ມີເດຍລາວແຂວງສາລະວັນ ພາບຂ່າວ: ສິດຕາ ເພັດວົງສາ ໃນວັນທີ 8 ມິຖຸນາ 2021 ນີ້ ທ່ານ ໂພໄຊ ໄຊຍະສອນ ເຈົ້າແຂວງໆສາລະວັນ, ທ່ານ ຈັນສີລອນ ສີສົມບູນ ເຈົ້າເມືອງໆສາລະວັນ ແລະບໍລິສັດຜູ້ຮັບເໝົາກໍ່ສ້າງ ແລະພາກສ່ວນຕ່າງທທີ່ກ່ຽວຂ້ອງໄດ້ລົງຕິດຕາມເບີ່ງໂຄງການກໍ່ສ້າງຝາມໄຊ ແລະໂຄງການກໍ່ສ້າງກັນຕະຝັ່ງເຈື່ອນ ຢູ່ແຄມຝັ່ງເຊໂດນ ເມືອງສາລະວັນ, ຈຸດ ບ້ານເຕົ້າປູນ

ຜ່ານມາໂຄງການີ້ແມ່ນໄດ້ລົງມືຈັດຕັ້ງປະຕິບັດໄປແລ້ວໄດ້ພຽງປະມານ 80% ແຕ່ໂຄງການໄດ້ຮັບຜົນກະທົບ ຍ້ອນສະພາບນໍ້າຖວມໃນປີ 2019, ເຮັດໃຫ້ໂຄງການດັ່ງກ່າວເສຍຫາຍດັ່ງນັ້ນຈິ່ງໄດ້ສືບຕໍ່ເລີ້ມລົງມືຈັດຕັ້ງປະຕິບັດຄືນໃໝ່ເປັນໂຄງການສືບຕໍ່ ໃນນັ້ນໂຄງການກໍ່ສ້າງຝາມໄຊມີມູນການກໍ່ສ້າງ 1 ຕື້ 600 ລ້ານກວ່າກີບ, ຈຳນວນ 1 ຫຼັງ, ຂະໜາດ 19,5×23,5 ແມັດ, ໂຄງສ້າງເຮັດເບຕົງເສີມເຫຼັກ, ມຸງດ້ວຍຊີເເພັກ ແລະໂຄງສ້າງຕະຝັ່ງເຈື່ອນເປັນໂຄງສ້າງເຮັດດ້ວຍ ເບຕົງເສີມເຫຼັກ ມີຄວາມຍາວ 200 ກ່ວາແມັດ, ການກໍ່ສ້າງຈະໃຫ້ສຳເລັດພາຍໃນ 3 ເດືອນ, ເລີ່ມແຕ່ເດຶອມິຖຸນາ ຫາເດຶອນສິງຫາ ປີ2021 ໃຫ້ສຳເລັດເປັນໂຄງການລົງທຶນຂອງລັດຮັບເໜົາກໍ່ສ້າງໂດຍບໍລິສັດກຸ່ມຄຳໄພຊະນະກໍ່ສ້າງຈຳກັດຜູ້ດຽວ

ທ່ານ ບົວແພງເພັດ ໂພໄຊ ຫົວໜ້າພະແນກໂຍທາທິການ ແລະຂົນສົ່ງແຂວງສາລະວັນໄດ້ໃຫ້ສຳພາດວ່າ:ໂຄງການກໍ່ສ້າງຕະຟັງເຈື່ອນຜ່ານມາແມ່ນມີ 3 ໄລຍະ, ໄລຍະທີ 1 ແມ່ນສຳເລັດ 100%, ສ່ວນໄລຍະທີ 2 ແລະທີ 3 ແມ່ນຍັງບໍ່ທັນສຳເລັດ ແລະຕົກມາໄລຍະລະດູຝົນປີທີ່ຜ່ານມາໄດ້ເຮັດໃຫ້ໂຄງການດັ່ງກ່າວໄດ້ຮັບຜົນກະທົບ ແລະເສຍຫາຍຈາກໄພພິບັດທາງທຳມະຊາດ, ເຊິ່ງມີຝາມໄຊ ແລະກັນເຈື່ອນໄດ້ຮັບຜົນກະທົບເສຍຫາຍຈາກໄພທຳມະຊາດປະມານ200 ກວ່າເມັດ ພາຍຫຼັງທີ່ໄດ້ເກີດຜົນກະທົບ ແລະເສຍຫາຍແລ້ວກໍ່ໄດ້ນຳສະເໜີຕໍ່ພາກສ່ວນທີ່ກ່ຽວຂ້ອງ ເພື່ອຂໍງົບປະມານມາສ້ອມແປງ ແລະພື້ນພູຊຶ່ງໃນສົກປີ 2021 ໄດ້ຮັບເງິນງົບປະມານທັງໝົດ 10 ຕື້ກວ່າກີບເພື່ອນໍາໄປຟື້ນຟູ ແລະສ້ອມແປງ