ມີເດຍລາວແຂວງວຽງຈັນ ຂ່າວ: ຫ້ອງການ ຖ ວ ທ ເມືອງທຸລະຄົມ ພິທີດັ່ງກ່າວໄດ້ຈັດຂື້ນໃນຕອນເຊົ້າຂອງວັນທີ 28 ມີຖຸນາ 2021 ລວມມີ 8 ສູນສອບເສັງທົ່ວເມືອງ ຄື: ສູນສອບເສັງ ໂຮງຮຽນໄຊປັນຍາ ມີຈໍານວນນັກສອບເສັງ 319 ຄົນ, ຍິງ 167 ຄົນ, ສູນສອບເສັງ ໂຮງຮຽນໂພນງາມ ມີນັກສອບເສັງ 92 ຄົນ, ຍິງ 49 ຄົນ, ສູນສອບເສັງໂຮງຮຽນນາຫວ້າ ມີນັກສອບເສັງ 188 ຄົນ, ຍິງ 95 ຄົນ, ສູນສອບເສັງໂຮງຮຽນຕານປ່ຽວ ມີນັກສອບເສັງ 182 ຄົນ, ຍິງ 87 ຄົນ, ສູນສອບເສັງ ໂຮງຮຽນບຸ່ງພ້າວ ມີນັກສອບເສັງ 92 ຄົນ, ຍິງ 46 ຄົນ, ສູນສອບ ເສັງ ໂຮງຮຽນໂພງແພງ ມີນັກສອບເສັງ 57 ຄົນ, ຍິງ 23 ຄົນ, ສູນສອບເສັງ ໂຮງຮຽນວັງເຮືອ ມີນັກສອບເສັງ 96 ຄົນ, ຍິງ 44 ຄົນ, ສູນສອບເສັງ ໂຮງຮຽນພູເກົ້ານາງ ມີນັກສອບເສັງ 11 ຄົນ, ຍິງ 1 ຄົນ ລວມນັກຮຽນທີ່ສອບເສັງມີທັງໝົດ 1,037 ຄົນ, ຍິງ 512 ຄົນ, ໂດຍແບ່ງອອກເປັນ 46 ຫ້ອງ.

ການເປີດບັ້ນສອບເສັງຂຶ້ນໃນເທື່ອນີ້ ເພື່ອປະຕິບັດໃຫ້ໄດ້ຕາມຫລັກສູດການຮຽນ-ການສອນ ຂອງຫ້ອງການສຶກສາທິການ ແລະ ກິລາເມືອງທຸລະຄົມ ວາງອອກ, ໂດຍສະເພາະແມ່ນຂໍ້ແຂ່ງຂັນ ຂອງ 5 ຫລັກມູນ ແລະ 3 ລັກສະນະຂອງການສຶກສາ ທີ່ຂະແໜງສຶກສາທິການ ແລະ ກິລາ ກໍານົດໄວ້, ເຊິ່ງການນຳຂອງເມືອງໄດ້ເນັ້ນໜັກທີ່ສຸດໃຫ້ນັກ ຮຽນ-ຄູອາຈານ ຍົກສູງຄວາມຮັບຜິດຊອບຂອງຕົນ ເອົາໃຈໃສ່ປະຕິບັດມາດຕະການປ້ອງກັນພະຍາດໂຄວິດ 19 ຢ່າງເປັນເຈົ້າການ.

ໂອກາດດັ່ງກ່າວນີ້ ທ່ານ ນາງ ວົງເດືອນ ວັດຕະໂສ ກຳມະການພັກແຂວງ, ເລຂາພັກ, ເຈົ້າເມືອງທຸລະຄົມ ໄດ້ເປັນກຽດເຂົ້າຮ່ວມເປັນປະທານພິທີເປີດການສອບເສັງຢູ່ທີ່ໂຮງຮຽນປະຖົມ ບ້ານນາຫວ້າ, ສ່ວນອີກ 7 ສູນສອບເສັງແມ່ນໄດ້ມອບໝາຍໃຫ້ຄະນະນໍາເມືອງ, ຄະນະນຳຂອງຫ້ອງການສຶກສາທິການ ແລະ ກິລາເມືອງ ເຂົ້າຮ່ວມ ເປັນປະ ທານ ຊີ້ນໍາ-ນໍາພາ, ຕິດຕາມຊຸກຍູ້ ຮ່ວມກັບຄູອາຈານ, ຄະນະພັດ ທະນາການສຶກສາຂັ້ນບ້ານ ແລະ ພາກສ່ວນກ່ຽວຂ້ອງ ເພື່ອເຮັດໃຫ້ຜົນການສອບເສັງຊັ້ນປະຖົມສຶກສາ ສົກປີ 2020-2021 ທົ່ວເມືອງບັນລຸຜົນສໍາເລັດຕາມຄາດໝາຍວາງໄວ້.

ພ້ອມກັນນັ້ນ ທ່ານ ເຈົ້າເມືອງທຸລະຄົມ ຍັງໄດ້ໄປຊຸກຍູ້ຄອບ ຄົວປູກຜັກສະອາດໃນເຮືອນຮົ່ມຂອງກຸ່ມປູກຜັກຢູ່ບ້ານນາຫວ້າຕື່ມອີກ.