ມີເດຍລາວແຂວງຫຼວງພະບາງ ຂ່າວ: ເມືອງຈອມເພັດ
ລະຫວ່າງວັນທີ 22-24 ມິຖຸນາ2021ນີ້ ທ່ານ ວົງສະຫວັນ ເທບພະຈັນ ຮອງເລຂາພັກແຂວງ ສະມາຊິກສະພາແຫ່ງຊາດ ປະທານສະພາປະຊາຊົນແຂວງຫຼວງພະບາງ ໄດ້ລົງເຜີຍແຜ່ຜົນສຳເລັດຂອງກອງປະຊຸມສະພາແຫ່ງຊາດຊຸດທີ່ lX ແລະ ຜົນສຳເລັດຂອງກອງປະຊຸມສະພາປະຊາຊົນ ແຂວງ ຫຼວງພະບາງ ຊຸດທີ່ llຢູ່ 5ບ້ານຂອງເມືອງ ຈອມເພັດ ຄື: ບ້ານ ປາກຫຼຶງ, ບ້ານ ໝອງຈອງ, ບ້ານ ປາກຫ້ວຍຄໍ, ບ້ານນາອ່າງ ແລະ ບ້ານຫ້ວຍທາກ ເຊິ່ງໃຫ້ກຽດນຳພາໃນການລົງເຜີຍແຜ່ຄັ້ງນີ້ໂດຍ ທ່ານ ບົວພັນ ອຸດົມສິນ ຮອງເລຂາພັກເມືອງ ຈອມເພັດ, ມີຜູ້ຮັບພິຊອບກຸ່ມບ້ານ, ພະນັກງານບຳນານ, ທິມງານຂອງແຂວງ, ຂອງເມືອງ, ເລຂາພັກ ບ້ານ ຕະຫຼອດຮອດປະຊາຊົນພາຍໃນບ້ານ 444ກວ່າຄົນຍິງ 240 ກວ່າຄົນເຂົ້າຮ່ວມຮັບຟັງ.

ໃນການລົງເຜີຍແຜ່ເອກະສານແຕ່ລະຈຸດ ເລຂາພັກບ້ານແຕ່ລະບ້ານໄດ້ຂຶ້ນລາຍງານສະພາບເສດຖະກິດ- ສັງຄົມຂອງບ້ານໂດຍຫຍໍ້ເຊິ່ງຍົກໃຫ້ເຫັນສະພາບສັງຄົມມີຄວາມສະຫງົບ ປອດໄພ, ເສດຖະກິດຄອບຄົວຂອງປະຊາຊົນພາຍໃນບ້ານໄດ້ຮັບການພັດທະນາຊຸກຍູ້ແລະ ສົ່ງເສີມຢ່າງຕັ້ງໜ້າ; ຈາກນັ້ນ, ທ່ານ ວົງສະຫວັນ ເທບພະຈັນ ໄດ້ເຜີຍແຜ່ມະຕິກອງປະຊຸມຄັ້ງປະຖົມມະລຶກຂອງສະພາແຫງຊາດຊຸດທີ lXທີ່ໄດ້ໄຂຂຶ້ນໃນລະຫວ່າງວັນທີ່ 22-26 ມິຖຸນາ 2021ທີ່ຫໍປະຊຸມແຫ່ງຊາດ ແລະ ເຜີຍແຜ່ເອກະສານເຊື່ອມຊືມມະຕິກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງ ຫຼວງພະບາງຊຸດທີ່ll ທີ່ໄຂຂຶ້ນໃນລະຫວ່າງວັນທີ່7-8 ເມສາ 2021 ທີ່ຫ້ອງວ່າການປົກຄອງແຂວງ ຫຼວງພະບາງ. ໂອກາດນີ້ ໄດ້ເປີດໂອກາດໃຫ້ຜູ້ເຂົ້າຮ່ວມ ສະເໜີບັນຫາຂໍ້ຂ້ອງໃຈ ແລະ ບັນຫາພື້ນຖານໂຄງລ່າງອື່ນໆ, ເຊີີ່ງທ່ານຈະນຳໄປຄົ້ນຄວ້າຮ່ວມກັບພາກສ່ວນກ່ຽວຂ້ອງ ແລະນຳສະເໜີໃນກອງປະຊຸມສະພາ ເພື່ອຫາວິທີແຫ້ໄຂໃຫ້ດີຂຶ້ນ.