ມີເດຍລາວແຂວງຜົ້ງສາລີ ( ແສງ ຄຳ ສາລີວັນ )
ໃນວັນທີ 14 ມິຖຸນາ 2021 ນີ້,ທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວໆແຂວງຜົ້ງສາລີ ປະທານປ້ອງກັນຊາດ-ປ້ອງກັນຄວາມສະຫງົບ ພ້ອມດ້ວຍຄະນະນຳຂັ້ນແຂວງ – ຂັ້ນເມືອງ ໄດ້ລົງເຄື່ອນໄຫວຢ້ຽມ ແລະ ພົບປະໂອ້ລົມ ພະນັກງານນັກຮົບກອງຮ້ອຍທະຫານຊາຍແດນ 116 ທີ່ຂື້ນກັບເມືອງໃໝ່.

ໂອກາດນີ້ກໍ່ໄດ້ຮັບການຕ້ອນຮັບຈາກຄະນະນຳ – ພະນັກງານນັກຮົບກອງຮ້ອຍທະຫານຊາຍແດນ 116 ພ້ອມທັງໄດ້ຮັບຟັງການລາຍງານສະພາບການເຄື່ອນໄຫວ ວຽກງານວີຊາສະເພາະ ຂອງກອງຮ້ອຍທະຫານຊາຍແດນ 116 ຈາກທ່ານ ພັນໂທ ສຸກ ສົມຫວັງ ເລຂາຫນ່ວຍພັກ ຫົວຫນ້າການທະຫານກອງຮ້ອຍຊາຍແດນ 116 ເຊີ່ງໃນໄລຍະຜ່ານມາຄະນະພັກ – ຄະນະບັນຊາ ໄດ້ເອົາໃຈໃສຖຶເອົາວຽກງານສຶກສາອົບຮົມ,ການເມືອງນໍາພາແນວຄິດເປັນກົ້ກ.ເພື່ອເຮັດໃຫ້ພະນັກງານ – ນັກຮົບໃນທົ່ວກົມກອງມີແນວຄິດໜັກແໜ້ນ.

ແລະ ເຊື້ອໝັ້ນຕໍ່ການນໍາພາຂອງພັກ ດ້ວຍການຈັດຕັ້ງປະຕິບັດ ຂໍ້ກຳນົດ, ກົດລະບຽບຂອງຂັ້ນເທີງກໍ່ຄືຂອງກົມກອງ ວ່າງອອກເປັນຕົ້ນແມ່ນ 7 ລະບອບ 18 ວຽກ ຂອງກອງທັບໄດ້ຢ່າງເຂັ້ມງວດ. ນອກຈາກນັ້ນແລ້ວ ໄດ້ຈັດຕັ້ງລະບົບ ປະຈຳການກ້ຽມພ້ອມສູ້ລົບ, ກ້ຽມພ້ອມຮັບມືຈາກທຸກເຫດການທີ່ຈະເກີດຂື້ນນັ້ນຢ່າງບໍ່ຂາດ ແລະ ຍັງໄດ້ສ້າງແຜນການລົງເຄື່ອນໄຫວຢູ່ໃນຂອບເຂດກົມກອງຮັບຜິດຊອບເປັນປະຈຳ.

ພ້ອມກັນນັ້ນຄະນະພັກ – ຄະນະບັນຊາກົມກອງຍັງໄດ້ຖືເອົາວຽກງານອົບຮົມການເມືອງ – ຫັດແອບການທະຫານ ພະລາທິການ-ເຕັກນິກຢ່າງເປັນປົກກະຕິ. ທະຫານຊາຍແດນ 116 ຕັ້ງຢູ່ຈຸດໃຈກາງຂອງກຸ້ມບ້ານໂພນໄຊ, ກຸ່ມບ້ານຫົວເມີກ, ກຸ່ມບ້ານນາລໍາ, ກອງຮ້ອຍ 116 ຫ່າງຈາກຕົວເມືອງ, ເມືອງໃໝ່ 50 ກິໂລແມັດ, ຮັບຜິດຊອບ 59 ຫຼັກໝາຍ ນັບແຕ່ຫຼັກ ໝາຍ 60 -119 ມີຄວາມຍາວເສັ້ນຊາຍແດນ 187,317 ກິໂລແມັດ ຕໍ່ກັບວຽກງານກວດກາຊາຍແດນ ແລະ ຫຼັກໝາຍຊາຍແດນ.ກອງຮ້ອຍ 116 ໄດ້ເອົາໃຈໃສດ້ວຍການປະຕິບັດຕາມ 4 ຫຼັກການ. 4 ຮູບການ ແລະ 6 ວິທີການຄຸ້ມຄອງຊາຍແດນ.ໄດ້ຖຶເອົາກຳລັງຂອງພະນັກງານ ລັກແລງ ລົງກວດກາບັນດາຫຼັກໝາຍ ແລະ ຂອບເຂດຊາຍແດນ ທີ່ກົມກອງຮັບຜິດຊອບ ດ້ວຍການສົມທົບກັບກຳລັງປະເທດເພື່ອນບ້ານເປັນປະຈຳ.

ໂອກາດນີ້, ທ່ານເຈົ້າແຂວງ ຍັງໄດ້ເນັ້ນໜັກໃຫ້ນາຍ ແລະ ພົນທະຫານກອງຮ້ອຍທະຫານຊາຍແດນ 116 ສືບຕໍ່ເອົາໃຈໃສ່ບາງດ້ານ ໂດຍສະເພາະແມ່ນ: ສືບຕໍ່ສືກສາອົບຮົບການເມືອງແນວຄິດໃຫ້ນາຍ ແລະ ພົນທະຫານຢ່າງຕໍ່ເນື່ອງ, ສືບຕໍ່ສ້າງພາລາທິການກັບທີ, ໃນການປູກ, ການລ້ຽງ, ເຮັດໃຫ້ກົມກອງກຸ້ມຢູ່ກຸ້ມກີນ, ສືບຕໍ່ຮໍ່າຮຽນເອົານໍ້າໃຈຮັກຊາດ, ນໍ້າໃຈພີລະອາດຫານ, ມູນເຊື້ອຂອງກອງທັບ ພ້ອມທັງເຊື່ອມຊຶມແນວທາງນະໂຍບາຍຂອງພັກ, ເອົາໃຈໃສ່ຝຶກແອບວິຊາສະເພາະໃຫ້ມີຄວາມຊໍານິຊໍານານ, ມີຄວາມພ້ອມໃນການສູ້ຮົບຢູ່ສະເໝີ ໂດຍສະເພາະສິນລະປະຍຸດ, ຍຸດທະວີທີ ແລະ ເຂັ້ມງວດໃນການປະຕິບັດລະບຽບວີໄນ, ມີການປຶກສາຫາລື, ແບ່ງງານ, ແບ່ງຄວາມຮັບຜິດຊອບ ສາມາດເຮັດຫຼ້ອນໜ້າທີ່ທີຂັ້ນເທິງມອບໝາຍໃຫ້ສໍາເລັດຕາມລະດັບຄາດໝາຍ ແນ່ໃສ່ເຮັດໃຫ້ປະເທດຊາດ ກໍ່ຄືແຂວງຜົ້ງສາລີ ລຽບຕາມຊາຍແດນມີຄວາມສະຫງົບສຸກໂດຍພຶ້ນຖານ.

ໂອກາດທີ່ ທ່ານເຈົ້າແຂວງພ້ອມຄະນະເຄື່ອນໄຫວພົບປະໂອ້ລົມ ກອງຮ້ອຍທະຫານຊາຍແດນ 116 ຢູ່ເມືອງໃໝ່ນີ້, ຍັງໄດ້ນຳເອົາ ວັດຖຸປັດໃຈຈຳນວນໝື້່ງເປັນຕົ້ນແມ່ນ, ໂທລະທັດ 1 ຊຸດ, ຊຸດກິລາຈຳນວນ 20 ຊຸດ , ອຸປະກອນກິລາຕ່າງໆ ແລະ ເງິນຈຳນວນໝື້່ງມອບໃຫ້ກອງຮ້ອຍທະຫານຊາຍແດນ 116 ຕື່ມອີກ.