ມີເດຍລາວແຂວງໄຊສົມບູນ ຂ່າວ: ນາງ ຕູດ ຄໍາພໍໃຈ
ກອງປະຊຸມອົງການປົກຄອງ ແຂວງໄຊສົມບູນ ປະຈໍາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2021 ໄດ້ສຳເລັດລົງຢ່າງຈົບງາມ ໃນຕອນບ່າຍຂອງວັນທີ 30 ມິຖຸນາ ນີ້ ທີ່ສະໂມສອນເມືອງອະນຸວົງ ພາຍຫລັງ ທີ່ໄດ້ດຳເນີນ ມາເປັນເວລາສອງວັນເຕັມ ໂດຍການເປັນປະທານຂອງທ່ານ ພົຕ ຄຳລຽງ ອຸທະໄກສອນ ເຈົ້າແຂວງໄຊສົມບູນ, ມີຮອງເລຂາ ພັກແຂວງ, ປະທານສະພາປະຊາຊົນແຂວງ, ຮອງເຈົ້າແຂວງ, ພ້ອມດ້ວຍຫົວພະແນກການ, ອົງການ-ກົມກອງອ້ອມຂ້າງ ແຂວງ ແລະ ເຈົ້າເມືອງ 5 ເມືອງ ເຂົ້າຮ່ວມ.

ຕະຫຼອດໄລຍະ 2 ວັນເຕັມ ຂອງການດຳເນີນກອງປະຊຸມ ບັນດາຜູ້ເຂົ້າຮ່ວມໄດ້ຮັບຟັງການລາຍງານ ຊີ້ແຈງ,ປະກອບຄໍາ ເຫັນໃສ່ໜ້າວຽກຕ່າງໆ ແມ່ນໄດ້ເຫັນຜົນສຳເລັດທີ່ຍາດມາໄດ້ໃນໄລຍະ 6 ເດືອນຜ່ານມາ ແລະ ບັນຫາດ້ານອ່ອນຂໍ້ຄົງຄ້າງ ພ້ອມ ທັງກຳນົດວຽກງານຈຸດສຸມປະຈໍາ 6 ເດືອນທ້າຍປີ 2021 ໃນໄລຍະຜ່ານມາສາມາດບັນລຸຜົນສຳເລັດຫລາຍດ້ານອັນພົນ ເດັ່ນແມ່ນ ພວກເຮົາຍັງສືບຕໍ່ໃຫ້ມີສະຖຽນລະພາບທາງດ້ານການເມືອງໜັກແໜ້ນ ສັງຄົມມີຄວາມສະຫງົບ ປອດໄພ, ປະກົດການຫຍໍ້ທໍ້ ຕ່າງໆໃນສັງຄົມ ໄດ້ຮັບການແກ້ໄຂຢ່າງຕັ້ງໜ້າ, ບັນດາໂຄງການລົງທຶນຂອງລັດ, ໂຄງການລົງທຶນຂອງເອກະຊົນທັງພາຍໃນ ແລະ ຕ່າງປະເທດ ມີຄວາມຄືບໜ້າພໍສົມຄວນ ແລະ ແຜນພັດທະນາເສດຖະກິດ-ສັງຄົມ 6 ເດືອນ ຜ່ານມາ ແມ່ນມີອັດຕາຂະຫຍາຍ ໂຕບັນລຸໄດ້ 3,2% ລວມຍອດຜະລິດຕະພັນ ພາຍໃນ GDP ບັນລຸ 723,18 ຕື້ກີບ

ພ້ອມນີ້ ວຽກງານວັດທະນະທຳ-ສັງຄົມ ແລະ ວຽກງານຂົງເຂດຕຸລາການ ກໍໄດ້ເຄື່ອນໄຫວຢ່າງຕັ້ງໜ້າ. ສຳລັບຄາດໝາຍສູ້ຊົນທີ່ຈະຕ້ອງໄດ້ສືບຕໍ່ນຳພາແກ້ໄຂໃນ 6 ເດືອນທ້າຍປີ 2021 ແມ່ນຈະໄດ້ສຸມໃສ່ຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ( 2021-2025 )ຂອງລັດ, ມະຕິກອງ ປະຊຸມໃຫຍ່ ຄັ້ງທີ I ຂອງອົງຄະນະພັກແຂວງ ແລະ ແຜນ ພັດທະນາເສດຖະກິດ-ສັງຄົມ 5 ປີ ຄັ້ງທີ II ຂອງແຂວງ ( 2021-2025 ) ຕິດພັນກັບດໍາລັດ 414/ລບ ໄດ້ຮັບການຈັດຕັ້ງປະ ຕິບັດຢ່າງເປັນຮູບປະທໍາເທື່ອລະກ້າວ.

ນອກນີ້ ວຽກງານປ້ອງກັນຊາດ-ປ້ອງກັນຄວາມສະຫງົບ ກໍໄດ້ສືບຕໍ່ຊີ້ນໍາ-ນໍາພາຢ່າງຕັ້ງໜ້າ ຮັບປະກັນໃຫ້ແຂວງໄຊສົມບູນ ມີສະຖຽນລະພາບທາງດ້ານ ການເມືອງຢ່າງໜັກແໜ້ນ ແລະ ສັງຄົມມີຄວາມສະຫງົບ ເປັນລະບຽບ ຮຽບຮ້ອຍ, ສືບຕໍ່ໃຫ້ເສດຖະກິດ-ສັງຄົມ ຂອງແຂວງ ຂະຫຍາຍຕົວຢ່າງຕໍ່ເນື່ອງ ບໍ່ໃຫ້ຫຼຸດ 7% ລວມຍອດ ຜະລິດຕະພັນພາຍໃນ GDP ໃຫ້ບັນລຸ 1.173,79 ຕື້ກີບ, ສູ້ຊົນຈັດເກັບລາຍຮັບໃຫ້ບັນລຸ 280,05 ຕື້ກີບ, ແລະ ສູ້ຊົນຄຸ້ມຄອງການຈໍລະຈອນສິນ ຄ້າຂາຍຍົກ-ຂາຍຍ່ອຍ ໃຫ້ໄດ້ 117 ຕື້ກີບ ສ່ວນວຽກງານ ດ້ານອື່ນໆ ກໍໃຫ້ສືບຕໍ່ຈັດຕັ້ງປະຕິບັດຕາມແຜນການ ທີ່ກຳນົດໄວ້. ພ້ອມນີ້ ກອງປະຊຸມຍັງໄດ້ຮັບຟັ້ງກາຍລາຍງານ ກ່ຽວກັບການຈັດຕັ້ງປະຕິບັດວຽກງານກອງທຶນພັດທະນາແຂວງໄຊສົມບູນ ຕາມດໍາ ລັດ 414/ລບ ຕື່ມອີກ.

ໃນໂອກາດກ່າວປິດກອງປະຊຸມ ທ່ານ ພົຕ ຄຳລຽງ ອຸທະໄກສອນ ໄດ້ເນັ້ນໜັກບັນດາຜູ້ແທນກອງປະຊຸມ ຈົ່ງສືບຕໍ່ສຶກ ສາອົບຮົມການເມືອງແນວຄິດໃຫ້ພະນັກງານ-ລັດຖະກອນ ພາຍໃນຂະແໜງການຂອງຕົນ ໃນການຈັດຕັ້ງປະຕິບັດວຽກງານ ຕ່າງໆ ໃຫ້ເປັນຂະບວນການຟົດຟື້ນກວ່າເກົ່າ, ສືບຕໍ່ຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບ ດ້ານ, ຮັບປະກັນໃຫ້ແຂວງ ມີຄວາມສະຫງົບປອດໄພ, ສັງຄົມມີຄວາມເປັນລະບຽບຮຽບຮ້ອຍ ແລະ ສຸມໃສ່ແກ້ໄຂປະກົດ ການຍໍທໍ້ຕ່າງໆໃນສັງຄົມໃຫ້ຫຼຸດລົງ ແລະ ນຳພາປະຊາຊົນພັດທະນາເສດຖະກິດໃຫ້ຫຼຸດພົ້ນອອກຈາກຄວາມທຸກຍາກ ພ້ອມທັງ ຊຸກຍູ້, ສົ່ງເສີມການຜະລິດເປັນສິນຄ້າຂອງປະຊາຊົນໃຫ້ເປັນຂະບວນການຟົດຟື້ນກວ້າງຂວາງກວ່າເກົ່າເພື່ອໃຫ້ການຈັດຕັ້ງປະຕິບັດ ວຽກງານໃນ ຕໍ່ໜ້າບັນລຸຕາມຄາດໝາຍທີ່ວາງໄວ້.