ວັນທີ 26 ພຶດສະພາ 2021 ອົງການ ຣູມທູຣີດ (Room to read) ປະຈຳລາວທີ່ນະຄອນຫຼວງວຽງຈັນ ໄດ້ມອບເຄື່ອງຊ່ວຍເຫຼືອວັດຖຸອຸປະກອນ ຜ້າປິດປາກ-ດັງ ຈຳນວນ 270ກັບ, ເຈວລ້າງມື 94 ກ້ອງ, ເຫຼົ້າ 90 ຈຳນວນ 25 ຕຸກ ແລະ ສະບູຈຳນວນ 500 ກ້ອນ ລວມມູນຄ່າ ທັງໝົດ 12,047,000 ກີບ ໃຫ້ແກ່ໂຮງຮຽນສາມັນກິນນອນຊົນເຜົ່າອຸດົມໄຊ, ມສ ເມືອງແບງ, ມສ ນາແມດ ແລະ ມຕ ໂພນໄຊ ໃນນີ້ ໂຮງຮຽນສາມັນກິນນອນຊົນເຜົ່າແມ່ນຮັບການຊ່ວຍເຫຼືອ ຜ້າປິດປາກ-ດັງ ຈຳນວນ 100 ກັບ, ເຈວລ້າງມື 20ກ້ອງ, ເຫຼົ້າ 90 ຈຳນວນ 10 ຕຸກ ແລະ ສະບູ 500 ກ້ອນ ລວມມູນຄ່າ 5,190,000 ກີບ, ຕ່າງໜ້າທາງອົງການ ຣູມມູຣີດ ຂື້ນກ່າວມອບໂດຍ ທ່ານ ນາງ ສຸດຕະພອນ ສິດທິຜົນ ຢູ່ບ້ານວຽງສາ, ເມືອງ ໄຊ, ແຂວງອຸດົມໄຊ ແລະ ເປັນກຽດຂື້ນກ່າວຮັບໂດຍ ທ່ານ ສົມຈັນ ພົນທະສິດ ຜູ້ອຳນວຍການໂຮງຮຽນ.


ຕໍ່ກັບກັບນ້ຳໃຈອັນປະເສີດ, ຄຸນງາມຄວາມດີ, ຄວາມສາມັກຄີ ຂອງພວກທ່ານ ດັ່ງກ່າວນີ້ ທາງໂຮງຮຽນພວກຂ້າພະເຈົ້າ ຂໍຂອບໃຈເປັນຢ່າງສູງ, ອວຍພອນໃຫ້ທຸກທ່ານຈົ່ງປະສົບຜົນສຳເລັດອັນຍິ່ງໃຫຍ່ ແລະ ຈົດຈຳສັນລະເສີນຄຸນງາມຄວາມດີໄວ້ຕະຫຼອດໄປ.

📸ພາບ ແລະ ຂ່າວໂດຍ: Khamlai Tahap