ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັນຂ່າວເມືອງ
ວັນທີ 20 ພຶດສະພາ 2021 ຄະນະສະເພາະກິດປ້ອງກັນ,ຄວບຄຸມສະກັດກັ້ນການລະບາດຂອງພະຍາດໂຄວິດ-19 ຂັ້ນແຂວງ-ເມືອງ ປຶກສາຫາລືຕິດຕາມກວດກາຊຸກຍູ້ຈັດສັນຕະຫຼາດຫຼັກ8(ບ້ານຫົວແຊ) ໂດຍໃຫ້ກຽດເປັນປະທານຂອງທ່ານ  ປອ  ຄໍາກິ່ງແກ້ວ ປັດທໍາມະວົງ ຮອງເຈົ້າເມືອງບາຈຽງຈະເລີນສຸກ ,ທ່ານ ດຣ ລັດສະໝີ ສີພັນ ພະແນກສາທາລະນະສຸກແຂວງຈໍາປາສັກ ມີບັນທ່ານ ຄະນະສະເພາະກິດຂັ້ນແຂວງ-ຂັ້ນເມືອງ ,ຄະນະພັກຮາກຖານກຸ່ມ,ອໍານາດການປົກຄອງບ້ານ,ຜູ້ອໍານວຍການບໍລິຫານຕະຫຼາດຫຼັກ8ເຂົ້າຮ່ວມ

ຈຸດປະສົງເພື່ອປະຕິບັດຕາມທິດຊິ້ນໍາຂອງທ່ານ ຮອງເຈົ້າແຂວງຈໍາປາສັກ ,ຫົວໜ້າຄະນະສະເພາະກິດ ສະກັດກັ້ນ,ຄວບຄຸມການລະບາດຂອງພະຍາດໂຄວິດ-19 ແຂວງຈໍາປາສັກ ນັ້ນຄະນະສະເພາະກິດຂັ້ນແຂວງ-ເມືອງໄດ້ສົມທົບກັນລົງກວດກາຊຸກຍູ້ໃນການກະກຽມຄວາມພ້ອມແລະຄວາມເປັນໄປໄດ້ໃນການຈັດສັນຕະຫຼາດດັ່ງກ່າວຄືນໃໝ່ ເພື່ອຮອງຮັບໃນການເປີດບໍລິການຊື້-ຂາຍເປັນປົກກະຕິໃນໄວໆນີ້ ຈາກນັ້ນຂະແໜງການທີ່ກ່ຽວຂ້ອງໄດ້ປະກອບຄໍາຄິດເຫັນໂດຍເຫັນດີເປັນເອກກະພາບໃຫ້ບໍລິສັດແສງຈະເລີນປະຕິບັດຕາມມາດຕະການຂອງຄະນະສະເພາະກິດວາງອອກຢ່າງເຂັ້ມງວດ ໂດຍສະເພາະແມ່ນໝັ່ນຂ້າເຊື້ອ ເຮັດອະນາໄມສະຖານທີ່ໃຫ້ສະອາດແລະເປັນລະບຽບຮຽບຮ້ອຍ,ໃຊ້ຜ້າອັດປາກ-ອັດດັງ,ເວັ້ນໄລຍະຫ່າງເຊີ່ງກັນແລະກັນ ,ແຕ່ລະຮ້ານໃຫ້ມີເຈວລ້າງມືທຸກໆຮ້ານເປັນປະຈຳ./.