດທີ່ມີຄວາມໝາຍຄວາມສຳຄັນນີ້, ທ່ານ ຄຳຜອຍ ວັນນະສານ ເຈົ້າແຂວງໆໆຜົ້ງສາລີ ກໍ່ໄດ້ມີຄຳເຫັນໂອລົມຕໍ່ພິທີ ເຊີ່ງກ່ອນອື່ນທ່ານ ກໍ່ໄດ້ກ່າວສະແດງຄວາມຍ້ອງຍໍຊົມເຊີຍ ມາຍັງ ປະທານສະພາປະຊາຊົນແຂວງ, ຮອງປະທານສະພາປະຊາຊົນແຂວງ ແລະ ປະທານ ຄະນະກຳມະການເສດຖະກິດ, ແຜນການ ແລະ ການເງິນ ຜູ້ເກົ່າ ທີ່ມີຜົນງານຍາດມາໄດ້ໃນຫຼາຍດ້ານໃນໄລຍະທີ່ຜ່ານມາ. ພ້ອມກັນນີ້ທ່ານເຈົ້່ແຂວງຍັງໄດ້ຮຽກຮ້ອງໃຫ້ປະທານ – ຮອງ ປະທານສະພາປະຊາຊົນແຂວງ ແລະ ປະທານ ຄະນະກຳມະການເສດຖະກິດ, ແຜນການ ແລະ ການເງິນ ຜູ້ໃໝ່ ຈົ່ງພ້ອມກັນ ສືບຕໍ່ເຊື່ອມຊື່ມກຳແໜ້ນບັນດານິຕິກຳ, ກົດໝາຍຕ່າງໆ ທີ່ກ່ຽວຂ້ອງກັບວຽກງານສະພາ ໃຫ້ຫຼາຍຂື້ນ, ເອົາໃຈໃສ່ໃນການຕິດຕາມກວດກາການຈັດຕັ້ງປະຕິບັດບັນດາໂຄງການຕ່າງໆ ຫຼື ການປະຕິບັດແຜນພັດທະນາເສດຖະກິດ – ສັງຄົມ ຂອງແຂວງໃຫ້ເລີກເຊີ່ງ, ສືບຕໍ່ປັບປຸງບັນດາກົງຈັກ, ແບບແຜນວິທີເຮັດວຽກພາຍໃນສະພາປະຊາຊົນແຂວງໃຫ້ມີບາດກ້າວໃໝ່ ແລະ ດີຂື້ນເທື່ອລະກ້າວ.