ມີເດຍລາວແຂວງໄຊສົມບູນ ຂ່າວ: ນູສົມລັດ ຕະມອງ ພິທີ ປິດຊຸດຝຶກອົບຮົມວິຊາຊ່າງຕັດຫຍິບ ຊຸດທີ V ແລະ ການຮຽນ-ການສອນພາສາຕ່າງປະເທດ ໄດ້ສໍາເລັດລົງ ໃນວັນທີ 30 ມິຖຸນາ 2021 ທີ່ສູນພັດທະນາວິຊາຊີບ ຂອງຄະນະບໍລິຫານງານຊາວໜຸ່ມແຂວງໄຊສົມບູນ, ໂດຍການເຂົ້າຮ່ວມເປັນປະທານ ຂອງທ່ານ ເລັ່ງຊົ່ງ ຕົ່ງສີ, ຄະນະປະຈຳພັກແຂວງ, ປະທານແນວລາວສ້າງຊາດ ແຂວງໄຊສົມບູນ, ມີທ່ານ ເຍ່ຍຊົ່ງ ຫວັງທ່າວ, ເລຂາຄະນະບໍລິຫານງານຊາວໜຸ່ມ ແຂວງ ຕະຫຼອດຮອດຄູຝຶກ, ນັກສຳມະນາກອນ ພ້ອມດ້ວຍນ້ອງນັກຮຽນ ແລະ ແຂກຖືກເຊີນເຂົ້າຮ່ວມ.

ໃນພິທີໄດ້ຮັບຟັ້ງການຜ່ານບົດສະຫລຸບການຝຶກອົບຮົມຊ່າງຕັດຫຍິບໃນໄລຍະ 3 ເດືອນ, ຊຸດທີ V ແລະ ການຮຽນ-ການສອນພານສາຕ່າງປະເທດໃນໄລຍະຜ່ານມາ ຈາກທ່ານ ເຍ່ຍຊົ່ງ ຫວັງທ່າວ, ເລຂາຄະນະບໍລິຫານງານຊາວໜຸ່ມ ແຂວງ, ຊຶ່ງໃນໄລຍະຝຶກອົບຮົມວິຊາຊີບການຕັດຫຍິບຄັ້ງນິ້ ແມ່ນເລີ່ມຈັດຕັ້ງປະຕິບັດ ແຕ່ວັນທີ່ 25 ມິນາ ຫາ ວັນທີ 25 ມິຖຸນາ 2021 ຊຶງໄດ້ນໍາເນີນມາເປັນເວລາ 90 ວັນ, ຮຽນວັນລະ 8 ຊົ່ວໂມງ, ຮຽນພາກທິດສະດີ 80 ຊົ່ວ ແມ່ນໄດ້ຮຽນກ່ຽວກັບການວັດແທກ, ແຕ້ມ, ວິທີຄິດໄລ່ໂສ້ງ, ເສື້ອ ແລະ ສິ້ນແຕ່ລະແບບ, ສໍາລັບພາກປະຕິບັດຕົວຈິງ ມີ 400 ຊົ່ວໂມງ, ໄດ້ຮຽນວິທີການຕັດ ແລະ ຫຍິບເປັນຕົ້ນ ປະເພດເສື້ອຄໍມົນ, ເສື້ອເຊີດ, ເສື້ອນຊັບຝະລີ, ສິ້ນຜູ້ຍິງ ແລະ ໂສ້ງຊາຍ,

ໃນນັ້ນ ມີສໍາມະນາກອນເຂົ້າຝຶກທັງໝົດ 12 ທ່ານ, ສໍາລັບການຮຽນ-ການສອນ ພາສາຕ່າງປະເທດຄື: ຮຽນພາສາຈີນ ແລະ ພາສາອັງກິດ ຂັ້ນພື້ນຖານແມ່ນເລີມຈັດຕັ້ງປະຕິບັດແຕ່ເດືອນ ມັງກອນ-ມິຖຸນາ 2021ນິ້; ມີນັກຮຽນທັງໝົດ 21 ນ້ອງ; ຊຶ່ງຜ່ານການຝຶກອົບຮົມພັດທະນາສີມືແຮງງານວິຊາຊີບເຕັກນິກການຕັດຫຍິບເສື້ອ-ຜ້າໄລຍະສັ້ນຄັ້ງນີ້ ນັກສໍາມະນາກອນສາມາດຮຽນໄດ້ສະເລ່ຍ 80% ຂອງຫລັກສູດທັງໝົດ ຊຶ່ງໄດ້ສະແດງອອກດັ່ງນີ້: ປະເພດຮຽນດີຮຽນເກັ່ງມີ 7 ທ່ານ, ປະເພດກາງ ມີ 4 ທ່ານ ແລະ ອ່ອນ 1 ທ່ານ; ສໍາລັບຜົນການຮຽນ-ການສອນພາສາອັງກິດທີ່ໄດ້ຮຽນຈົບຫຼັກສູດ 6 ເດືອນ ມີ 17 ນ້ອງ, ຍິງ 8 ນ້ອງ, ປະເພດຮຽນດີຮຽນເກັ່ງ 8 ນ້ອງ, ປະເພດກາງ 9 ນ້ອງ; ນ້ອງນັກຮຽນທີ່ຮຽນພາສາຈີນຈົບຫຼັກສູດ 6 ເດືອນມີ 4 ນ້ອງ, ໃນນັ້ນ ປະເພດຮຽນດີຮຽນເກັ່ງ 2 ນ້ອງ, ແລະ ປະເພດກາງ 2 ນ້ອງ;

ຈາກນັ້ນ ໄດ້ມີພິທີ ມອບ-ຮັບໃບຢັ້ງຢືນ ທີ່ສະແດງເຖີງຜົນສໍາເລັດການຝຶກອົບຮົມ ແລະ ໃບຍ້ອງຍໍ, ໃບຊົມເຊີຍ ໃຫ້ແກ່ບັນດານັກສໍາມະນາກອນ, ນັກວິທະຍາກອນແລະ ນ້ອງນັກຮຽນທີ່ຮຽນດີຮຽນເກັ່ງຕາມລໍາດັບຕື່ມອີກ. ໃນໂອກາດດັງກ່າວ ທ່ານ ເລັ່ງຊົ່ງ ຕົ່ງສີ ໄດ້ມີຄຳເຫັນໂອ້ລົມຕໍ່ພິທີ ຊຶງທ່ານໄດ້ສະແດງຄວາມຍ້ອງຍ້ອງຊົມເຊີຍຕໍ່ນັກສໍາມະນາກອນ, ນັກວິທະຍາກອນ ແລະ ນ້ອງນັກຮຽນ ທີ່ສາມາດຈັດຕັ້ງປະຕິບັດໃນການຝຶກອົບຮົມ, ການຮຽນບການສອນໃນຄັ້ງນີ້ຈົນໄດ້ຮັບຜົນສໍາເລັດຕາມຄາດໝາຍທີ່ວາງໄວ້ ພ້ອມນັ້ນທ່ານຍັງໄດ້ເນັ້ນໜັກໃຫ້ສໍາມະນາກອນ ແລະ ນ້ອງນັກຮຽນ ຈົ່ງພ້ອມກັນນໍາເອົາຄວາມຮູ້ ຄວາມສາມາດ, ບົດຮຽນໃນຄັ້ງນີ້ ໄປປະກອບເຂົ້າໃນການສ້າງສາພັດທະນາເສດຖະກິດຄອບຄົວໃຫ້ດີຂຶ້ນ ແລະ ລຸດຜົນອອກຈາກຄວາມທຸກຍາກ ເທື່ອລະກ້າວ.