ມີເດຍລາວແຂວງບໍ່ແກ້ວ
ວັນທີ 11 ມີຖຸນານີ້,ທ່ານ ຈອມແພງ ວິໄລສານ ກຳມະການພັກແຂວງ ຫົວໜ້າ ພະແນກແຜນການ ແລະ ການລົງທຶນແຂວງ, ທ່ານ ແຟຣງ ຊິກມູນ ຫົວໜ້າທີ່ປຶກສາສາກົນປະຈຳແຜນງານ ລາວ/030 ແຂວງບໍ່ແກ້ວ. ອົງການພັດທະນາປະເທດລຸກຊຳບວກ ປະຈຳລາວ ພອມດ້ວຍຜູ້ປະ ສານງານ ໄດ້ນຳເອົາເຄື່ອງ ແລະ ມືອຸປະກອນການແພດ ຈຳນວນ 23 ລາຍການ ລວມມີ ອົກຊີແມັດ 20 ເຄື່ອງ.

ລໍ້ຍູ້ຊະນິດນັ່ງ 2 ອັນ,ລໍ້ຍູ້ຊະນິດນ້ອຍ 2 ອັນ,ຕຽງນອນຄົນເຈັບ 5 ໜ່ວຍ,ຖົງມືອະເຊື້ອ 500 ອັນ,ຖົງມືທຳມະດາ 1000 ອັນຜ້າຢາງປູຕຽງ 2 ຜືນ,ແອຮກໍຮໍ 75% ຈຳນວນ100 ກ່ອງ,ໝອນຊັບຢ່າງ 20 ໜ່ວຍ,ເຄື່ອງພົ່ນຂ້າເຊື້ອ 2 ເຄື່ອງ,ສັບໝອນຄົນເຈັບ 50 ອັນ,ໝອກເຈ້ຍ1000 ອັນ,ເຄື່ອງແທກຕັ້ງຊົງດີຈີຕອນ 20 ອັນ,ບາລອດດີຈີຕອນ 30 ອັນ,ບັ້ງອົກຊີ ຫົວ ພ້ອມອົກຊີ 10 ຖັງ,ເຈວເອຮກໍຮໍ 100 ກ່ອງ,ຜ້າຫົ່ມຄົນເຈັບ 10 ຜືນ,ຜ້າເສື່ອ 10 ຜືນ,ມຸ້ງ 30ຜືນ,ຜ້ຽປູຕຽງຄົນເຈັບ 50 ຜືນ, ໜ້າກາກ 100 ອັນ ແລະ ຖີ່ໃສ່ຂີ້ເຫຍື້ອຕິດເຊື້ອ 5 ໜ່ວຍ. ລວມມູນຄ່າທັງໝົດ 144 ລ້ານ ກວ່າກີບ ມອບໃຫ້ໂຮງໝໍແຂວງບໍ່ແກ້ວ ຮັບຂອງ ດຣ ຄຳສິນ ພົມມະຫານ ອຳນວຍການໂຮງໝໍແຂວງບໍ່ແກ້ວເຂົ້າຮ່ວມຂອງ ທ່ານ ຄຳຜະຫຍາ ພົມປັນຍາ ຮອງເຈົ້າແຂວງບໍ່ແກ້ວ ຫົວໜ້າ ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ -19. ທ່ານ ດຣ ບຸນຍາເວດ ວົງຄໍາຊາວ ຫົວໜ້າ ພະແນກສາທາລະນະສຸກແຂວງ, ມີບັນດາ ຮອງອໍານວຍການ,ຫ້ອງການ ແລະ ພະນັກງານວິຊາການແພດໝໍເຂົ້າຮ່ວມ.

ຫົວໜ້າ ຄະນະສະເພາະກິດແຂວງບໍ່ແກ້ວ ໄດ້ສະແດງຄວາມຂອບໃຈ ໃນຄວາມມີນ້ຳໃຈ ແລະ ຮູ້ບຸນຄຸນ ມາຍັງຜູ້ປະສານງານ ພະແນກແຜນການ-ການລົງທຶນແຂວງ,ຫ້ອງການສະໜັບສະໜູນແຜນງານ ລາວ 030 ກໍຄື ອົງການພັດທະນາປະເທດລຸກຊຳບວກ ປະຈຳລາວ ທີ່ໃຫ້ການສະໜັບສະໜູນ ຊ່ວຍເຫຼືອ,ໃນຄັ້ງນີ້, ສະນັ້ນ ທາງໂຮງໝໍຈະນຳໃຊ້ເຄື່ອງ ແລະ ອຸປະກອນດັ່ງກ່າວ ໃຫ້ຖືກເປົ້າໝາຍ ແລະ ໄດ້ຮັບຜົນປະໂຫຍດສູງສຸດ.ພ້ອມທັງມອບໃບຍ້ອງຂອງທ່ານເຈົ້າແຂວງບໍ່ແກ້ວ ໃຫ້ແກ່ຜູ້ທີ່ມີຜົນງານ ແລະ ຄຸນງາມ ຄວາມດີ ໃນການສະໜັບສະໜູນຊ່ວນເຫື່ອ ອຸປະກອນການແພດໃຫ້ໂຮງໝໍແຂວງບໍ່ແກ້ວຕື່ມອີກ.
ພາບ-ຂ່າວ: ຄຳພັນ ແກ້ວມະນີ.