ມີເດຍລາວແຂວງບໍ່ແກ້ວ ກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນແຂວງຄຸ້ມຄອງພະແນກ ຖະແຫຼງຂ່າວ ວັດທະນະທຳ ແລະ ທ້ອງທ່ຽວ ແຂວງບໍ່ແກ້ວ ແຕ່ປີ 2021-2025 ໄດ້ມີຂື້ນໃນວັນທີ 10 ມິຖຸນາ 2021 ນີ້ຢູ່ທີ່ຫໍວັດທະນະທຳແຂວງໂດຍການ ເປັນປະທ່ານຂອງ ປອ ສົມຄິດ ວົງປັນຍາ ກຳມະການພັກແຂວງ ຫົວໜ້າພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວແຂວງ ເປັນກຽດເຂົ້າຮ່ວມຂອງທ່ານ ເພັງສອນ ແກ້ວວິໄລ ຮອງເລຂາພັກແຂວງ ຜູ້ຊີ້ນຳຂົງເຂດຈັດຕັ້ງພັກ-ພະນັກງານ,ທ່ານ ນາງ ຂັນທະລີ ພົມຢ້ຽມ ຮອງຫົວໜ້າກົມຈັດຕັ້ງພັກ-ພະນັກງານ ກະຊວງ ຖະແຫຼງຂ່າວວັດທະນະທຳ ແລະ ທ່ອງທ່ຽວ, ມີຫົວໜ້າ-ຮອງຫົວໜ້າພະແນກການ, ຄະນະຮັບຜິດຊອບຂອງແຂວງເຂົ້າຮ່ວມ.

ທ່ານ ຮອງເລຂາພັກແຂວງ ໄດ້ມີຄຳເຫັນ ຊີ້ນຳຮຽກຮ້ອງໃຫ້ຄະນະພັກ ຄະນະພະແນກ ພະນັກງານທຸກຂະແໜງການຈົ່ງພ້ອມກັນກຳແໜັນພາລະບັດບາດສິດໜ້າທີຂອງການສ້າງແຜນກຳນົດພະນັກງານນຳພາ-ຄຸ້ມຄອງ ການກຳນົດຕ້ອງມີເພດມີເຜົ່າ,ເປັນບຸກຄົນທີມີຄວາມຮູ້ຄວາມສາມາດ, ມີວິໄສທັດອັນກ້ວາງໄກ, ມີຫົວຄິດປະດິດສ້າງ, ມີການເມືອງໜັກແໜັນ,ມີຄວາມຈົງຮັກພັກດີ, ມີມະນຸດສຳພັນດີ, ມີຄວາມຈູບຈາວຫ້າວຫັນ, ມີຄວາມເສຍສະຫຼະ ,ຮັບຜິດຊອບສູງຕໍ່ການມອບໝາຍ.ມີແນວຄິດກໍ່ສ້າງມະຫາຊົນ.ອື່ນໆ.
ປອ ສົມຄິດ ວົງປັນຍາ ກຳມະການພັກແຂວງ ຫົວໜ້າພະແນກ ຖະແຫຼງຂ່າວ ວັດມະນະທຳແລະ ທ່ອງທ່ຽວແຂວງ ໄດ້ຜ່ານມະຕິ ຂອງກົມການເມືອງສູນກາງພັກ ເລກທີ 032/ກມສພ ລົງວັນທີ 3 ມັງກອນ 20218 ວ່າດ້ວຍ ວຽກງານສ້າງແຜນກຳນົດພະນັກງານນຳພາ-ຄຸ້ມຄອງ ຈາກນັ້ນ ທ່ານ ແກ້ວລາ ນໍລະສິງ ຮອງຫົວໜ້າ ຄະນະຈັດຕັ້ງແຂວງໄດ້ຜ່ານມະຕິ ຂອງກົມການເມືອງສູນກາງພັກ ເລກທີ 030/ກມສພ ລົງວັນທີ 3 ມັງກອນ 20218 ວ່າດ້ວຍ ມາດຕະຖານພະນັກງານນຳພາ-ຄຸ້ມຄອງ, ຈາກນັ້ນ ຄະນະຮັບຜິດຊອບກໍ່ໄດ້ແຈກຢາຍແບບຟອມທາບທາມໃນຮອບທໍາອິດ ແລະ ແນະນຳວິທີຂີດບັດທາບທາມ, ສໍາລັບການສ້າງແຜນກຳນົດພະນັກງານນຳພາ-ຄຸ້ມຄອງແມ່ນຈະແບ່ງອອກເປັນ 3 ຮອບ,ຕາມລະບຽບການ.

ການສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນແຂວງຄຸ້ມຄອງແຕ່ປີ 2021-2025 ເພື່ອເລືອກເຟັ້ນສ້າງແຜນກຳນົດ. ກໍ່ສ້າງ, ບຳລຸງ, ຕີລາຄາ, ຊັບຊ້ອນ, ແລະ ການຄາດຄະເນເປົ້າໝາຍພະນັກງານທີ່ຈະຈັດວາງເຂົ້າໃນຕຳແໜ່ງນຳພາ-ຄຸ້ມຄອງແຕ່ລະຂັ້ນ, ແຕ່ລະຂະແໜງການ, ແນ່ໃສ່ຮັບປະກັນລັກສະນະສືບທອດປ່ຽນແທນຕໍ່ເນື່ອງໃນສະເພາະໜ້າ ແລະ ຍາວນານ ທັງເປັນການກະກຽມບຸກຄະລາກອນໃນລັກສະນະເປີດກວ້າງ ເພື່ອໃຫ້ມີແຫຼ່ງເລືອກເຟັ້ນພະນັກງານນຳພາ-ຄຸ້ມຄອງ ຕອບສະໜອງທາງດ້ານຈຳນວນ, ຄຸນນະພາບ, ໂຄງປະກອບບຸກຄະລາກອນໃຫ້ຄົບຊຸດ ຕາມຄວາມຮຽກຮ້ອງຕ້ອງການຂອງບັນດາຕຳແໜ່ງນຳພ-ຄຸ້ມຄອງແຕ່ລະຂັ້ນ, ແຕ່ລະຂະແໜງໃນລະບົບການເມືອງ.
ພາບ-ຂ່າວ: ຄຳພັນ ແກ້ວມະນີ