ມີເດຍລາວແຂວງຈຳປາສັກ ພາບ-ຂ່າວ: ຖວທ ປະທຸມພອນ.
ໃນວັນທີ 18 ພຶດສະພາ 2021 ຄະນະສະເພາະກິດປ້ອງກັນ,ຄວບຄຸມພະຍາດໂຄວິດ-19 ຂັ້ນເມືອງ ລົງມອບເຄື່ອງອຸປະໂພກ, ບໍລິໂພກ ໃຫ້ຈຸດດ່ານກວດກາຄົນເຂົ້າ-ອອກ ຂອງເມືອງປະທຸມພອນຄື: ຈຸດກວດກາວັດແທກອຸນຫະພູມ ຫຼັກ 16 ແລະ ຈຸດບ້ານບຸ່ນ, ສູນກັກກັນ ຫຼັກ 36, ຈຸດກັນກອງ ໂຮງຮຽນ ມສ ປະທຸມພອນ, ເຄື່ອງທີ່ນຳມາມອບມີ ຜ້າປິດປາກ-ດັງ, ນໍ້າດື່ມ, ໝີ່ໄວໆ, ເຈວລ້າງມື,

ພ້ອມກັນນັ້ນ ຄະນະສະເພາະກິດຂັ້ນເມືອງ ຍັງໄດ້ເຂົ້າຢ້ຽມຢາມຖາມຂ່າວໄຫ້ກຳລັງໃຈ ໂອ້ລົມຕໍ່ພະນັກງານ ແລະ ເຈົ້າໜ້າທີ່ໆປະຈຳການປະຕິບັດໜ້າທີ່ຢູ່ສູນກັກກັນຫຼັກ21 ໃຫ້ເອົາໃສ່ໃຈເຂັ້ມງວດຕື່ມໃນການປະຕິບັດໜ້າທີ່ດ້ວຍຄວາມຮັບຜິດຊອບສູງ ໂດຍສະເພາະແມ່ນ 3 ຍຸດທະສາດ 2 ລະວັງຂອງວຽກງານສາທາລະນະສຸກ ເຊິ່ງໃຫ້ກຽດໂອ້ລົມຂອງທ່ານສີທະນົນໄຊ ສີສະຫວ່າງວົງ ຫົວໜ້າຫ້ອງການສາທາລະນະສຸກເມືອງປະທຸມພອນ.