ມີເດຍລາວແຂວງໄຊສົມບູນ ຂ່າວ: ສີລິພອນ ສົງຄຳ
ກຳມະບານຮາກຖານພະແນກການເງິນ ແຂວງໄຊສົມບູນ ໄດ້ເປີດກອງປະຊຸມຂະບວນການແຂ່ງຂັນ 5 ເປັນເຈົ້າ ຂຶ້ນໃນຕອນບ່າຍ ຂອງວັນທີ 30 ມິຖຸນາ 2021 ຜ່ານມາທີ່ຫ້ອງປະຊຸມພະແນກ. ໂດຍການເປັນປະທານຂອງ ສະຫາຍ ແສງຈັນ ປະເສີດກຸນ ຄະນະບໍລິຫານງານກຳມະບານແຂວງ, ຮອງຫົວໜ້າພະແນກ, ປະທານກຳມະບານຮາກຖານ ພະແນກການເງິນ ແຂວງ, ເປັນກຽດເຂົ້້າຮ່ວມຂອງ ສະຫາຍ ຈູ່ຢ່າງ ກຮ່າຈັ້ງ, ຮອງປະທານສະຫະພັນກຳມະບານແຂວງ ແລະ ສະຫາຍ ພັນທອງ ວັນທາວົງ, ຮອງເລຂາຄະນະພັກຮາກຖານ, ຫົວໜ້າສ່ວຍສາອາກອນແຂວງ ພ້ອມດ້ວຍຕາງໜ້າກຳມະບານຮາກຖານ ກຸ່ມເສດຖະກິດ ແລະ ສະມາຊິກກຳມະບານພາຍໃນໜ່ວຍ ເຂົ້າຮ່ວມ.

ໂອກາດດັ່ງກ່າວສະຫາຍ ແສງຈັນ ປະເສີດກຸນ, ປະທານກຳມະບານຮາກຖານ ພະແນກການເງິນແຂວງ ໄດ້ຜ່ານແຜນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ຊຶ່ງໄດ້ເອົາໃຈໃສ່ເຜີຍແຜ່ເຊື່ອມຊຶມບັນດານິຕິກຳ, ມະຕິ, ຄຳສັ່ງ ແລະ ລະບຽບກົດໝາຍຂອງພັກ-ລັດ ໂດຍສະເພາະແມ່ນບັນດາເອກະສານຕ່າງໆ ທີ່ຕິດພັນກັບວຽກງານກຳມະບານ ໃຫ້ແກ່ສະມາຊິກ ຢ່າງເປັນປົກກະຕິ ເຮັດໃຫ້ສະມາຊິກມີແນວຄິດອຸ່ນອ່ຽງທຸນທ່ຽງ, ມີສະຕິຕໍ່ການຈັດຕັ້ງ ພ້ອມທັງສຸມທຸກເຫື່ອແຮງເຂົ້າໃນການຈັດຕັ້ງປະຕິບັດວຽກງານກຳມະບານ ແລະ ວຽກງານວິຊາສະເາະ ດ້ວຍຄວາມຮັບຜິດຊອບສູງ ໂດຍປະຕິບັດຕາມຫລັກການລວມສູນປະຊາທິປະໄຕ ໄປພ້ອມກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຢ່າງເຂັ້ມງວດ. ຈາກນັ້ນສະມາຊິກກຳມະບານພາຍໃນໜ່ວຍໄດ້ຂຶ້ນຈັບມືເພື່ອພ້ອມກັນຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຢ່າງເປັນທາງການ, ພ້ອມທັງໄດ້ມອບ-ຮັບລາງວັນການແຂ່ງຂັນຕີບຸ່ນອີກດ້ວຍ.

ໃນຕອນທ້າຍ ສະຫາຍ ຈູ່ຢ່າງ ກຮ່າຈັ້ງ ແລະ ສະຫາຍ ແສງຈັນ ປະເສີດກຸນ ໄດ້ຜັດປ່ຽນກັນມີຄຳເຫັນໂອ້ລົມຕໍ່ພິທີ ຊຶ່ງທ່ານທັງສອງໄດ້ຮຽກຮ້ອງໃຫ້ຄະນະກຳມະບານຮາກຖານ ຕະຫລອດຮອດສະມາຊິກກຳມະບານ ພາຍໃນໜ່ວຍ ຈົ່ງເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ເປັນປົກກະຕິ, ເປັນເຈົ້າການຝຶກຝົນຫລໍ່ຫລອມຕົນເອງ ໃຫ້ມີຄວາມຫ້າວຫັນໃນການຈັດຕັ້ງປະຕິບັດວຽກງານຂອງຕົນ ດ້ວຍຄວາມຮັບຜິດຊອບສູງ ໄປຄ່ຽງຄູ່ກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າຂອງກຳມະບານລາວ ໃຫ້ປະກົດຜົນເປັນຈິງ.