ມີເດຍລາວແຂວງວຽງຈັນ ຂ່າວ: ອໍາພອນ.
ໃນຕອນເຊົ້າຂອງວັນທີ 24 ມິຖຸນາ 2021ນີ້ ຢູ່ທີ່ສະໂມສອຍຂອງ ເມືອງກາສີ ແກຂວງວຽງຈັນ ໄດ້ຈັດກອງປະຊຸຸມເຜີຍແຜ່ລະບຽບ ຂັ້ນຕອນການເປີດບັດຖອນເງີນສົດ ( ບັດເອທີເອັມ ATM ) ໃຫ້ແກ່ຄະນະພັກບ້ານໃນທົ່ວເມືອງທີ່ໄດ້ຮັບນະໂຍບາຍເງີນອຸດໜູນ ຂຶ້ນຢ່າງເປັນທາງການ ໂດຍການໃຫ້ກຽດເປັນປະທານຂອງທ່ານ ຄໍາອ້ວນ ສຸວັນທອງ ກໍາມະການພັກເມືອງ ຮອງເຈົ້າເມືອງໆກາສີ, ມີທ່ານ ໜູພາບ ອິນທະມາລີ ຫົວໜ້າຫ້ອງການພາຍໃນເມືອງກາສີ, ມີທ່ານ ປະກິດ ກອງນາມວົງ ຫົວໜ້າໜ່ວຍບໍລິການປະຈໍາເມືອງກາສີ ຂອງທະນາຄານການຄ້າຕ່າງປະເທດລາວ ມະຫາຊົນ, ມີບັນດາເລຂາຄະນະພັກກຸ່ມບ້ານ, ພະນັກງານວິຊາການທີ່ກ່ຽວຂ້ອງ ພ້ອມດ້ວຍເລຂາຄະນະພັັກບ້ານ-ນາຍບ້ານເຂົ້າຮ່ວມຢ່າງພ້ອມພຽງ.

ໃນໂອກາດນີ້ທ່ານ ຄໍາອ້ວນ ສຸວັນທອງ ຮອງເຈົ້າເມືອງໆກາສີ ກໍ່ໄດ້ໃຫ້ກຽດ ຂຶ້ນມີຄໍາເຫັນ ເຊີ່ງທ່ານໄດ້ກ່າວວ່າ ເພື່ອປະຕິບັດຕາມທິດຊີ້ນຳຂອງທ່ານເຈົ້າເມືອງໆກາສີ ກໍ່ຄືການສະເໜີຂອງທະນ່ຄ່ນກ່ນຄ້າຕ່າງປະເທດລາວ ມະຫາຊົນ( ໜ່ວຍບໍລິການເມືອງກາສີ ) ພ້ອມນັ້ນກໍ່ຍັງເປັນການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ສະນັ້ນຈຶ່ງໄດ້ອໍານວຍຄວາມສະດວກໃຫ່ແກ່ພະນັກງານຂັ້ນບ້ານ ໂດຍການເປີດບັນຊີ ເງີນສົດ( ບັດເອທີເອັມ ATM ) ໃຫ້ນາຍບ້ານ-ຄະນະບ້ານຜູ້ທີ່ໄດ້ຮັບເງີນອຸດໜູນ ບ້ວງງົບປະມານ ຂອງລັດ.

ເພື່ອເປັນການອຳນວຍຄວາມສະດວກໃນການຖອນເງີນສົດ, ການກວດເບີ່ງຍອດເງີນ ແລະ ບໍເສຍເວລາລໍຖ້າຄິວ ຫຼີກເວັ້ນການອັ່ງອໍແອອັດຂອງລູກຄ້າທີ່ໄປໃຊ້ບໍລິການຢູ່ໃນທະນາຄານ. ການເປີດບັດເອທີເອັມແມ່ນຈະບໍໄດ້ເສຍຄ່າທຳນຽມ ພ້ອມນັ້ນກໍຍັງລຸດຄ່າບໍາລຸງຮັກສາ ປະຈຳເດືອນ ພຽງແຕ່ 2.500 ກີບຕໍ່ເດືອນຕໍ່ບັດ. ຫຼັງຈາກນັ້ນ ທ່ານ ໜູພາບ ອິນທະມາລີ ຫົວໜ້າຫ້ອງການພາຍໃນເມືອງກາສີ ໄດ້ຂຶ້ນລາຍງານໂດຍຫຍໍ້ກ່ຽວກັບການເປີດຖອນເງີນສົດ ( ບັດເອທີເອັມ ATM ຂອງທະນາຄານການຄ້າ ຕ່າງປະເທດລາວໃຫ້ຄະນະບ້ານ – ນາຍບ້ານໃນທົ່ວເມືອງກາສີ ) ເຊີ່ງໃນປະຈຸບັນເມືອງກາສີມີ 50 ບ້ານ ແລະ ມີຄະນະພັກບ້ານທີ່ໄດ້ຮັບນະໂຍບາຍເງີນອຸດໜູນຈໍານວນ 168 ທ່ານ, ຍິງ 14 ທ່ານ.

ໃນນັ້ນມີເລຂາຄະນະພັກຮາກຖານຄວບຕໍາແໜ່ງນາຍບ້ານມີ 5 ທ່ານ, ເລຂາໜ່ວຍພັກຮາກຖານຄວບຕໍາແໜ່ງນາຍບ້ານ 41 ທ່ານ, ເລຂາໜ່ວຍພັກທີ່ບໍ່ຄວບຕໍາແໜ່ງນາຍບ້ານມີ 2 ທ່ານ, ຄະນະພັກຮາກຖານທີ່ຄວບຕໍາແໜ່ງເປັນນາຍບ້ານ 1 ທ່ານ, ຮອງເລຂາໜ່ວຍພັກທີ່ຄວບຕໍາແໜ່ງຮອງນາຍບ້ານມີ 1 ທ່ານ, ມີກໍາມະການໜ່ວຍພັກຮາກຖານທີ່ຄວບຕໍາແໜ່ງເປັນຮອງນາຍບ້ານ 1 ທ່ານ, ນາຍບ້ານທີ່ບໍ່ຄວບຕໍາແໜ່ງເບື້ອງພັກ 3 ທ່ານ ແລະ ມີຮອງນາຍບ້ານ 114 ທ່ານ, ໃນໜື່ງເດືອນໄດ້ຮັບເງີນອຸດໜູນທັງໝົດຈໍານວນ 52.830.000 ກີບ.

ຕໍ່ຈາກນັ້ນ ທ່ານ ປະກິດ ກອງນາມວົງ ຫົວໜ້າໜ່ວຍບໍລິການປະຈໍາເມືອງກາສີ ຂອງທະນາຄານການຄ້າຕ່າງປະເທດລາວ ມະຫາຊົນ ໄດ້ຂຶ້ນອະທິບາຍແນະນໍາກ່ຽວກັບຂັ້ນຕອນ, ວິທີການ ແລະ ບັນດາເງື່ອນໄຂການອອກບັດ ເອທີເອັມ, ຈາກນັ້ນຜູ້ເຂົ້າຮ່ວມກອງປະຊຸມກໍ່ໄດ້ມີການປະກອບຄໍາຄິດຄໍາເຫັນແລກ ປ່ຽນບົດຮຽນທາງດ້ານວິຊາການເຊີ່ງກັນ ແລະ ກັນ ເພື່ອສ້າງຄວາມເຂົ້າໃຈໃນການນໍາໃຊ້ບັດເອັມທີເອັມ.